kRSNadvAdazanAmastOtram

zRNudhvaM munayaH sarvE gOpAlasya mahAtmanaH|
anantasyApramEyasya nAmadvAzakaM stavam||

arjunAya purA gItaM gOpAlEna mahAtmanA|
dvArakAyAM prArthayatE yazOdAyAzca sannidhau||

||dhyAnam||

jAnubhyAmapi dhAvantaM bAhubhyAmatisundaram|
sakuNDalAlakaM bAlaM gOpAlaM cintayEduSaH||

||stOtram||

prathamaM tu hariM vidyAt dvitIyaM kEzavaM tathA|
tRtIyaM padmanAbhaM tu caturthaM vAmanaM tathA||1||

paJcamaM vEdagarbhaM ca SaSThaM tu madhusUdanaM|
saptamaM vAsudEvaM ca varAhaM cASTamaM tathA||2||

navamaM puNDarIkAkSaM dazamaM tu janArdanam|
kRSNamEkAdazaM prOktaM dvAdazaM zrIdharaM tathA||3||

EtaddvAdazanAmAni mayA prOktAni phAlguna|
kAlatrayE paThEdyastu tasya puNyaphalaM zRNu||4||

cAndrAyaNasahasrasya kanyAdAnazatasya ca|
azvamEdhasahasrasya phalamApnOti mAnavaH||5||

||iti zrIkRSNadvAdazanAmastOtraM sampUrNam‌||