From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
paJcacatvAriMza-dazakam -- bAlalIlA
ayi sabala murArE pANijAnupracAraiH kimapi bhavanabhAgAn bhUSayantau bhavantau| calitacaraNakaJjau maJjumaJjIraziJjA- zravaNakutukabhAjau cEratuzcAru vEgAt||1|| |
mRdu mRdu vihasantAvunmiSaddantavantau vadanapatitakEzau dRzyapAdAb{}jadEzau| bhujagalitakarAntavyAlagatkaGkaNAGkau matimaharatamuccaiH pazyatAM vizvanRRNAm||2|| |
anusarati janaughE kautukavyAkulAkSE kimapi kRtaninAdaM vyAhasantau dravantau| balitavadanapadmaM pRSThatO dattadRSTI kimiva na vidadhAthE kautukaM vAsudEva||3|| |
dRtagatiSu patantAvutthitau liptapaGkau divi munibhirapaGkaiH sasmitaM vandyamAnau| drutamatha jananIbhyAM sAnukampaM gRhItau muhurapi parirabdhau drAgyuvAM cumbitau ca||4|| |
s{}nutakucabharamaGkE dhArayantI bhavantam taraLamati yazOdA stanyadA dhanyadhanyA| kapaTapazupa madhyE mugdhahAsAGkuraM tE dazanamukuLahRdyaM vIkSyaM vak{}traM jaharSa||5|| |
tadanu caraNacArI dArakaiH sAkamArA- nnilayatatiSu khElan bAlacApalyazAlI| bhavanazukabiDAlAn vatsakAMzcAnudhAvan kathamapi kRtahAsairgOpakairvAritO'bhUH||6|| |
haladharasahitastvaM yatra yatrOpayAtO vivazapatitanEtrAstatra tatraiva gOpyaH| vigaLitagRhakRtyA vismRtApatyabhRtyA murahara muhuratyantAkulA nityamAsan||7|| |
pratinavanavanItaM gOpikAdattamicchan kalapadamupagAyan kOmalaM kvApi nRtyan| sadayayuvatilOkairarpitaM sarpiraznan kvacana navavipakvaM dugdhamatyApibastvam||8|| |
mama khalu baligEhE yAcanaM jAtamAstA- miha punarabalAnAmagratO naiva kurvE| iti vihitamatiH kiM dEva santyajya yAcJAm dadhighRtamaharastvaM cAruNA cOraNEna||9|| |
tava dadhighRtamOSE ghOSayOSAjanAnA- mabhajata hRdi rOSO nAvakAzaM na zOkaH| hRdayamapi muSitvA harSasindhau nyadhAstvam sa mama zamaya rOgAnvAtagEhAdhinAtha||10|| |
||iti zrImannArAyaNIyE paJcacatvAriMza-dazakaM sampUrNam||
