bilvASTakam

tridalaM triguNAkAraM trinEtraM ca triyAyudham|
trijanmapApasaMhAraM EkabilvaM zivArpaNam||1||

trizAkhaiH bilvapatraizca hyacchidraiH kOmalaiH zubhaiH|
zivapUjAM kariSyAmi hyEkabilvaM zivArpaNam||2||

akhaNDabilvapatrENa pUjitE nandikEzvarE|
zud‌dhyanti sarvapApEbhyO hyEkabilvaM zivArpaNam||3||

zAligrAma-zilAmEkAM viprANAM jAtu cArpayEt|
sOmayajJa-mahApuNyaM EkabilvaM zivArpaNam||4||

dantikOTi-sahasrANi vAjapEya-zatAni ca|
kOTikanyA-mahAdAnaM EkabilvaM zivArpaNam||5||

lakSmyAstanuta utpannaM mahAdEvasya ca priyam|
bilvavRkSaM prayacchAmi hyEkabilvaM zivArpaNam||6||

darzanaM bilvavRkSasya sparzanaM pApanAzanam|
aghOrapApasaMhAraM EkabilvaM zivArpaNam||7||

kAzIkSEtranivAsaM ca kAlabhairavadarzanam|
prayAgamAdhavaM dRSTvA hyEkabilvaM zivArpaNam||8||

mUlatO brahmarUpAya madhyatO viSNurUpiNE|
agrataH zivarUpAya hyEkabilvaM zivArpaNam||9||

bilvASTakamidaM puNyaM yaH paThEt zivasannidhau|
sarvapApavinirmuktaH zivalOkamavApnuyAt||

||iti bilvASTakaM sampUrNam||