parabrahma prAtaH smaraNa stOtram

prAtaH smarAmi hRdi saMsphuradAtmatatvam
saccit sukhaM paramahaMsagatiM turIyam|
yat svapnajAgarasuSuptimavaiti nityam
tat brahma niSkalamahaM na ca bhUtasaMdhaH||1||

prAtarbhajAmi manasA vacasAmagamyam
vAcO vibhAnti nikhilA yadanugrahENa|
yaM nEti nEti vacanairnigamA avOcaM
staM dEvadEvamajamacyutamAhuragryam||2||

prAtarnamAmi tamasaH paramarkavarNam
pUrNaM sanAtanapadaM purUSOttamAkhyam|
yasminnidaM jagadazESamazESamUrtau
rajjvAM bhujaMgama iva pratimAsitaM vai||3||

zlOkatrayamidaM puNyaM lOkatrayavibhUSaNam|
prAtaH kAlE paThEdyastu sa gacchEtparamaM padam||4||