From StotraSamhita

nyAsaH

||karanyAsaH||

OM asya zrImadbhagavadgItAmAlAmantrasya|
bhagavAnvEdavyAsa RSiH|
anuSTup chandaH|
zrIkRSNa paramAtmA dEvatA|
azOcyAnanvazOcastvaM prajJAvAdAMzca bhASasE iti bIjam|
sarvadharmAn parityajya mAmEkaM zaraNaM vraja iti zaktiH|
ahaM tvA sarvapApEbhyO mOkSayiSyAmi mA zuca iti kIlakam|
nainaM chindanti zastrANi nainaM dahati pAvaka ityaGguSThAbhyAM namaH|
na cainaM klEdayantyApO na zOSayati mAruta iti tarjanIbhyAM namaH|
acchEdyO'yamadAhyO'yamaklEdyO'zOSya Eva ca iti madhyamAbhyAM namaH|
nityaH sarvagataH sthANuracalO'yaM sanAtana ityanAmikAbhyAM namaH|
pazya mE pArtha rUpANi zatazO'tha sahasraza iti kaniSThikAbhyAM namaH|
nAnAvidhAni divyAni nAnAvarNAkRtIni ca iti karatalakarapRSThAbhyAM namaH|
||iti karanyAsaH||

||hRdayAdi nyAsaH||

nainaM chindanti zastrANi nainaM dahati pAvaka iti hRdayAya namaH|
na cainaM klEdayantyApO na zOSayati mAruta iti zirasE svAhA|
acchEdyO'yamadAhyO'yamaklEdyO'zOSya Eva cEti zikhAyai vaSaT|
nityaH sarvagataH sthANuracalO'yaM sanAtana iti kavacAya hum|
pazya mE pArtha rUpANi zatazO'tha sahasraza iti nEtratrayAya vauSaT|
nAnAvidhAni divyAni nAnAvarNAkRtIni cEti astrAya phaT|
||zrIkRSNaprItyarthE pAThE viniyOgaH||