navagrahastOtram

japAkusumasaGkAzaM kAzyapEyaM mahAdyutim|
tamOriM sarvapApaghnaM praNatO'smi divAkaram||1||

dadhizaGkhatuSArAbhaM kSIrOdArNavasambhavam|
namAmi zazinaM sOmaM zambhOrmukuTabhUSaNam||2||

dharaNIgarbhasambhUtaM vidyutkAntisamaprabham|
kumAraM zaktihastaM taM maGgalaM praNamAmyaham||3||

priyaGgukalikAzyAmaM rUpENApratimaM budham|
saumyaM saumyaguNOpEtaM taM budhaM praNamAmyaham||4||

dEvAnAM ca RSINAM ca guruM kAJcanasannibham|
buddhibhUtaM trilOkEzaM taM namAmi bRhaspatim||5||

himakundamRNAlAbhaM daityAnAM paramaM gurum|
sarvazAstrapravaktAraM bhArgavaM praNamAmyaham||6||

nIlAJjanasamAbhAsaM raviputraM yamAgrajam|
chAyAmArtaNDasambhUtaM taM namAmi zanaizcaram||7||

ardhakAyaM mahAvIryaM candrAdityavimardanam|
siMhikAgarbhasambhUtaM taM rAhuM praNamAmyaham||8||

palAzapuSpasaGkAzaM tArakAgrahamastakam|
raudraM raudrAtmakaM ghOraM taM kEtuM praNamAmyaham||9||

iti vyAsamukhOdgItaM yaH paThEt susamAhitaH|
divA vA yadi vA rAtrau vighnazAntirbhaviSyati||10||

naranArInRpANAM ca bhavEdduHsvapnanAzanam|
aizvaryamatulaM tESAmArOgyaM puSTivardhanam||11||

grahanakSatrajAH pIDAstaskarAgnisamudbhavAH|
tAH sarvAH prazamaM yAnti vyAsO brUtE na saMzayaH||12||

||iti zrIvyAsaviracitaM navagrahastOtraM sampUrNam||