From StotraSamhita
bhAsvAnarkasamicca raktakiraNaH siMhAdhipaH kAzyapO - gurvindOzca kujasya mitramarigaH tristhaH zubhaH prAGmukhaH| zatrurbhArgavasaurayOH priyaH kujaH kAliGgadEzAdhipO - madhyE vartulamaNDalE sthitimitaH kuryAtsadA maGgalam||1|| |
candraH karkaTakaprabhuH sitarucizcAtrEyagOtrOdbhavaH cAgnEyE caturazrakO'paramukhO gauryarcayA tarpitaH| SaTsaptAgnidazAdyazObhanaphalO'zatrurbudhArkapriyaH saumyO yAmunadEzaparNajasamitkuryAtsadA maGgalam||2|| |
bhaumO dakSiNadiktrikONanilayO'vantIpatiH khAdira- prItO vRzcikamESayOradhipatirgurvarkacandrapriyaH| jJAriH SaTtrizubhapradazca vasudhAdAtA guhAdhIzvarO bhAradvAjakulAdhipO'ruNaruciH kuryAtsadA maGgalam||3|| |
saumyaH pIta udaGmukhaH samidapAmArgO'trigOtrOdbhavO - bANEzAnagataH suhRdravisutO vairIkRtAnuSNaruk| kanyAyugmapatirdazASTamacatuHSaNNEtragaH zObhanO - viSNvArAdhanatarpitO magadhapaH kuryAtsadA maGgalam||4|| |
jIvazcOttaradiGmukhOttarakakubhjAtO'GgirO gOtradaH pItO'zvatthasamicca sindhvadhipatiH cAparkSamInAdhipaH| sUryEndukSitijapriyaH sitabudhArAtiH samO bhAnujE - saptApatyatapO'rthagaH zubhakaraH kuryAtsadA maGgalam||5|| |
zukrO bhArgavagOtrajaH sitaruciH pUrvAnanaH pUrvadik kAmbOjAdhipatistulAvRSabhagazcaudumbaraistarpitaH| saumyarkyOH suhRdambikAstutivazAt prItOrkacandrAhitO - nArIbhOgakaraH zubhO bhRgusutaH kuryAtsadA maGgalam||6|| |
sauriH kRSNarucizca pazcimamukhaH saurASTrapaH kAzyapO - nAthaH kumbhamRgarkSayOH priyasuhRt zukrajJayOrrudragaH| SaTtristhaH zubhadO zubhO dhanugatizcApAkRtau maNDalE santiSThan cirajIvitAdiphaladaH kuryAtsadA maGgalam||7|| |
rAhurbarbaradEzapO nirRtau kRSNAGgazUrpAsanO yAmyAzAbhimukhazca candraravirudh paiDInasiH krauryavAn| SaTtristhaH zubhakRt karAlavadanaH prItazca dUrvAhutau durgApUjanataH prasannahRdayaH kuryAtsadA maGgalam||8|| |
kEturjaiminigOtrajaH kuzasamidvAyavyakONEsthitaH citrAGkadhvajalAJchanO hi bhagavAn yAmyAnanaH zObhanaH| santuSTO gaNanAthapUjanavazAt gaGgAditIrthapradaH SaTtristhaH zubhakRcca citritatanuH kuryAtsadA maGgalam||9|| |
||iti zrI navagrahamaGgalASTakaM sampUrNam||