AJjanEyASTOttarazatanAmastOtram

AJjanEyO mahAvIrO hanumAn mArutAtmajaH|
tattvajJAnapradaH sItAdEvImudrApradAyakaH||1||

azOkavanikAcchEttA sarvamAyAvibhaJjanaH|
sarvabandhavimOktA ca rakSOvidhvaMsakArakaH||2||

paravidyAparIhartA parazauryavinAzakaH|
paramantranirAkartA parayantraprabhEdakaH||3||

sarvagrahavinAzI ca bhImasEnasahAyakRt|
sarvaduHkhaharaH sarvalOkacArI manOjavaH||4||

pArijAtadrumUlasthaH sarvamantrasvarUpavAn|
sarvatantrasvarUpI ca sarvayantrAtmikastathA||5||

kapIzvarO mahAkAyaH sarvarOgaharaH prabhuH|
balasiddhikaraH sarvavidyAsampatpradAyakaH||6||

kapisEnAnAyakazca bhaviSyaccaturAnanaH|
kumArabrahmacArI ca ratnakuNDaladIptimAn||7||

caJcaladvAlasannaddhO lambamAnazikhOjjvalaH|
gandharvavidyAtattvajJO mahAbalaparAkramaH||8||

kArAgRhavimOktA ca zRGkhalAbandhamOcakaH|
sAgarOttArakaH prAjJO rAmadUtaH pratApavAn||9||

vAnaraH kEsarIsUnuH sItAzOkanivAraNaH|
aJjanAgarbhasambhUtO bAlArkasadRzAnanaH||10||

vibhISaNapriyakarO dazagrIvakulAntakaH|
lakSmaNaprANadAtA ca vajrakAyO mahAdyutiH||11||

ciraJjIvI rAmabhaktO daityakAryavighAtakaH|
akSahantA kAJcanAbhaH paJcavaktrO mahAtapAH||12||

laGkiNIbhaJjanaH zrImAn siMhikAprANabhaJjanaH|
gandhamAdanazailasthO laGkApuravidAhakaH||13||

sugrIvasacivO dhIraH zUrO daityakulAntakaH |
surArcitO mahAtEjO rAmacUDAmaNipradaH||14||

kAmarUpI piGgalAkSO vardhimainAkapUjitaH|
kabalIkRtamArtANDamaNDalO vijitEndriyaH||15||

rAmasugrIvasandhAtA mahirAvaNamardanaH|
sphaTikAbhO vAgadhIzO navavyAkRtipaNDitaH||16||

caturbAhurdInabandhurmahAtmA bhaktavatsalaH|
saJjIvananagAhartA zucirvAgmI dhRtavrataH||17||

kAlanEmipramathanO harimarkaTamarkaTaH|
dAntaH zAntaH prasannAtmA zatakaNThamadApahaH||18||

yOgI rAmakathAlOlaH sItAnvESaNapaNDitaH|
vajradaMSTrO vajranakhO rudravIryasamudbhavaH||19||

indrajitprahitAmOghabrahmAstravinivArakaH|
pArthadhvajAgrasaMvAsI zarapaJjarahElakaH||20||

dazabAhurlOkapUjyO jAmbavatprItivardhanaH|
sItAsamEtazrIrAmapAdasEvAdhurandharaH||21||

||iti zrI AJjanEyASTOttarazatanAmastOtraM sampUrNam||