From StotraSamhita
< Bhagavatam | Skandha 03
saptamO'dhyAyaH
zrIzuka uvAca
EvaM bruvANaM maitrEyaM dvaipAyanasutO budhaH| prINayanniva bhAratyA viduraH pratyabhASata||1|| |
vidura uvAca
brahmankathaM bhagavatazcinmAtrasyAvikAriNaH| lIlayA cApi yujyErannirguNasya guNAH kriyAH||2|| |
krIDAyAmudyamO'rbhasya kAmazcikrIDiSAnyataH| svatastRptasya ca kathaM nivRttasya sadAnyataH||3|| |
asrAkSIdbhagavAnvizvaM guNamayyAtmamAyayA| tayA saMsthApayatyEtadbhUyaH pratyapidhAsyati||4|| |
dEzataH kAlatO yO'sAvavasthAtaH svatO'nyataH| aviluptAvabOdhAtmA sa yujyEtAjayA katham||5|| |
bhagavAnEka EvaiSa sarvakSEtrESvavasthitaH| amuSya durbhagatvaM vA klEzO vA karmabhiH kutaH||6|| |
EtasminmE manO vidvankhidyatE'jJAnasaGkaTE| tannaH parANuda vibhO kazmalaM mAnasaM mahat||7|| |
zrIzuka uvAca
sa itthaM cOditaH kSattrA tattvajijJAsunA muniH| pratyAha bhagavaccittaH smayanniva gatasmayaH||8|| |
maitrEya uvAca
sEyaM bhagavatO mAyA yannayEna virudhyatE| Izvarasya vimuktasya kArpaNyamuta bandhanam||9|| |
yadarthEna vinAmuSya puMsa AtmaviparyayaH| pratIyata upadraSTuH svazirazchEdanAdikaH||10|| |
yathA jalE candramasaH kampAdistatkRtO guNaH| dRzyatE'sannapi draSTurAtmanO'nAtmanO guNaH||11|| |
sa vai nivRttidharmENa vAsudEvAnukampayA| bhagavadbhaktiyOgEna tirOdhattE zanairiha||12|| |
yadEndriyOparAmO'tha draSTrAtmani parE harau| vilIyantE tadA klEzAH saMsuptasyEva kRtsnazaH||13|| |
azESasaGklEzazamaM vidhattE guNAnuvAdazravaNaM murArEH| kiM vA punastaccaraNAravinda parAgasEvAratirAtmalabdhA||14|| |
vidura uvAca
saJchinnaH saMzayO mahyaM tava sUktAsinA vibhO| ubhayatrApi bhagavanmanO mE sampradhAvati||15|| |
sAdhvEtadvyAhRtaM vidvannAtmamAyAyanaM harEH| AbhAtyapArthaM nirmUlaM vizvamUlaM na yadbahiH||16|| |
yazca mUDhatamO lOkE yazca buddhEH paraM gataH| tAvubhau sukhamEdhEtE klizyatyantaritO janaH||17|| |
arthAbhAvaM vinizcitya pratItasyApi nAtmanaH| tAM cApi yuSmaccaraNa sEvayAhaM parANudE||18|| |
yatsEvayA bhagavataH kUTasthasya madhudviSaH| ratirAsO bhavEttIvraH pAdayOrvyasanArdanaH||19|| |
durApA hyalpatapasaH sEvA vaikuNThavartmasu| yatrOpagIyatE nityaM dEvadEvO janArdanaH||20|| |
sRSTvAgrE mahadAdIni savikArANyanukramAt| tEbhyO virAjamuddhRtya tamanu prAvizadvibhuH||21|| |
yamAhurAdyaM puruSaM sahasrAGghryUrubAhukam| yatra vizva imE lOkAH savikAzaM ta AsatE||22|| |
yasmindazavidhaH prANaH sEndriyArthEndriyastrivRt| tvayEritO yatO varNAstadvibhUtIrvadasva naH||23|| |
yatra putraizca pautraizca naptRbhiH saha gOtrajaiH| prajA vicitrAkRtaya AsanyAbhiridaM tatam||24|| |
prajApatInAM sa patizcaklRpE kAnprajApatIn| sargAMzcaivAnusargAMzca manUnmanvantarAdhipAn||25|| |
EtESAmapi vEdAMzca vaMzAnucaritAni ca| uparyadhazca yE lOkA bhUmErmitrAtmajAsatE||26|| |
tESAM saMsthAM pramANaM ca bhUrlOkasya ca varNaya tiryaGmAnuSadEvAnAM sarIsRpapatattriNAm vada naH sargasaMvyUhaM gArbhasvEdadvijOdbhidAm||27|| |
guNAvatArairvizvasya sargasthityapyayAzrayam| sRjataH zrInivAsasya vyAcakSvOdAravikramam||28|| |
varNAzramavibhAgAMzca rUpazIlasvabhAvataH| RSINAM janmakarmANi vEdasya ca vikarSaNam||29|| |
yajJasya ca vitAnAni yOgasya ca pathaH prabhO| naiSkarmyasya ca sAGkhyasya tantraM vA bhagavatsmRtam||30|| |
pASaNDapathavaiSamyaM pratilOmanivEzanam| jIvasya gatayO yAzca yAvatIrguNakarmajAH||31|| |
dharmArthakAmamOkSANAM nimittAnyavirOdhataH| vArtAyA daNDanItEzca zrutasya ca vidhiM pRthak||32|| |
zrAddhasya ca vidhiM brahmanpitNAM sargamEva ca| grahanakSatratArANAM kAlAvayavasaMsthitim||33|| |
dAnasya tapasO vApi yaccESTApUrtayOH phalam| pravAsasthasya yO dharmO yazca puMsa utApadi||34|| |
yEna vA bhagavAMstuSyEddharmayOnirjanArdanaH| samprasIdati vA yESAmEtadAkhyAhi mE'nagha||35|| |
anuvratAnAM ziSyANAM putrANAM ca dvijOttama| anApRSTamapi brUyurguravO dInavatsalAH||36|| |
tattvAnAM bhagavaMstESAM katidhA pratisaGkramaH| tatrEmaM ka upAsIranka u svidanuzEratE||37|| |
puruSasya ca saMsthAnaM svarUpaM vA parasya ca| jJAnaM ca naigamaM yattadguruziSyaprayOjanam||38|| |
nimittAni ca tasyEha prOktAnyanaghasUribhiH| svatO jJAnaM kutaH puMsAM bhaktirvairAgyamEva vA||39|| |
EtAnmE pRcchataH praznAnharEH karmavivitsayA| brUhi mE'jJasya mitratvAdajayA naSTacakSuSaH||40|| |
sarvE vEdAzca yajJAzca tapO dAnAni cAnagha| jIvAbhayapradAnasya na kurvIrankalAmapi||41|| |
zrIzuka uvAca
sa itthamApRSTapurANakalpaH kurupradhAnEna munipradhAnaH pravRddhaharSO bhagavatkathAyAM saJcOditastaM prahasannivAha||42|| |
||iti zrImadbhAgavatE mahApurANE pAramahaMsyAM saMhitAyAM tRtIyaskandhE saptamO'dhyAyaH||
