From StotraSamhita
< Bhagavatam | Skandha 11
aSTAdazO'dhyAyaH
zrIbhagavAnuvAca
vanaM vivikSuH putrESu bhAryAM nyasya sahaiva vA| vana Eva vasEcchAntastRtIyaM bhAgamAyuSaH||1|| |
kandamUlaphalairvanyairmEdhyairvRttiM prakalpayEt| vasIta valkalaM vAsastRNaparNAjinAni vA||2|| |
kEzarOmanakhazmazru malAni bibhRyAddataH| na dhAvEdapsu majjEta tri kAlaM sthaNDilEzayaH||3|| |
grISmE tapyEta paJcAgnInvarSAsvAsAraSADjalE| AkaNthamagnaH zizira EvaM vRttastapazcarEt||4|| |
agnipakvaM samaznIyAtkAlapakvamathApi vA| ulUkhalAzmakuTTO vA dantOlUkhala Eva vA||5|| |
svayaM saJcinuyAtsarvamAtmanO vRttikAraNam| dEzakAlabalAbhijJO nAdadItAnyadAhRtam||6|| |
vanyaizcarupurODAzairnirvapEtkAlacOditAn| na tu zrautEna pazunA mAM yajEta vanAzramI||7|| |
agnihOtraM ca darzazca paurNamAsazca pUrvavat| cAturmAsyAni ca munErAmnAtAni ca naigamaiH||8|| |
EvaM cIrNEna tapasA munirdhamanisantataH| mAM tapOmayamArAdhya RSilOkAdupaiti mAm||9|| |
yastvEtatkRcchratazcIrNaM tapO niHzrEyasaM mahat| kAmAyAlpIyasE yuJjyAdbAlizaH kO'parastataH||10|| |
yadAsau niyamE'kalpO jarayA jAtavEpathuH| AtmanyagnInsamArOpya maccittO'gniM samAvizEt||11|| |
yadA karmavipAkESu lOkESu nirayAtmasu| virAgO jAyatE samyaGnyastAgniH pravrajEttataH||12|| |
iSTvA yathOpadEzaM mAM dattvA sarvasvamRtvijE| agnInsvaprANa AvEzya nirapEkSaH parivrajEt||13|| |
viprasya vai sannyasatO dEvA dArAdirUpiNaH| vighnAnkurvantyayaM hyasmAnAkramya samiyAtparam||14|| |
bibhRyAccEnmunirvAsaH kaupInAcchAdanaM param| tyaktaM na daNDapAtrAbhyAmanyatkiJcidanApadi||15|| |
dRSTipUtaM nyasEtpAdaM vastrapUtaM pibEjjalam| satyapUtAM vadEdvAcaM manaHpUtaM samAcarEt||16|| |
maunAnIhAnilAyAmA daNDA vAgdEhacEtasAm| na hyEtE yasya santyaGga vENubhirna bhavEdyatiH||17|| |
bhikSAM caturSu varNESu vigarhyAnvarjayaMzcarEt| saptAgArAnasaGklRptAMstuSyEllabdhEna tAvatA||18|| |
bahirjalAzayaM gatvA tatrOpaspRzya vAgyataH| vibhajya pAvitaM zESaM bhuJjItAzESamAhRtam||19|| |
EkazcarEnmahImEtAM niHsaGgaH saMyatEndriyaH| AtmakrIDa Atmarata AtmavAnsamadarzanaH||20|| |
viviktakSEmazaraNO madbhAvavimalAzayaH| AtmAnaM cintayEdEkamabhEdEna mayA muniH||21|| |
anvIkSEtAtmanO bandhaM mOkSaM ca jJAnaniSThayA| bandha indriyavikSEpO mOkSa ESAM ca saMyamaH||22|| |
tasmAnniyamya SaDvargaM madbhAvEna carEnmuniH| viraktaH kSudrakAmEbhyO labdhvAtmani sukhaM mahat||23|| |
puragrAmavrajAnsArthAnbhikSArthaM pravizaMzcarEt| puNyadEzasaricchaila vanAzramavatIM mahIm||24|| |
