From StotraSamhita
< Bhagavatam | Skandha 09
viMzO'dhyAyaH
zrIbAdarAyaNiruvAca
pUrOrvaMzaM pravakSyAmi yatra jAtO'si bhArata| yatra rAjarSayO vaMzyA brahmavaMzyAzca jajJirE||1|| |
janamEjayO hyabhUtpUrOH pracinvAMstatsutastataH| pravIrO'tha manusyurvai tasmAccArupadO'bhavat||2|| |
tasya sudyurabhUtputrastasmAdbahugavastataH| saMyAtistasyAhaMyAtI raudrAzvastatsutaH smRtaH||3|| |
RtEyustasya kakSEyuH sthaNDilEyuH kRtEyukaH| jalEyuH sannatEyuzca dharmasatyavratEyavaH||4|| |
dazaitE'psarasaH putrA vanEyuzcAvamaH smRtaH| ghRtAcyAmindriyANIva mukhyasya jagadAtmanaH||5|| |
RtEyO rantinAvO'bhUttrayastasyAtmajA nRpa| sumatirdhruvO'pratirathaH kaNvO'pratirathAtmajaH||6|| |
tasya mEdhAtithistasmAtpraskannAdyA dvijAtayaH| putrO'bhUtsumatE rEbhirduSmantastatsutO mataH||7|| |
duSmantO mRgayAM yAtaH kaNvAzramapadaM gataH| tatrAsInAM svaprabhayA maNDayantIM ramAmiva||8|| |
vilOkya sadyO mumuhE dEvamAyAmiva striyam| babhASE tAM varArOhAM bhaTaiH katipayairvRtaH||9|| |
taddarzanapramuditaH sannivRttaparizramaH| papraccha kAmasantaptaH prahasaJzlakSNayA girA||10|| |
kA tvaM kamalapatrAkSi kasyAsi hRdayaGgamE| kiM sviccikIrSitaM tatra bhavatyA nirjanE vanE||11|| |
vyaktaM rAjanyatanayAM vEdmyahaM tvAM sumadhyamE| na hi cEtaH pauravANAmadharmE ramatE kvacit||12|| |
zrIzakuntalOvAca
vizvAmitrAtmajaivAhaM tyaktA mEnakayA vanE| vEdaitadbhagavAnkaNvO vIra kiM karavAma tE||13|| |
AsyatAM hyaravindAkSa gRhyatAmarhaNaM ca naH| bhujyatAM santi nIvArA uSyatAM yadi rOcatE||14|| |
zrIduSmanta uvAca
upapannamidaM subhru jAtAyAH kuzikAnvayE| svayaM hi vRNutE rAjJAM kanyakAH sadRzaM varam||15|| |
OmityuktE yathAdharmamupayEmE zakuntalAm| gAndharvavidhinA rAjA dEzakAlavidhAnavit||16|| |
amOghavIryO rAjarSirmahiSyAM vIryamAdadhE| zvObhUtE svapuraM yAtaH kAlEnAsUta sA sutam||17|| |
kaNvaH kumArasya vanE cakrE samucitAH kriyAH| baddhvA mRgEndraM tarasA krIDati sma sa bAlakaH||18|| |
taM duratyayavikrAntamAdAya pramadOttamA| harEraMzAMzasambhUtaM bharturantikamAgamat||19|| |
yadA na jagRhE rAjA bhAryAputrAvaninditau| zRNvatAM sarvabhUtAnAM khE vAgAhAzarIriNI||20|| |
mAtA bhastrA pituH putrO yEna jAtaH sa Eva saH| bharasva putraM duSmanta mAvamaMsthAH zakuntalAm||21|| |
rEtOdhAH putrO nayati naradEva yamakSayAt| tvaM cAsya dhAtA garbhasya satyamAha zakuntalA||22|| |
pitaryuparatE sO'pi cakravartI mahAyazAH| mahimA gIyatE tasya harEraMzabhuvO bhuvi||23|| |
cakraM dakSiNahastE'sya padmakOzO'sya pAdayOH| IjE mahAbhiSEkENa sO'bhiSiktO'dhirADvibhuH||24|| |
paJcapaJcAzatA mEdhyairgaGgAyAmanu vAjibhiH| mAmatEyaM purOdhAya yamunAmanu ca prabhuH||25|| |
aSTasaptatimEdhyAzvAnbabandha pradadadvasu bharatasya hi dauSmantEragniH sAcIguNE citaH sahasraM badvazO yasminbrAhmaNA gA vibhEjirE||26|| |
trayastriMzacchataM hyazvAnbaddhvA vismApayannRpAn| dauSmantiratyagAnmAyAM dEvAnAM gurumAyayau||27|| |
mRgAnchukladataH kRSNAnhiraNyEna parIvRtAn| adAtkarmaNi maSNArE niyutAni caturdaza||28|| |
bharatasya mahatkarma na pUrvE nAparE nRpAH| naivApurnaiva prApsyanti bAhubhyAM tridivaM yathA||29|| |
kirAtahUNAnyavanAnpauNDrAnkaGkAnkhazAnchakAn| abrahmaNyanRpAMzcAhanmlEcchAndigvijayE'khilAn||30|| |
jitvA purAsurA dEvAnyE rasaukAMsi bhEjirE| dEvastriyO rasAM nItAH prANibhiH punarAharat||31|| |
sarvAnkAmAnduduhatuH prajAnAM tasya rOdasI| samAstriNavasAhasrIrdikSu cakramavartayat||32|| |
sa saMrADlOkapAlAkhyamaizvaryamadhirATzriyam| cakraM cAskhalitaM prANAnmRSEtyupararAma ha||33|| |
tasyAsannRpa vaidarbhyaH patnyastisraH susammatAH| jaghnustyAgabhayAtputrAnnAnurUpA itIritE||34|| |
tasyaivaM vitathE vaMzE tadarthaM yajataH sutam| marutstOmEna marutO bharadvAjamupAdaduH||35|| |
antarvatnyAM bhrAtRpatnyAM maithunAya bRhaspatiH| pravRttO vAritO garbhaM zaptvA vIryamupAsRjat||36|| |
taM tyaktukAmAM mamatAM bhartustyAgavizaGkitAm| nAmanirvAcanaM tasya zlOkamEnaM surA jaguH||37|| |
mUDhE bhara dvAjamimaM bhara dvAjaM bRhaspatE| yAtau yaduktvA pitarau bharadvAjastatastvayam||38|| |
cOdyamAnA surairEvaM matvA vitathamAtmajam vyasRjanmarutO'bibhrandattO'yaM vitathE'nvayE||39|| |
||iti zrImadbhAgavatE mahApurANE pAramahaMsyAM saMhitAyAM navamaskandhE viMzO'dhyAyaH||
