From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
EkOnaSaSTitama-dazakam -- vENugAnam
tvadvapurnavakalAyakOmaLaM prEmadOhanamazESamOhanam| brahmA tattvaparacinmudAtmakaM vIkSya sammumuhuranvahaM striyaH||1|| |
manmathOnmathitamAnasAH kramAttvadvilOkanaratAstatastataH| gOpikAstava na sEhirE harE kAnanOpagatimapyaharmukhE||2|| |
nirgatE bhavati dattadRSTayastvadgatEna manasA mRgEkSaNAH| vENunAdamupakarNya dUratastvadvilAsakathayAbhirEmirE||3|| |
kAnanAntamitavAnbhavAnapi snigdhapAdapatalE manOramE| vyatyayAkalitapAdamAsthitaH pratyapUrayata vENunALikAm||4|| |
mArabANadhutakhEcarIkulaM nirvikArapazupakSimaNDalam| drAvaNaM ca dRSadAmapi prabhO tAvakaM vyajani vENukUjitam||5|| |
vENurandhrataralAGgulIdalaM tALasaJcalitapAdapallavam| tatsthitaM tava parOkSamapyahO saMvicintya mumuhurvrajAGganAH||6|| |
nirvizaGkabhavadaGgadarzinIH khEcarIH khagamRgAnpazUnapi| tvatpadapraNayi kAnanaM ca tAH dhanyadhanyamiti nanvamAnayan||7|| |
ApiSEyamadharAmRtaM kadA vENubhuktarasazESamEkadA| dUratO bata kRtaM durAzayEtyAkulA muhurimAH samAmuhan||8|| |
pratyahaM ca punaritthamaGganAzcittayOnijanitAdanugrahAt| baddharAgavivazAstvayi prabhO nityamApuriha kRtyamUDhatAm||9|| |
rAgastAvajjAyatE hi svabhAvAnmOkSOpAyE yatnataH syAnna vA syAt| tAsAM tvEkaM taddvayaM labdhamAsIdbhAgyaM bhAgyaM pAhi mAM mArutEza||10|| |
||iti zrImannArAyaNIyE EkOnaSaSTitama-dazakaM sampUrNam||
