From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
dwAdaza-dazakam -- varAhAvatAraH
svAyambhuvO manurathO janasargazIlO dRSTvA mahImasamayE salilE nimagnAm| sraSTAramApa zaraNaM bhavadaGghrisEvA- tuSTAzayaM munijanaiH saha satyalOkE||1|| |
kaSTaM prajAH sRjati mayyavanrnimagnA sthAnaM sarOjabhava kalpaya tatprajAnAm| ityEvamESa kathitO manunA svayambhU- rambhOruhAkSa tava pAdayugaM vyacintIt||2|| |
hA hA vibhO jalamahaM nyapibaM purastAd adyApi majjati mahI kimahaM karOmi| itthaM tvadaGghriyugaLaM zaraNaM yatO'sya nAsApuTAtsamabhavaH zizukOlarUpI||3|| |
aGguSThamAtravapurutpatitaH purastAt bhUyO'tha kumbhisadRzaH samajRmbhathAstvam| abhrE tathAvidhamudIkSya bhavantamuccair vismEratAM vidhiragAtsaha sUnubhiH svaiH||4|| |
kO'sAvacintyamahimA kiTirutthitO mE nAsApuTAtkimu bhavEdajitasya mAyA| itthaM vicintayati dhAtarizailamAtraH sadyO bhavankila jagarjjitha ghOraghOram||5|| |
taM tE ninAdamupakarNya janastapaHsthAH satyasthitAzca munayO nunuvurbhavantam| tatstOtraharSulamanAH pariNadya bhUya- stOyAzayaM vipulamUrtiravAtarastvam||6|| |
UrdhvaprasAriparidhUmrAvidhUtarOmA prOtkSiptavAladhiravAGmukhaghOraghONaH| tUrNapradIrNajaladaH parighUrNadakSNA stOtRRnmunIn zizirayannavatEritha tvam||7|| |
antarjalaM tadanu saGkulanakracakram bhrAmyattimiGgilakulaM kaluSOrmimAlam| Avizya bhISaNaravENa rasAtalasthA- nAkampayanvasumatImagavESayastvam||8|| |
dRSTvA'tha daityahatakEna rasAtalAntE saMvEzitAM jhaTiti kUTakiTirvibhO tvam| ApAtukAnavigaNayya surArikhETAn daMSTrAGkurENa vasudhAmadadhAH salIlam||9|| |
abhyuddharannatha dharAM dazanAgralagna- mustAGkurAGkita ivAdhikapIvarAtmA| uddhAtaghOrasalilAjjaladhErudaJcan ktIDAvarAhavapurIzvara pAhi rOgAt||10|| |
||iti zrImannArAyaNIyE dwAdaza-dazakaM sampUrNam||
