From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
SaSTha-dazakam -- virAT swarUpam
EvaM caturdazajaganmayatAM gatasya pAtAlamIza tava pAdatalaM vadanti| pAdOrdhvadEzamapi dEva rasAtalaM tE gulphadvayaM khalu mahAtalamadbhutAtman||1|| |
jaGghE talAtalamathO sutalaM ca jAnU kiJcOrubhAgayugaLaM vitalAtalE dvE| kzONItalaM jaghanamambaramaGga nAbhi- rvakzazca zakranilayastava cakrapANE||2|| |
grIvA mahastava mukhaM ca janastapastu phAlaM zirastava samastamayasya satyam| EvaM jaganmayatanO jagadAzcitaira- pyanyairnibaddhavapuSE bhagavannamastE||3|| |
tvad{}brahmarandhrapadamIzvara vizvakanda chandAMsi kEzava ghanAstava kEzapAzAH| ullAsicilliyugaLaM dRhiNasya gEham pakzmANi rAtridivasau savitA ca nEtrE||4|| |
nizzESavizvaracanA ca kaTAkzamOkzaH karNau dizO'zviyugaLaM tava nAsikE dvE| lObhatrapE ca bhagavannadharOttarOSThau tArAgaNazca dazanAH zamanazca daMSTrA||5|| |
mAyA vilAsahasitaM zvasitaM samIrO jihvA jalaM vacanamIza zakuntapaGktiH| siddhAdayassvaragaNA mukharandhramagni- rdEvA bhujAH stanayugaM tava dharmadEvaH||6|| |
pRSThaM tvadharma iha dEva manassudhAMzu- rayaktamEva hRdayAMbujamambujAkza| kukzissamudranivahA vasanaM tu sandhyE zEphaH prajApatirasau vRSaNau ca mitraH||7|| |
zrONisthalaM mRgagaNAH padayOrnakhAstE hastyuSTrasaindhavamukhA gamanaM tu kAlaH| viprAdivarNabhavanaM vadanAb{}jabAhu- cArUruyugmacaraNaM karuNAMbudhE tE||8|| |
saMsAracakramayi cakradhara kriyAstE vIryaM mahAsuragaNO'sthikulAni zailAH| nADyassaritsamudayastaravazca rOma jIyAdidaM vapuranirvacanIyamIza||9|| |
IdRgjaganmayavapustava karmabhAjAm karmAvasAnasamayE smaraNIyamAhuH| tasyAntarAtmavapuSE vimalAtmanE tE vAtAlayAdhipa namO'stu nirundhi rOgAn||10|| |
||iti zrImannArAyaNIyE SaSTha-dazakaM sampUrNam||
