From StotraSamhita

||dazamO'dhyAyaH - vibhUti-yOgaH||

zrIbhagavAnuvAca

bhUya Eva mahAbAhO zRNu mE paramaM vacaH| yattE'haM prIyamANAya vakSyAmi hitakAmyayA||1|| bhUyaH Eva mahAbAhO zRNu mE paramaM vacaH| yat tE ahaM prIyamANAya vakSyAmi hitakAmyayA||1|| +

na mE viduH suragaNAH prabhavaM na maharSayaH| ahamAdirhi dEvAnAM maharSINAM ca sarvazaH||2|| na mE viduH suragaNAH prabhavaM na maharSayaH| aham AdiH hi dEvAnAM maharSINAM ca sarvazaH||2|| +

yO mAmajamanAdiM ca vEtti lOkamahEzvaram| asammUDhaH sa martyESu sarvapApaiH pramucyatE||3|| yaH mAm ajam anAdiM ca vEtti lOkamahEzvaram| asammUDhaH saH martyESu sarvapApaiH pramucyatE||3|| +

buddhirjJAnamasammOhaH kSamA satyaM damaH zamaH| sukhaM duHkhaM bhavO'bhAvO bhayaM cAbhayamEva ca||4|| buddhiH jJAnam asammOhaH kSamA satyaM damaH zamaH| sukhaM duHkhaM bhavaH abhAvaH bhayaM ca abhayam Eva ca||4|| +

ahiMsA samatA tuSTistapO dAnaM yazO'yazaH| bhavanti bhAvA bhUtAnAM matta Eva pRthagvidhAH||5|| ahiMsA samatA tuSTiH tapaH dAnaM yazaH ayazaH| bhavanti bhAvAH bhUtAnAM mattaH Eva pRthagvidhAH||5|| +

maharSayaH sapta pUrvE catvArO manavastathA| madbhAvA mAnasA jAtA yESAM lOka imAH prajAH||6|| maharSayaH sapta pUrvE catvAraH manavaH tathA| mat bhAvAH mAnasAH jAtAH yESAM lOkE imAH prajAH||6|| +

EtAM vibhUtiM yOgaM ca mama yO vEtti tattvataH| sO'vikampEna yOgEna yujyatE nAtra saMzayaH||7|| EtAM vibhUtiM yOgaM ca mama yaH vEtti tattvataH| saH avikampEna yOgEna yujyatE na atra saMzayaH||7|| +

ahaM sarvasya prabhavO mattaH sarvaM pravartatE| iti matvA bhajantE mAM budhA bhAvasamanvitAH||8|| ahaM sarvasya prabhavaH mattaH sarvaM pravartatE| iti matvA bhajantE mAM budhAH bhAvasamanvitAH||8|| +

maccittA madgataprANA bOdhayantaH parasparam| kathayantazca mAM nityaM tuSyanti ca ramanti ca||9|| mat cittAH mat gataprANAH bOdhayantaH parasparam| kathayantaH ca mAM nityaM tuSyanti ca ramanti ca||9|| +

tESAM satatayuktAnAM bhajatAM prItipUrvakam| dadAmi buddhiyOgaM taM yEna mAmupayAnti tE||10|| tESAM satatayuktAnAM bhajatAM prItipUrvakam| dadAmi buddhiyOgaM taM yEna mAm upayAnti tE||10|| +

tESAmEvAnukampArtham ahamajJAnajaM tamaH| nAzayAmyAtmabhAvasthO jJAnadIpEna bhAsvatA||11|| tESAm Eva anukampArtham aham ajJAnajaM tamaH| nAzayAmi AtmabhAvasthaH jJAnadIpEna bhAsvatA||11|| +

arjuna uvAca

paraM brahma paraM dhAma pavitraM paramaM bhavAn| puruSaM zAzvataM divyamAdidEvamajaM vibhum||12|| paraM brahma paraM dhAma pavitraM paramaM bhavAn| puruSaM zAzvataM divyam AdidEvam ajaM vibhum||12|| +

AhustvAmRSayaH sarvE dEvarSirnAradastathA| asitO dEvalO vyAsaH svayaM caiva bravISi mE||13|| AhuH tvAm RSayaH sarvE dEvarSiH nAradaH tathA| asitaH dEvalaH vyAsaH svayaM ca Eva bravISi mE||13|| +

sarvamEtadRtaM manyE yanmAM vadasi kEzava| na hi tE bhagavan vyaktiM vidurdEvA na dAnavAH||14|| sarvam Etat RtaM manyE yat mAM vadasi kEzava| na hi tE bhagavan vyaktiM viduH dEvAH na dAnavAH||14|| +

