From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
azItitama-dazakam -- syamantaka upAkhyAnam
satrAjitastvamatha lubdhavadarkalabdham divyaM syamantakamaNiM bhagavannayAchIH| tatkAraNaM bahuvidhaM mama bhAti nUnam tasyAtmajAM tvayi ratAM ChalatO vivODhum||1|| |
adattaM taM tubhyaM maNivaramanEnAlpamanasA prasEnastad()bhrAtA galabhuvi vahanprApa mRgayAm| ahannEnaM siMhO maNimahasi mAMsabhramavazAt kapIndrastaM hatvA maNimapi cha bAlAya dadivAn||2|| |
zazaMsuH satrAjidgiramanu janAstvAM maNiharam janAnAM pIyUShaM bhavati guNinAM dOShakaNikA| tataH sarvajJO'pi svajanasahitO mArgaNaparaH prasEnaM taM dRShTvA harimapi gatO'bhUH kapiguhAm||3|| |
bhavantamavitarkayannativayAH svayaM jAmbavAn mukundazaraNaM hi mAM ka iha rOddhumityAlapan| vibhO raghupatE harE jaya jayEtyalaM muShTibhi\- zchiraM tava samarchanaM vyadhita bhaktachUDAmaNiH||4|| |
buddhvAtha tEna dattAM navaramaNIM varamaNIM cha parigRhNan| anugRhNannamumAgAH sapadi cha satrAjitE maNiM prAdAH||5|| |
tadanu sa khalu vrIDAlOlO vilOlavilOchanAm duhitaramahO dhImAnbhAmAM giraiva parArpitAm| adita maNinA tubhyaM labhyaM samEtya bhavAnapi pramuditamanAstasyaivAdAnmaNIM gahanAzayaH||6|| |
vrIlAkulAM ramayati tvayi satyabhAmAm kauntEyadAhakathayAtha kurUnprayAtE| hI gAndinEyakRtavarmagirA nipAtya satrAjitaM zatadhanurmaNimAjahAra||7|| |
zOkAtkurUnupagatAmavalOkya kAntAm hatvA drutaM zatadhunaM samaharShayastAm| ratnE sazaGka iva maithilagEhamEtya rAmO gadAM samazizikShata dhArtarAShTram||8|| |
akrUra ESha bhagavan bhavadichChayaiva satrAjitaH kucharitasya yuyOja hiMsAm| akrUratO maNimanAhRtavAnpunastvam tasyaiva bhUtimupadhAtumiti bruvanti||9|| |
bhaktastvayi sthirataraH sa hi gAndinEya\- stasyaiva kApathamatiH kathamIza jAtA| vijJAnavAnprazamavAnahamityudIrNam garvaM dhruvaM zamayituM bhavatA kRtaiva||10|| |
yAtaM bhayEna kRtavarmayutaM punasta\- mAhUya tadvinihitaM cha maNiM prakAzya| tatraiva suvratadharE vinidhAya tuShyan bhAmAkuchAntarazayaH pavanEza pAyAH||11|| |
||iti zrImannArAyaNIyE azItitama-dazakaM sampUrNam||
