From StotraSamhita
ApaduddhAraka-dvAdazamukha-hanumAn stOtram
OM asya zrI ApaduddhAraka-dvAdazamukha-hanumAn stOtra-mahAmantrasya vibhISaNa RSiH| anuSTup chandaH|
zrI dvAdazamukha-pracaNDa-hanumAn dEvatA|
mArutAtmaja iti bIjam| aJjanAsUnuriti zaktiH|
vAyuputrEti kIlakam| zrIhanumatprasAdasiddhidvArA sarvApannivAraNArthE japE viniyOgaH|
dhyAnam
uSTrArUDha-suvarcalAsahacaran sugrIvamitrAJjanA- sUnO vAyukumAra kEsaritanUjA'kSAdidaityAntaka| sItazOkaharAgninandana sumitrAsambhavaprANada zrIbhImAgraja zambhuputra hanumAn sUryAsya tubhyaM namaH|| |
khaDgaM khETaka-bhindipAla-parazuM pAza-trizUla-drumAn cakraM zaGkha-gadA-phalAGkuza-sudhAkumbhAn halaM parvatam| TaGkaM parvatakArmukAhiDamarUnEtAni divyAyudhAn EvaM viMzatibAhubhizca dadhataM dhyAyEt hanUmatprabhum|| |
stOtram
OM namO bhagavatE tubhyaM namO mArutasUnavE| namaH zrIrAmabhaktAya zyAmAsyAya ca tE namaH||1|| |
namO vAnaravIrAya sugrIvasakhyakAriNE| laGkAvidAhakAyAtha hElAsAgaratAriNE||2|| |
sItAzOkavinAzAya rAmamudrAdharAya ca| rAvaNasya kulacchEdakAriNE tE namO namaH||3|| |
mEghanAdamakhadhvaMsakAriNE tE namO namaH| azOkavanavidhvaMsakAriNE bhayahAriNE||4|| |
vAyuputrAya vIrAya AkAzOdaragAminE| vanapAlazirazchEtrE laGkAprAsAdabhaJjinE||5|| |
jvalatkanakavarNAya dIrghalAGgUladhAriNE| saumitrijayadAtrE ca rAmadUtAya tE namaH||6|| |
akSasya vadhakartrE ca brahmazaktinivAriNE| lakSmaNAGgamahAzakti-ghAta-kSata-vinAzinE||7|| |
rakSOghnAya ripughnAya bhUtaghnAya ca tE namaH| RkSavAnaravIraugha-prANadAyaka tE namaH||8|| |
parasainyabalaghnAya zastrAstravighanAya ca| viSaghnAya dviSaghnAya jvaraghnAya ca tE namaH||9|| |
mahAbhayaripughnAya bhaktatrANaikakAriNE| paraprEritamantrANAM yantrANAM stambhakAriNE||10|| |
payaH-pASANa-taraNa-kAraNAya namO namaH| bAlArkamaNDalagrAsakAriNE bhavatAriNE||11|| |
nakhAyudhAya bhImAya dantAyudhadharAya ca| ripumAyAvinAzAya rAmAjJAlOkarakSiNE||12|| |
pratigrAmasthitAyAtha rakSObhUtavadhArthinE| karAlazailazastrAya drumazastrAya tE namaH||13|| |
bAlaikabrahmacaryAya rudramUrtidharAya ca| vihaGgamAya zarvAya vajradEhAya tE namaH||14|| |
kaupInavAsasE tubhyaM rAmabhaktiratAya ca| dakSiNAzAbhAskarAya zatacandrOdayAtmanE||15|| |
kRtyA-kSata-vyathaghnAya sarvaklEzaharAya ca| svAmyAjJA-pArthasaGgrAma-saGkhyE saJjayadhAriNE||16|| |
bhaktAnAM divyavAdESu saGgrAmE jayadAyinE| kilakilyAbUburOccaghOrazabdakarAya ca||17|| |
sarpAgnivyAdhisaMstambhakAriNE vanacAriNE| sadA vanaphalAhAra-sattRptAya vizESataH| mahArNava-zilA-baddha-sEtavE tE namO namaH||18|| |
vAdE vivAdE saGgrAmE bhayE ghOrE mahAvanE| siMhavyAghrAdi caurEbhyaH stOtrapAThAdbhayaM na hi||19|| |
divyE bhUtabhayE vyAdhau gRhE sthAvarajaGgamE| rAjazastrabhayE cOgrabAdhA grahabhayESu ca||20|| |
jalE sarvE mahAvRSTau durbhikSE prANasamplavE| paThEt stOtraM pramucyEta bhayEbhyaH sarvatO naraH| tasya kvApi bhayaM nAsti hanumat stavapAThataH||21|| |
sarvathA vai trikAlaM ca paThanIyamimaM stavam| sarvAn kAmAnavApnOti nAtra kAryA vicAraNA||22|| |
vinatAyAH svamAtuzca dAsItvasya nivRttayE| sudhArNaM yAtukAmAya mahApauruSazAlinE||23|| |
vibhISaNakRtaM stOtraM tArkSyENa samudIritam| yE paThanti sadA bhaktyA siddhayastatkarE sthitAH||24|| |
||iti zrI sudarzanasaMhitAyAM zrI vibhISaNagaruDasaMvAdE zrI vibhISaNakRtam ApaduddhAraka zrI dvAdazamukha-hanumAn stOtraM sampUrNam||
