durgASTOttara zatanAmastOtram

||nyAsaH||

||stOtram||

satyA sAdhyA bhavaprItA bhavAnI bhavamOcanI|
AryA durgA jayA ca''dyA trinEtrA zUladhAriNI||1||

pinAkadhAriNI citrA canDaghaNTA mahAtapAH|
manO buddhirahaGkArA cidrUpA ca cidAkRtiH||2||

anantA bhAvinI bhavyA hyabhavyA ca sadAgatiH|
zAmbhavI dEvamAtA ca cintA ratnapriyA tathA||3||

sarvavidyA dakSakanyA dakSayajJavinAzinI|
aparNA'nEkavarNA ca pATalA pATalAvatI||4||

paTTAmbaraparIdhAnA kalamaJjIraraJjinI|
IzAnI ca mahArAjJI hyapramEyaparAkramA||5||

rudrANI krUrarUpA ca sundarI surasundarI|
vanadurgA ca mAtaGgI mataGgamunikanyakA||6||

brAhmI mAhEzvarI caindrI kaumArI vaiSNavI tathA|
cAmuNDA caiva vArAhI lakSmIzca puruSAkRtiH||7||

vimalA jJAnarUpA ca kriyA nityA ca buddhidA|
bahulA bahulaprEmA mahiSAsuramardinI||8||

madhukaiTabhahantrI ca caNDamuNDavinAzinI|
sarvazAstramayI caiva sarvadAnavaghAtinI||9||

anEkazastrahastA ca sarvazastrAstradhAriNI|
bhadrakAlI sadAkanyA kaizOrI yuvatiryatiH||10||

prauDhA'prauDhA vRddhamAtA ghOrarUpA mahOdarI|
balapradA ghOrarUpA mahOtsAhA mahAbalA||11||

agnijvAlA raudramukhI kAlarAtrI tapasvinI|
nArAyaNI mahAdEvI viSNumAyA zivAtmikA||12||

zivadUtI karAlI ca hyanantA paramEzvarI|
kAtyAyanI mahAvidyA mahAmEdhAsvarUpiNI||13||

gaurI sarasvatI caiva sAvitrI brahmavAdinI|
sarvatattvaikanilayA vEdamantrasvarUpiNI||14||

||phalazrutiH||

idaM stOtraM mahAdEvyA nAmnAm aSTOttaraM zatam|
yaH paThEt prayatO nityaM bhaktibhAvEna cEtasA||15||

zatrubhyO na bhayaM tasya tasya zatrukSayaM bhavEt|
sarvaduHkhadaridrAcca susukhaM mucyatE dhruvam||16||

vidyArthI labhatE vidyAM dhanArthI labhatE dhanam|
kanyArthI labhatE kanyAM kanyA ca labhatE varam||17||

RNI RNAdvimucyEta hyaputrO labhatE sutam|
rOgAdvimucyatE rOgI sukhamatyantamaznutE||18||

bhUmilAbhO bhavEt tasya sarvatra vijayI bhavEt|
sarvAn kAmAnavApnOti mahAdEvIprasAdataH||19||

kuGkumairbilvapatraizca sugandhai raktapuSpakaiH|
raktapatrairvizESENa pUjayan bhadramaznutE||20||

||iti durgASTOttara zatanAmastOtraM sampUrNam||