nRsiMhASTOttarazatanAmastOtram

nArasiMhO mahAsiMhO divyasiMhO mahAbalaH|
ugrasiMhO mahAdEvaH stambhajazcOgralOcanaH||1||

raudraH sarvAdbhutaH zrImAn yOgAnandastrivikramaH|
hariH kOlAhalazcakrI vijayO jayavardhanaH||2||

paJcAnanaH parabrahma aghOrO ghOravikramaH|
jvAlAmukhO jvAlamAlI mahAjvAlO mahAprabhuH||3||

niTilAkSaH sahasrAkSO durnirIkSyaH pratApanaH|
mahAdaMSTrAyudhaH prAjJazcaNDakOpI sadAzivaH||4||

hiraNyakazipudhvaMsI daityadAnavabhaJjanaH|
guNabhadrO mahAbhadrO balabhadrO subhadrakaH||5||

karAlO vikarAlazca vikartA sarvakartRkaH|
ziMzumArastrilOkAtmA IzaH sarvEzvarO vibhuH||6||

bhairavADambarO divyazcAcyutaH kavimAdhavaH|
adhOkSajO'kSaraH zarvO vanamAlI varapradaH||7||

vizvambharO'dbhutO bhavyO viSNuzca puruSOttamaH|
amOghAstrO nakhAstrazca sUryajyOtiH surEzvaraH||8||

sahasrabAhuH sarvajJaH sarvasiddhipradAyakaH|
vajradaMSTrO vajranakhO mahAnAdaH parantapaH||9||

sarvamantraikarUpazca sarvayantravidAraNaH|
sarvatantrAtmakO'vyaktaH suvyaktO bhaktavatsalaH||10||

vaizAkhazuklasambhUtaH zaraNAgatavatsalaH|
udArakIrtiH puNyAtmA mahAtmA caNDavikramaH||11||

vEdatrayaprapUjyazca bhagavAn paramEzvaraH|
zrIvatsAGkaH zrInivAsO jagadvyApI jaganmayaH||12||

jagatpAlO jagannAthO mahAkAyO dvirUpabhRt|
paramAtmA paraJjyOtirnirguNazca nRkEsarI||13||

paratattvaM parandhAma saccidAnandavigrahaH|
lakSmInRsiMhaH sarvAtmA dhIraH prahlAdapAlakaH||14||

||iti zrI nRsiMhASTOttarazatanAmastOtraM sampUrNam||