From StotraSamhita
< Bhagavatam | Skandha 02
tRtIyO'dhyAyaH
zrIzuka uvAca
EvamEtannigaditaM pRSTavAnyadbhavAnmama| nRNAM yanmriyamANAnAM manuSyESu manISiNAm||1|| |
brahmavarcasakAmastu yajEta brahmaNaH patim| indramindriyakAmastu prajAkAmaH prajApatIn||2|| |
dEvIM mAyAM tu zrIkAmastEjaskAmO vibhAvasum| vasukAmO vasUnrudrAnvIryakAmO'tha vIryavAn||3|| |
annAdyakAmastvaditiM svargakAmO'ditEH sutAn| vizvAndEvAnrAjyakAmaH sAdhyAnsaMsAdhakO vizAm||4|| |
AyuSkAmO'zvinau dEvau puSTikAma ilAM yajEt| pratiSThAkAmaH puruSO rOdasI lOkamAtarau||5|| |
rUpAbhikAmO gandharvAnstrIkAmO'psara urvazIm| AdhipatyakAmaH sarvESAM yajEta paramESThinam||6|| |
yajJaM yajEdyazaskAmaH kOzakAmaH pracEtasam| vidyAkAmastu girizaM dAmpatyArtha umAM satIm||7|| |
dharmArtha uttamazlOkaM tantuH tanvanpitnyajEt| rakSAkAmaH puNyajanAnOjaskAmO marudgaNAn||8|| |
rAjyakAmO manUndEvAnnirRtiM tvabhicaranyajEt| kAmakAmO yajEtsOmamakAmaH puruSaM param||9|| |
akAmaH sarvakAmO vA mOkSakAma udAradhIH| tIvrENa bhaktiyOgEna yajEta puruSaM param||10|| |
EtAvAnEva yajatAmiha niHzrEyasOdayaH| bhagavatyacalO bhAvO yadbhAgavatasaGgataH||11|| |
jJAnaM yadApratinivRttaguNOrmicakram AtmaprasAda uta yatra guNESvasaGgaH| kaivalyasammatapathastvatha bhaktiyOgaH kO nirvRtO harikathAsu ratiM na kuryAt||12|| |
zaunaka uvAca
ityabhivyAhRtaM rAjA nizamya bharatarSabhaH| kimanyatpRSTavAnbhUyO vaiyAsakimRSiM kavim||13|| |
EtacchuzrUSatAM vidvansUta nO'rhasi bhASitum| kathA harikathOdarkAH satAM syuH sadasi dhruvam||14|| |
sa vai bhAgavatO rAjA pANDavEyO mahArathaH| bAlakrIDanakaiH krIDankRSNakrIDAM ya AdadE||15|| |
vaiyAsakizca bhagavAnvAsudEvaparAyaNaH| urugAyaguNOdArAH satAM syurhi samAgamE||16|| |
Ayurharati vai puMsAmudyannastaM ca yannasau| tasyartE yatkSaNO nIta uttamazlOkavArtayA||17|| |
taravaH kiM na jIvanti bhastrAH kiM na zvasantyuta| na khAdanti na mEhanti kiM grAmE pazavO'parE||18|| |
zvaviDvarAhOSTrakharaiH saMstutaH puruSaH pazuH| na yatkarNapathOpEtO jAtu nAma gadAgrajaH||19|| |
bilE batOrukramavikramAnyE na zRNvataH karNapuTE narasya| jihvAsatI dArdurikEva sUta na cOpagAyatyurugAyagAthAH||20|| |
bhAraH paraM paTTakirITajuSTamapyuttamAGgaM na namEnmukundam| zAvau karau nO kurutE saparyAM harErlasatkAJcanakaGkaNau vA||21|| |
barhAyitE tE nayanE narANAM liGgAni viSNOrna nirIkSatO yE| pAdau nRNAM tau drumajanmabhAjau kSEtrANi nAnuvrajatO harEryau||22|| |
jIvaJchavO bhAgavatAGghrirENuM na jAtu martyO'bhilabhEta yastu| zrIviSNupadyA manujastulasyAH zvasaJchavO yastu na vEda gandham||23|| |
tadazmasAraM hRdayaM batEdaM yadgRhyamANairharinAmadhEyaiH| na vikriyEtAtha yadA vikArO nEtrE jalaM gAtraruhESu harSaH||24|| |
athAbhidhEhyaGga manO'nukUlaM prabhASasE bhAgavatapradhAnaH yadAha vaiyAsakirAtmavidyA vizAradO nRpatiM sAdhu pRSTaH||25|| |
||iti zrImadbhAgavatE mahApurANE pAramahaMsyAM saMhitAyAM dwitIyaskandhE tRtIyO'dhyAyaH||