From StotraSamhita
kArtikEyASTOttarazatanAmastOtram
||dhyAnam||
sindUrAruNakAntiminduvadanaM kEyUrahArAdibhiH divyairAbharaNairvibhUSitatanuM svargasya saukhyapradam| ambhOjAbhayazaktikukkuTadharaM ratnAGgarAgAMzukam subrahmaNyamupAsmahE praNamatAM bhItipraNAzOdyatam|| |
||stOtram||
vizvAmitrastu bhagavAn kumAraM zaraNaM gataH| stavaM divyaM sampracakrE mahAsEnasya cApi saH||1|| |
aSTOttarazatanAmnAM zRNu tvaM tAni phAlguna| japEna yESAM pApAni yAnti jJAnamavApnuyAt||2|| |
tvaM brahmavAdI tvaM brahmA brahmabrAhmaNavatsalaH| brahmaNyO brahmadEvazca brahmadO brahmasaGgrahaH||3|| |
tvaM paraM paramaM tEjO maGgalAnAM ca maGgalam| apramEyaguNazcaiva mantrANAM mantragO bhavAn||4|| |
tvaM sAvitrImayO dEvaH sarvatraivAparAjitaH| mantraH sarvAtmakO dEvaH SaDakSaravatAM varaH||5|| |
gavAM putraH surArighnaH sambhavO bhavabhAvanaH| pinAkI zatruhA caiva kUTaH skandaH surAgraNIH||6|| |
dvAdazO bhUrbhuvO bhAvI bhuvaHputrO namaskRtaH| nAgarAjaH sudharmAtmA nAkapRSThaH sanAtanaH||7|| |
hEmagarbhO mahAgarbhO jayazca vijayEzvaraH| tvaM kartA tvaM vidhAtA ca nityO'nityO'rimardanaH||8|| |
mahAsEnO mahAtEjA vIrasEnazcamUpatiH| surasEnaH surAdhyakSO bhImasEnO nirAmayaH||9|| |
zauriryadurmahAtEjA vIryavAn satyavikramaH| tEjOgarbhO'suraripuH suramUrtiH surOrjitaH||10|| |
kRtajJO varadaH satyaH zaraNyaH sAdhuvatsalaH| suvrataH sUryasaGkAzO vahnigarbhO raNOtsukaH||11|| |
pippalI zIghragO raudrirgAGgEyO ripudAraNaH| kArtikEyaH prabhuH kSAntO nIladaMSTrO mahAmanAH||12|| |
nigrahO nigrahANAM ca nEtA tvaM daityasUdanaH| pragrahaH paramAnandaH krOdhaghnastArakO'cchidaH||13|| |
kukkuTI bahulO vAdI kAmadO bhUrivardhanaH| amOghO'mRtadO hyagniH zatrughnaH sarvabOdhanaH||14|| |
anaghO hyamaraH zrImAnunnatO hyagnisambhavaH| pizAcarAjaH sUryAbhaH zivAtmA tvaM sanAtanaH||15|| |
EvaM sa sarvabhUtAnAM saMstutaH paramEzvaraH| nAmnAmaSTazatEnAyaM vizvAmitramaharSiNA||16|| |
prasannamUrtirAhEdaM munIndra vriyatAmiti| mama tvayA dvijazrESTha stutirESA vinirmitA||17|| |
bhaviSyati manObhISTaprAptayE prANinAM bhuvi| vivardhatE kulE lakSmIstasya yaH prapaThEdimam||18|| |
na rAkSasAH pizAcA vA na bhUtAni na ca''padaH| vighnakArINi tadgEhE yatraivaM saMstuvanti mAm||19|| |
duHsvapnaM na ca pazyEtsa baddhO mucyEta bandhanAt| stavasyAsya prabhAvENa divyabhAvaH pumAnbhavEt||20|| |
|| iti zrIskandamahApurANE mAhEzvarakhaNDAntargatE kumArikAkhaNDE zrIkArtikEyASTOttarazatanAmastOtraM sampUrNam ||
