From StotraSamhita
dvAdazAryAsUryastutiH
udyannadya vivasvAn ArOhannuttarAM divaM dEvaH| hRdrOgaM mama sUryO harimANaM ca''zu nAzayatu||1|| |
nimiSArdhEnaikEna dvE ca zatE dvE sahasrE dvE| kramamANa yOjanAnAM namO'stu tE naLinanAthAya||2|| |
karma jJAna kha dazakaM manazca jIva iti vizvasargAya| dvAdazadhA yO vicarati sa dvAdazamUrtirastu mOdAya||3|| |
tvaM hi yajU Rk sAmastvamAgamastvaM vaSaTkAraH| tvaM vizvaM tvaM haMsastvaM bhAnO paramahaMsazca||4|| |
zivarUpAt jJAnamahaM tvattO muktiM janArdanAkArAt| zikhirUpAdaizvaryaM tvattazcArOgyamicchAmi||5|| |
tvaci dOSA dRzi dOSA hRdi dOSA yE'khilEndriyajadOSAH| tAn pUSA hatadOSaH kiJcit rOSAgninA dahatu||6|| |
dharmArthakAmamOkSa pratirOdhAnugratApavEga karAn| bandIkRtEndriyagaNAn gadAn vikhaNDayatu caNDAMzuH||7|| |
yEna vinEdaM timiraM jagadEtya grasati caramacaramakhilam| dhRtabOdhaM taM naLinIbhartAraM hartAramApadAmIDE||8|| |
yasya sahasrAbhIzOrabhIzulEzO himAMzubimbagataH| bhAsayati naktamakhilaM bhEdayatu vipadgaNAnaruNaH||9|| |
timiramiva nEtratimiraM paTalamivA'zESarOgapaTalaM naH| kAzamivAdhinikAyaM kAlapitA rOgayuktatAM haratAt||10|| |
vAtAzmarIgadArzastvagdOSamahOdarapramEhAMzca| grahaNIbhagandarAkhyA mahatIstvaM mE rujO haMsi||11|| |
tvaM mAtA tvaM zaraNaM tvaM dhAtA tvaM dhanaM tvamAcAryaH| tvaM trAtA tvaM hartA vipadAm arka prasIda mama bhAnO||12|| |
ityAryAdvAdazakaM sAmbasya purO nabhaHsthalAtpatitam| paThatAM bhAgyasamRddhiH samastarOgakSayazca syAt|| |
||iti zrI dvAdazAryAsUryastutiH sampUrNaH||