mahAlakSmyaSTakam

indra uvAca

namastE'stu mahAmAyE zrIpIThE surapUjitE|
zaGkhacakragadAhastE mahAlakSmi namO'stu tE||1||

namastE garuDArUDhE kOlAsurabhayaGkari|
sarvapApaharE dEvi mahAlakSmi namO'stu tE||2||

sarvajJE sarvavaradE sarvaduSTabhayaGkari|
sarvaduHkhaharE dEvi mahAlakSmi namO'stu tE||3||

siddhibuddhipradE dEvi bhuktimuktipradAyini|
mantrapUtE sadA dEvi mahAlakSmi namO'stu tE||4||

AdyantarahitE dEvi AdyazaktimahEzvari|
yOgajE yOgasambhUtE mahAlakSmi namO'stu tE||5||

sthUlasUkSmamahAraudrE mahAzakti mahOdarE|
mahApApaharE dEvi mahAlakSmi namO'stu tE||6||

padmAsanasthitE dEvi parabrahmasvarUpiNi|
paramEzi jaganmAtarmahAlakSmi namO'stu tE||7||

zvEtAmbaradharE dEvi nAnAlaGkArabhUSitE|
jagatsthitE jaganmAtarmahAlakSmi namO'stu tE||8||

mahAlakSmyaSTakaM stOtraM yaH paThEdbhaktimAnnaraH|
sarvasiddhimavApnOti rAjyaM prApnOti sarvadA||

EkakAlE paThEnnityaM mahApApavinAzanam|
dvikAlaM yaH paThEnnityaM dhanadhAnyasamanvitaH||

trikAlaM yaH paThEnnityaM mahAzatruvinAzanam|
mahAlakSmIrbhavEnnityaM prasannA varadA zubhA||

||iti zrImadpadmapurANE mahAlakSmyaSTakaM sampUrNam||