vAnaprasthAzramapadESvabhIkSNaM bhaikSyamAcarEt| saMsidhyatyAzvasammOhaH zuddhasattvaH zilAndhasA||25|| |
naitadvastutayA pazyEddRzyamAnaM vinazyati| asaktacittO viramEdihAmutracikIrSitAt||26|| |
yadEtadAtmani jaganmanOvAkprANasaMhatam| sarvaM mAyEti tarkENa svasthastyaktvA na tatsmarEt||27|| |
jJAnaniSThO viraktO vA madbhaktO vAnapEkSakaH| saliGgAnAzramAMstyaktvA carEdavidhigOcaraH||28|| |
budhO bAlakavatkrIDEtkuzalO jaDavaccarEt| vadEdunmattavadvidvAngOcaryAM naigamazcarEt||29|| |
vEdavAdaratO na syAnna pASaNDI na haitukaH| zuSkavAdavivAdE na kaJcitpakSaM samAzrayEt||30|| |
nOdvijEta janAddhIrO janaM cOdvEjayEnna tu ativAdAMstitikSEta nAvamanyEta kaJcana dEhamuddizya pazuvadvairaM kuryAnna kEnacit||31|| |
Eka Eva parO hyAtmA bhUtESvAtmanyavasthitaH| yathEndurudapAtrESu bhUtAnyEkAtmakAni ca||32|| |
alabdhvA na viSIdEta kAlE kAlE'zanaM kvacit| labdhvA na hRSyEddhRtimAnubhayaM daivatantritam||33|| |
AhArArthaM samIhEta yuktaM tatprANadhAraNam| tattvaM vimRzyatE tEna tadvijJAya vimucyatE||34|| |
yadRcchayOpapannAnnamadyAcchrESThamutAparam| tathA vAsastathA zayyAM prAptaM prAptaM bhajEnmuniH||35|| |
zaucamAcamanaM snAnaM na tu cOdanayA carEt| anyAMzca niyamAJjJAnI yathAhaM lIlayEzvaraH||36|| |
na hi tasya vikalpAkhyA yA ca madvIkSayA hatA| AdEhAntAtkvacitkhyAtistataH sampadyatE mayA||37|| |
duHkhOdarkESu kAmESu jAtanirvEda AtmavAn| ajjJAsitamaddharmO muniM gurumupavrajEt||38|| |
tAvatparicarEdbhaktaH zraddhAvAnanasUyakaH| yAvadbrahma vijAnIyAnmAmEva gurumAdRtaH||39|| |
yastvasaMyataSaDvargaH pracaNDEndriyasArathiH| jJAnavairAgyarahitastridaNDamupajIvati||40|| |
surAnAtmAnamAtmasthaM nihnutE mAM ca dharmahA| avipakvakaSAyO'smAdamuSmAcca vihIyatE||41|| |
bhikSOrdharmaH zamO'hiMsA tapa IkSA vanaukasaH| gRhiNO bhUtarakSEjyA dvijasyAcAryasEvanam||42|| |
brahmacaryaM tapaH zaucaM santOSO bhUtasauhRdam| gRhasthasyApyRtau gantuH sarvESAM madupAsanam||43|| |
iti mAM yaH svadharmENa bhajEnnityamananyabhAk| sarvabhUtESu madbhAvO madbhaktiM vindatE dRDhAm||44|| |
bhaktyOddhavAnapAyinyA sarvalOkamahEzvaram| sarvOtpattyapyayaM brahma kAraNaM mOpayAti saH||45|| |
iti svadharmanirNikta sattvO nirjJAtamadgatiH| jJAnavijJAnasampannO na cirAtsamupaiti mAm||46|| |
varNAzramavatAM dharma ESa AcAralakSaNaH| sa Eva madbhaktiyutO niHzrEyasakaraH paraH||47|| |
EtattE'bhihitaM sAdhO bhavAnpRcchati yacca mAm yathA svadharmasaMyuktO bhaktO mAM samiyAtparam||48|| |
||iti zrImadbhAgavatE mahApurANE pAramahaMsyAM saMhitAyAM EkAdazaskandhE aSTAdazO'dhyAyaH||