From StotraSamhita
| zrImannArAyaNIyam | |
|---|---|
| |
| dazakam | |
| 01 02 03 04 05 06 07 08 09 10 | |
| 11 12 13 14 15 16 17 18 19 20 | |
| 21 22 23 24 25 26 27 28 29 30 | |
| 31 32 33 34 35 36 37 38 39 40 | |
| 41 42 43 44 45 46 47 48 49 50 | |
| 51 52 53 54 55 56 57 58 59 60 | |
| 61 62 63 64 65 66 67 68 69 70 | |
| 71 72 73 74 75 76 77 78 79 80 | |
| 81 82 83 84 85 86 87 88 89 90 | |
| 91 92 93 94 95 96 97 98 99 100 | |
tryazItitama-dazakam -- pauNDrakavadhaH
rAmE'thagOkulagatE pramadAprasaktE hUtAnupEtayamunAdamanE madAndhE| svairaM samAramati sEvakavAdamUDhO dUtaM nyayuGkta tava pauNDrakavAsudEvaH||1|| |
nArAyaNO'hamavatIrNa ihAsmi bhUmau dhatsE kila tvamapi mAmakalakShaNAni| utsRjya tAni zaraNaM vraja mAmiti tvAm dUtO jagAda sakalairhasitaH sabhAyAm||2|| |
dUtE'tha yAtavati yAdavasainikastvam yAtO dadarzitha vapuH kila pauNDrakIyam| tApEna vakShasi kRtAGkamanalpamUlya\- zrIkaustubhaM makarakuNDalapItachElam||3|| |
kAlAyasaM nijasudarzanamasyatO'sya kAlAnalOtkarakirENa sudarzanEna| zIrShaM chakartitha mamarditha chAsya sEnAm tanmitrakAzipazirO'pi chakartha kAzyAm||4|| |
jADyEna bAlakagirA'pi kilAhamEva zrIvAsudEva iti rUDhamatizchiraM saH| sAyujyamEva bhavadaikyadhiyA gatO'bhUt kO nAma kasya sukRtaM kathamityavEyAt||5|| |
kAzIzvarasya tanayO'tha sudakShiNAkhyaH zarvaM prapUjya bhavatE vihitAbhichAraH| kRtyAnalaM kamapi bANaraNAtibhItairbhUtaiH kathaJchana vRtaiH samamabhyamuJchat||6|| |
tAlapramANacharaNAmakhilaM dahantIm kRtyAM vilOkya chakitaiH kathitO'pi pauraiH| dyUtOtsavE kamapi nO chalitO vibhO tvam pArzvasthamAzu visasarjitha kAlachakram||7|| |
abhyApatatyamitadhAmni bhavanmahAstrE hA hEti vidrutavatI khalu ghOrakRtyA| rOShAtsudakShiNamadakShiNachEShTitaM taM puplOSha chakramapi kAzipurAmadhAkShIt||8|| |
sa khalu vividO rakShOghAtE kRtOpakRtiH purA tava tu kalayA mRtyuM prAptuM tadA khalatAM gataH| narakasachivO dEzaklEzaM sRjan nagarAntikE jhaTiti halinA yudhyannaddhA papAta talAhataH||9|| |
sAmbaM kauravyaputrIharaNaniyamitaM sAntvanArthI kurUNAm yAtastadvAkyarOShOddhRtakarinagarO mOchayAmAsa rAmaH| tE ghAtyAH pANDavEyairiti yadupRtanAM nAmuchastvaM tadAnIm taM tvAM durbOdhalIlaM pavanapurapatE tApazAntyai niShEvE||10|| |
||iti zrImannArAyaNIyE tryazItitama-dazakaM sampUrNam||
