kRSNASTakam 3

vasudEvasutaM dEvaM kaMsacANUramardanam|
dEvakIparamAnandaM kRSNaM vandE jagadgurum||1||

atasIpuSpasaGkAzaM hAranUpurazObhitam|
ratnakaGkaNakEyUraM kRSNaM vandE jagadgurum||2||

kuTilAlakasaMyuktaM pUrNacandranibhAnanam|
vilasat kuNDaladharaM kRSNaM vandE jagadgurum||3||

mandAragandhasaMyuktaM cAruhAsaM caturbhujam|
barhipiJchAvacUDAGgaM kRSNaM vandE jagadgurum||4||

utphullapadmapatrAkSaM nIlajImUtasannibham|
yAdavAnAM zirOratnaM kRSNaM vandE jagadgurum||5||

rukmiNIkELisaMyuktaM pItAmbarasuzObhitam|
avAptatulasIgandhaM kRSNaM vandE jagadgurum||6||

gOpikAnAM kucadvandvaM kuGkumAGkitavakSasam|
zrInikEtaM mahESvAsaM kRSNaM vandE jagadgurum||7||

zrIvatsAGkaM mahOraskaM vanamAlAvirAjitam|
zaGkhacakradharaM dEvaM kRSNaM vandE jagadgurum||8||

kRSNASTakamidaM puNyaM prAtarutthAya yaH paThEt|
kOTijanmakRtaM pApaM smaraNEna vinazyati||

||iti zrI kRSNASTakaM sampUrNam||