From StotraSamhita
lakSmyaSTOttarazatanAmastOtram
devyuvAca
dEvadEva mahAdEva trikAlajJa mahEzvara| karuNAkara dEvEza bhaktAnugrahakAraka||1|| |
aSTOttarazataM lakSmyAH zrOtumicchAmi tattvataH||
Izvara uvAca
dEvi sAdhu mahAbhAgE mahAbhAgyapradAyakam| sarvaizvaryakaraM puNyaM sarvapApapraNAzanam||2|| |
sarvadAridryazamanaM zravaNAdbhuktimuktidam| rAjavazyakaraM divyaM guhyAdguhyatamaM param||3|| |
durlabhaM sarvadEvAnAM catuHSaSTikalAspadam| padmAdInAM varAntAnAM vidhInAM nityadAyakam||4|| |
samastadEvasaMsEvyamaNimAdyaSTasiddhidam| kimatra bahunOktEna dEvI pratyakSadAyakam||5|| |
tava prItyAdya vakSyAmi samAhitamanAH zRNum| aSTOttarazatasyAsya mahAlakSmIstu dEvatA||6|| |
klImbIjapadamityuktaM zaktistu bhuvanEzvarI| aGganyAsaH karanyAsaH sa ityAdiH prakIrtitaH||7|| |
dhyAnam
vandE padmakarAM prasannavadanAM saubhAgyadAM bhAgyadAm hastAbhyAmabhayapradAM maNigaNairnAnAvidhairbhUSitAm| bhaktAbhISTaphalapradAM hariharabrahmAdibhiH sEvitAm pArzvE paGkajazaGkhapadmanidhibhiryuktAM sadA zaktibhiH|| |
sarasijanilayE sarOjahastE dhavalatamAMzukagandhamAlyazObhE| bhagavati harivallabhE manOjJE tribhuvanabhUtikari prasIda mahyam|| |
stOtram
prakRtiM vikRtiM vidyAM sarvabhUtahitapradAm| zraddhAM vibhUtiM surabhiM namAmi paramAtmikAm||1|| |
vAcaM padmAlayAM padmAM zuciM svAhAM svadhAM sudhAm| dhanyAM hiraNmayIM lakSmIM nityapuSTAM vibhAvarIm||2|| |
aditiM ca ditiM dIptAM vasudhAM vasudhAriNIm| namAmi kamalAM kAntAM kAmAM kSIrOdasambhavAm||3|| |
anugrahapradAM buddhimanaghAM harivallabhAm| azOkAmamRtAM dIptAM lOkazOkavinAzinIm||4|| |
namAmi dharmanilayAM karuNAM lOkamAtaram| padmapriyAM padmahastAM padmAkSIM padmasundarIm||5|| |
padmOdbhavAM padmamukhIM padmanAbhapriyAM ramAm| padmamAlAdharAM dEvIM padminIM padmagandhinIm||6|| |
puNyagandhAM suprasannAM prasAdAbhimukhIM prabhAm| namAmi candravadanAM candrAM candrasahOdarIm||7|| |
caturbhujAM candrarUpAmindirAminduzItalAm| AhlAdajananIM puSTiM zivAM zivakarIM satIm||8|| |
vimalAM vizvajananIM tuSTiM dAridryanAzinIm| prItipuSkariNIM zAntAM zuklamAlyAmbarAM zriyam||9|| |
bhAskarIM bilvanilayAM varArOhAM yazasvinIm| vasundharAmudArAGgAM hariNIM hEmamAlinIm||10|| |
dhanadhAnyakarIM siddhiM sadA saumyAM zubhapradAm| nRpavEzmagatAnandAM varalakSmIM vasupradAm||11|| |
zubhAM hiraNyaprAkArAM samudratanayAM jayAm| namAmi maGgalAM dEvIM viSNuvakSaHsthalasthitAm||12|| |
viSNupatnIM prasannAkSIM nArAyaNasamAzritAm| dAridryadhvaMsinIM dEvIM sarvOpadravahAriNIm||13|| |
navadurgAM mahAkAlIM brahmaviSNuzivAtmikAm| trikAlajJAnasampannAM namAmi bhuvanEzvarIm||14|| |
lakSmIM kSIrasamudrarAjatanayAM zrIraGgadhAmEzvarIM dAsIbhUtasamastadEvavanitAM lOkaikadIpAGkurAm| zrImanmandakaTAkSalabdhavibhavabrahmEndragaGgAdharAm tvAM trailOkyakuTumbinIM sarasijAM vandE mukundapriyAm||15|| |
mAtarnamAmi kamalE kamalAyatAkSi zrIviSNuhRtkamalavAsini vizvamAtaH| kSIrOdajE kamalakOmalagarbhagauri lakSmi prasIda satataM namatAM zaraNyE||16|| |
trikAlaM yO japEdvidvAn SaNmAsaM vijitEndriyaH| dAridryadhvaMsanaM kRtvA sarvamApnOtyayatnataH||17|| |
dEvInAmasahasrESu puNyamaSTOttaraM zatam| yEna zriyamavApnOti kOTijanmadaridritaH||18|| |
bhRguvArE zataM dhImAn paThEdvatsaramAtrakam| +aSTaizvaryamavApnOti kubEra iva bhUtalE||19|| |
dAridryamOcanaM nAma stOtramambAparaM zatam| yEna zriyamavApnOti kOTijanmadaridritaH||20|| |
bhuktvA tu vipulAn bhOgAnasyAH sAyujyamApnuyAt| prAtaHkAlE paThEnnityaM sarvaduHkhOpazAntayE||21|| |
paThaMstu cintayEddEvIM sarvAbharaNabhUSitAm||
||iti zrIlakSmyaSTOttarazatanAmastOtraM sampUrNam||