svayamEva''tmanA''tmAnaM vEttha tvaM puruSOttama| bhUtabhAvana bhUtEza dEvadEva jagatpatE||15|| svayam Eva AtmanA AtmAnaM vEttha tvaM puruSOttama| bhUtabhAvana bhUtEza dEvadEva jagatpatE||15|| +

vaktumarhasyazESENa divyA hyAtmavibhUtayaH| yAbhirvibhUtibhirlOkAnimAMstvaM vyApya tiSThasi||16|| vaktum arhasi azESENa divyAH hi AtmavibhUtayaH| yAbhiH vibhUtibhiH lOkAn imAn tvaM vyApya tiSThasi||16|| +

kathaM vidyAmahaM yOgiMstvAM sadA paricintayan| kESu kESu ca bhAvESu cintyO'si bhagavanmayA||17|| kathaM vidyAm ahaM yOgin tvAM sadA paricintayan| kESu kESu ca bhAvESu cintyaH asi bhagavan mayA||17|| +

vistarENa''tmanO yOgaM vibhUtiM ca janArdana| bhUyaH kathaya tRptirhi zRNvatO nAsti mE'mRtam||18|| vistarENa AtmanaH yOgaM vibhUtiM ca janArdana| bhUyaH kathaya tRptiH hi zRNvataH na asti mE amRtam||18|| +

zrIbhagavAnuvAca

hanta tE kathayiSyAmi divyA hyAtmavibhUtayaH| prAdhAnyataH kuruzrESTha nAstyantO vistarasya mE||19|| hanta tE kathayiSyAmi divyAH hi AtmavibhUtayaH| prAdhAnyataH kuruzrESTha na asti antaH vistarasya mE||19|| +

ahamAtmA guDAkEza sarvabhUtAzayasthitaH| ahamAdizca madhyaM ca bhUtAnAmanta Eva ca||20|| aham AtmA guDAkEza sarvabhUtAzayasthitaH| aham AdiH ca madhyaM ca bhUtAnAm antaH Eva ca||20|| +

AdityAnAmahaM viSNurjyOtiSAM raviraMzumAn| marIcirmarutAmasmi nakSatrANAmahaM zazI||21|| AdityAnAm ahaM viSNuH jyOtiSAM raviH aMzumAn| marIciH marutAm asmi nakSatrANAm ahaM zazI||21|| +

vEdAnAM sAmavEdO'smi dEvAnAmasmi vAsavaH| indriyANAM manazcAsmi bhUtAnAmasmi cEtanA||22|| vEdAnAM sAmavEdaH asmi dEvAnAm asmi vAsavaH| indriyANAM manaH ca asmi bhUtAnAm asmi cEtanA||22|| +

rudrANAM zaGkarazcAsmi vittEzO yakSarakSasAm| vasUnAM pAvakazcAsmi mEruH zikhariNAmaham||23|| rudrANAM zaGkaraH ca asmi vittEzaH yakSarakSasAm| vasUnAM pAvakaH ca asmi mEruH zikhariNAm aham||23|| +

purOdhasAM ca mukhyaM mAM viddhi pArtha bRhaspatim| sEnAnInAmahaM skandaH sarasAmasmi sAgaraH||24|| purOdhasAM ca mukhyaM mAM viddhi pArtha bRhaspatim| sEnAnInAm ahaM skandaH sarasAm asmi sAgaraH||24|| +

maharSINAM bhRgurahaM girAmasmyEkamakSaram| yajJAnAM japayajJO'smi sthAvarANAM himAlayaH||25|| maharSINAM bhRguH ahaM girAm asmi Ekam akSaram| yajJAnAM japayajJaH asmi sthAvarANAM himAlayaH||25|| +

azvatthaH sarvavRkSANAM dEvarSINAM ca nAradaH| gandharvANAM citrarathaH siddhAnAM kapilO muniH||26|| azvatthaH sarvavRkSANAM dEvarSINAM ca nAradaH| gandharvANAM citrarathaH siddhAnAM kapilaH muniH||26|| +

uccaiHzravasamazvAnAM viddhi mAmamRtOdbhavam| airAvataM gajEndrANAM narANAM ca narAdhipam||27|| uccaiHzravasam azvAnAM viddhi mAm amRtOdbhavam| airAvataM gajEndrANAM narANAM ca narAdhipam||27|| +

