From StotraSamhita
gaGgAdazaharAstOtram
brahmOvAca
namaH zivAyai gaGgAyai zivadAyai namO namaH| namastE rudrarUpiNyai zAGkaryai tE namO namaH||1|| |
namastE vizvarUpiNyai brahmamUrtyai namO namaH| sarvadEvasvarUpiNyai namO bhESajamUrtayE||2|| |
sarvasya sarvavyAdhInAM bhiSak-zrESThyai namO'stu tE| sthANujaGgamasambhUtaviSahantryai namO namaH||3|| |
bhOgOpabhOgadAyinyai bhOgavatyai namO namaH| mandAkinyai namastE'stu svargadAyai namO namaH||4|| |
namastrailOkyabhUSAyai jagaddhAtryai namO namaH| namaH strIzuklasaMsthAyai tEjOvatyai namO namaH||5|| |
nandAyai liGgadhAriNyai nArAyaNyai namO namaH| namastE vizvamukhyAyai rEvatyai tE namO namaH||6|| |
bRhatyai tE namastE'stu lOkadhAtryai namO namaH| namastE vizvamitrAyai nandinyai tE namO namaH||7|| |
pRthvyai zivAmRtAyai ca suvRSAyai namO namaH| zAntAyai ca variSThAyai varadAyai namO namaH||8|| |
usrAyai sukhadOgdhryai ca saJjIvinyai namO namaH| brahmiSThAyai brahmadAyai duritaghnyai namO namaH||9|| |
praNatArtiprabhaJjinyai jaganmAtrE namO'stu tE| sarvApatpratipakSAyai maGgalAyai namO namaH||10|| |
zaraNAgatadInArtaparitrANaparAyaNE| sarvasyArtiharE dEvi nArAyaNi namO'stutE||11|| |
nirlEpAyai durgahantryai dakSAyai tE namO namaH| parAtparatarE tubhyaM namastE mOkSadE sadA||12|| |
gaGgE mamAgratO bhUyA gaGgE mE dEvi pRSThataH| gaGgE mE pArzvayOrEhi tvayi gaGgE'stu mE sthitiH||13|| |
Adau tvamantE madhyE ca sarvaM tvaM gAM gatE zubhE
tvamEva mUlaprakRtistvaM hi nArAyaNaH paraH|
gaGgE tvaM paramAtmA ca zivastubhyaM namaH zivE||14||
ya idaM paThati stOtraM bhaktyA nityaM narO'pi yaH| zRNuyAcchraddhayA yuktaH kAyavAkcittasambhavaiH||15|| |
dazadhA saMsthitairdOSaiH sarvairEva pramucyatE| sarvAnkAmAnavApnOti prEtya brahmaNi lIyatE||16|| |
jyESThE mAsi sitE pakSE dazamI hastasaMyutA| tasyAM dazamyAmEtacca stOtraM gaGgAjalE sthitaH||17|| |
yaH paThEddazakRtvastu daridrO vA'pi cAkSamaH| sO'pi tatphalamApnOti gaGgAM sampUjya yatnataH||18|| |
adattAnAmupAdAnaM hiMsA caivAvidhAnataH| paradArOpasEvA ca kAyikaM trividhaM smRtam||19|| |
pAruSyamanRtaM caiva paizunyaM cApi sarvazaH| asambaddhapralApazca vAGmayaM syAccaturvidham||20|| |
paradravyESvabhidhyAnaM manasAniSTacintanam| vitathAbhinivEzazca mAnasaM trividhaM smRtam||21|| |
EtAni daza pApAni hara tvaM mama jAhnavi| dazapApaharA yasmAttasmAddazaharA smRtA||22|| |
trayastriMzacchataM pUrvAn pitlRnatha pitAmahAn| uddharatyEva saMsArAnmantrENAnEna pUjitA||23|| |
namO bhagavatyai dazapApaharAyai gaGgAyai nArAyaNyai rEvatyai
zivAyai dakSAyai amRtAyai vizvarUpiNyai nandinyai tE namO namaH||
sitamakaraniSaNNAM zubhravarNAM trinEtrAm karadhRtakalazOdyatsOtpalAmatyabhISTAm| vidhiharihararUpAM sEndukOTIrajuSTAm kalitasitadukUlAM jAhnavIM tAM namAmi||24|| |
AdAvAdipitAmahasya nigamavyApArapAtrE jalam pazcAtpannagazAyinO bhagavataH pAdOdakaM pAvanam| bhUyaH zambhujaTAvibhUSaNamaNirjahnOrmaharSEriyam dEvI kalmaSanAzinI bhagavatI bhAgIrathI dRzyatE||25|| |
gaGgA gaGgEti yO brUyAdyOjanAnAM zatairapi| mucyatE sarvapApEbhyO viSNulOkaM sa gacchati||26|| |
||iti skandE mahApurANE EkAzIti sAhasryAM saMhitAyAM tRtIyE kAzIkhaNDE dharmAbdhisthA zrIgaGgAdazaharAstOtraM sampUrNam||
