From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
triMza-dazakam -- vAmanAvatAraH
zakrENa saMyati hatO'pi balirmahAtmA zukrENa jIvitatanuH kratuvardhitOSmA| vikrAntimAn bhayanilInasurAM trilOkIm cakrE vazE sa tava cakramukhAdabhItaH||1|| |
putrArtidarzanavazAdaditirviSaNNA taM kAzyapaM nijapatiM zaraNaM prapannA| tvatpUjanaM taduditaM hi payOvratAkhyam sA dvAdazAhamacarattvayi bhaktipUrNA||2|| |
tasyAvadhau tvayi nilInamatEramuSyAH zyAmazcaturbhujavapuH svayamAvirAsIH| namrAM ca tAmiha bhavattanayO bhavEyam gOpyaM madIkSaNamiti pralapannayAsIH||3|| |
tvaM kAzyapE tapasi sannidadhattadAnIm prAptO'si garbhamaditEH praNutO vidhAtrA| prAsUta ca prakaTavaiSNavadivyarUpam sA dvAdazIzravaNapuNyadinE bhavantam||4|| |
puNyAzramaM tamabhivarSati puSpavarSai- rharSAkulE surakulE kRtatUryaghOSE| badhvAJjaliM jaya jayEti tanuH pitRbhyAm tvaM tatkSaNE paTutamaM vaTurUpamAdhAH||5|| |
tAvatprajApatimukhairupanIya mauJjI- daNDAjinAkSavalayAdibhirarcyamAnaH| dEdIpyamAnavapurIza kRtAgnikArya stvaM prAsthithA baligRhaM prakRtAzvamEdham||6|| |
gAtrENa bhAvimahimOcitagauravaM prAg vyAvRNvatEva dharaNIM calayannayAsIH| chatraM parOSmatiraNArthamivAdadhAnO daNDaM ca dAnavajanESvivaM sannidhAtum||7|| |
tAM narmadittarataTE hayamEdhazAlA- mAsEduSi tvayi rucA tava ruddhanEtraiH| bhAsvAnkimESa dahanO nu sanatkumArO yOgI nu kO'yamiti zukramukhaiH zazaGkE||8|| |
AnItamAzu bhRgubhirmahasAbhibhUtai stvAM ramyarUpamasuraH puLakAvRtAGgaH| bhaktyA samEtya sukRtI pariSicya pAdau tattOyamanvadhRta mUrdhati tIrthatIrtham||9|| |
prahlAdavaMzajatayA kratubhirdvijESu vizvAsatO nu tadidaM ditijO'pi lEbhE| yattE padAmbu girizasya zirObhilAlyam sa tvaM vibhO gurupurAlaya pAlayEthAH||10|| |
||iti zrImannArAyaNIyE triMza-dazakaM sampUrNam||