AyudhAnAmahaM vajraM dhEnUnAmasmi kAmadhuk| prajanazcAsmi kandarpaH sarpANAmasmi vAsukiH||28|| AyudhAnAm ahaM vajraM dhEnUnAm asmi kAmadhuk| prajanaH ca asmi kandarpaH sarpANAm asmi vAsukiH||28|| +

anantazcAsmi nAgAnAM varuNO yAdasAmaham| pitRRNAmaryamA cAsmi yamaH saMyamatAmaham||29|| anantaH ca asmi nAgAnAM varuNaH yAdasAm aham| pitRRNAm aryamA ca asmi yamaH saMyamatAm aham||29|| +

prahlAdazcAsmi daityAnAM kAlaH kalayatAmaham| mRgANAM ca mRgEndrO'haM vainatEyazca pakSiNAm||30|| prahlAdaH ca asmi daityAnAM kAlaH kalayatAm aham| mRgANAM ca mRgEndraH ahaM vainatEyaH ca pakSiNAm||30|| +

pavanaH pavatAmasmi rAmaH zastrabhRtAmaham| jhaSANAM makarazcAsmi srOtasAmasmi jAhnavI||31|| pavanaH pavatAm asmi rAmaH zastrabhRtAm aham| jhaSANAM makaraH ca asmi srOtasAm asmi jAhnavI||31|| +

sargANAmAdirantazca madhyaM caivAhamarjuna| adhyAtmavidyA vidyAnAM vAdaH pravadatAmaham||32|| sargANAm AdiH antaH ca madhyaM ca Eva aham arjuna| adhyAtmavidyA vidyAnAM vAdaH pravadatAm aham||32|| +

akSarANAmakArO'smi dvandvaH sAmAsikasya ca| ahamEvAkSayaH kAlO dhAtA'haM vizvatOmukhaH||33|| akSarANAm akAraH asmi dvandvaH sAmAsikasya ca| aham Eva akSayaH kAlaH dhAtA ahaM vizvatOmukhaH||33|| +

mRtyuH sarvaharazcAhamudbhavazca bhaviSyatAm| kIrtiH zrIrvAkca nArINAM smRtirmEdhA dhRtiH kSamA||34|| mRtyuH sarvaharaH ca aham udbhavaH ca bhaviSyatAm| kIrtiH zrIH vAk ca nArINAM smRtiH mEdhA dhRtiH kSamA||34|| +

bRhatsAma tathA sAmnAM gAyatrI chandasAmaham| mAsAnAM mArgazIrSO'hamRtUnAM kusumAkaraH||35|| bRhatsAma tathA sAmnAM gAyatrI chandasAm aham| mAsAnAM mArgazIrSaH aham RtUnAM kusumAkaraH||35|| +

dyUtaM chalayatAmasmi tEjastEjasvinAmaham| jayO'smi vyavasAyO'smi sattvaM sattvavatAmaham||36|| dyUtaM chalayatAm asmi tEjaH tEjasvinAm aham| jayaH asmi vyavasAyaH asmi sattvaM sattvavatAm aham||36|| +

vRSNInAM vAsudEvO'smi pANDavAnAM dhanaJjayaH| munInAmapyahaM vyAsaH kavInAmuzanA kaviH||37|| vRSNInAM vAsudEvaH asmi pANDavAnAM dhanaJjayaH| munInAm api ahaM vyAsaH kavInAm uzanA kaviH||37|| +

daNDO damayatAmasmi nItirasmi jigISatAm| maunaM caivAsmi guhyAnAM jJAnaM jJAnavatAmaham||38|| daNDaH damayatAm asmi nItiH asmi jigISatAm| maunaM ca Eva asmi guhyAnAM jJAnaM jJAnavatAm aham||38|| +

yaccApi sarvabhUtAnAM bIjaM tadahamarjuna| na tadasti vinA yatsyAnmayA bhUtaM carAcaram||39|| yat ca api sarvabhUtAnAM bIjaM tat aham arjuna| na tat asti vinA yat syAt mayA bhUtaM carAcaram||39|| +

nAntO'sti mama divyAnAM vibhUtInAM parantapa| ESa tUddEzataH prOktO vibhUtErvistarO mayA||40|| na antaH asti mama divyAnAM vibhUtInAM parantapa| ESaH tu uddEzataH prOktaH vibhUtEH vistaraH mayA||40|| +

yadyadvibhUtimatsattvaM zrImadUrjitamEva vA| tattadEvAvagaccha tvaM mama tEjOMzasambhavam||41|| yat yat vibhUtimat sattvaM zrImat Urjitam Eva vA| tat tat Eva avagaccha tvaM mama tEjaH aMzasambhavam||41|| +

athavA bahunaitEna kiM jJAtEna tavArjuna| viSTabhyAhamidaM kRtsnamEkAMzEna sthitO jagat||42|| athavA bahunA EtEna kiM jJAtEna tava arjuna| viSTabhya aham idaM kRtsnam EkAMzEna sthitaH jagat||42|| +

||OM tatsaditi zrImadbhagavadgItAsUpaniSatsu brahmavidyAyAM yOgazAstrE zrIkRSNArjunasaMvAdE vibhUtiyOgO nAma dazamO'dhyAyaH||