From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
EkOnapaJcAzattama-dazakam -- bRndAvanagamanam
bhavatprabhAvAvidurA hi gOpAstaruprapAtAdikamatra gOSThE| ahEtumutpAtagaNaM vizaGkya prayAtumanyatra manO vitEnuH||1|| |
tatrOpanandAbhidhagOpavaryO jagau bhavatprEraNayaiva nUnam| itiH pratIcyAM vipinaM manOjJaM bRndAvanaM nAma virAjatIti||2|| |
bRhadvanaM tatkhalu nandamukhyA vidhAya gauSThInamatha kSaNEna| tvadanvitatvajjananIniviSTagariSThayAnAnugatA vicEluH||3|| |
anOmanOjJadhvanidhEnupALIkhurapraNAdAntaratO vadhUbhiH| bhavadvinOdAlapitIkSarANi prapIya nAjJAyata mArgadairghyam||4|| |
nirIkSya bRndAvanamIza nandatprasUnakundapramukhadrumaugham| amOdathAzzAdvalasAndralakSmyA harinmaNIkuTTimapuSTazObham||5|| |
navAkanirvyuDhanivAsabhEdESvazESagOpESu sukhAsitESu| vanazriyaM gOpakizOrapAlIvimizritaH paryagalOkathAstvam||6|| |
arALamArgAgatanirmalApAM marALakujAkRtanarmalApAm| nirantarasmErasarOjavaktrAM kaLindakanyAM samalOkayastvam||7|| |
mayUrakEkAzatalObhanIyaM myUkhamIlazabaLaM maNInAm| viriJcalOkaspRzamuccazRGgairgiriM ca gOvardhanamaikSathAstvam||8|| |
samaM tatO gOpakumArakaistvaM samantatO yatra vanAntamAgAH| tatastatastAM kRTilAmapazyaH kaLindajAM rAgavatImivaikAm||9|| |
tathAvidhE'sminvipinE pazavyE samutsukO vatsagaNapracArE| caransarAmO'tha kumArakaistvaM samIragEhAdhipa pAhi rOgAt||10|| |
||iti zrImannArAyaNIyE EkOnapaJcAzattama-dazakaM sampUrNam||
