From StotraSamhita
parazurAmakRta-durgAstOtram
zrI parazurAma uvAca
zrIkRSNasya ca gOlOkE paripUrNatamasya ca| AvirbhUtA vigrahataH parA sRSTyunmukhasya ca||1|| |
sUryakOTiprabhAyuktA vastrAlaGkArabhUSitA| vahnizuddhAMzukAdhAnA susmitA sumanOharA||2|| |
navayauvanasampannA sindUrAruNyazObhitA| lalitaM kabarIbhAraM mAlatImAlyamaNDitam||3|| |
ahO'nirvacanIyA tvaM cArumUrtiM ca bibhratI| mOkSapradA mumukSUNAM mahAviSNOrvidhiH svayam||4|| |
mumOha kSaNamAtrENa dRSTvA tvAM sarvamOhinIm| bAlaiH sambhUya sahasA sasmitA dhAvitA purA||5|| |
sadbhiH khyAtA tEna rAdhA mUlaprakRtirIzvarI| kRSNastvAM sahasA bhItO vIryAdhAnaM cakAra ha||6|| |
tatO DimbhaM mahajjajJE tatO jAtO mahAnvirAT| yasyaiva lOmakUpESu brahmANDAnyakhilAni ca||7|| |
rAdhAratikramENaiva tanniHzvAsO babhUva ha| sa niHzvAso mahAvAyuH sa virAD-vizvadhArakaH||8|| |
bhayagharmajalEnaiva pupluvE vizvagOlakam| sa virAD vizvanilayO jalarAzirbabhUva ha||9|| |
tatastvaM paJcadhA bhUya paJcamUrtIzca bibhratI| prANAdhiSThAtRmUrttiryA kRSNasya paramAtmanaH||10|| |
kRSNaprANAdhikAM rAdhAM tAM vadanti purAvidaH| vEdAdhiSThAtrImUrtiryA vEdazAstraprasUrapi||11|| |
taM sAvitrIM zuddharUpAM pravadanti manISiNaH| aizvaryAdhiSThAtRmUrtiH zAntistvaM zAntarUpiNI||12|| |
lakSmIM vadanti saMtastAM zuddhAM sattvasvarUpiNIm| rAgAdhiSThAtrI yA dEvI zuklamUrtiH satAM prasUH||13|| |
sarasvatIM tAM zAstrajJAM zAstrajJAH pravadantyahO| buddhirvidyA sarvazaktEryA mUrtiradhidEvatA||14|| |
sarvamaGgaladA santO vadanti sarvamaGgalAm| sarvamaGgalamaGgalyA sarvamaGgalarUpiNI||15|| |
sarvamaGgalabIjasya zivasya nilayE'dhunA| zivE zivAsvarUpA tvaM lakSmIrnArAyaNAntikE||16|| |
sarasvatI ca sAvitrI vEdasUrbrahmaNaH priyA| rAdhA rAsEzvarasyaiva paripUrNatamasya ca||17|| |
paramAnandarUpasya paramAnandarUpiNI| tvatkalAMzAMzakalayA dEvAnAmapi yOSitaH||18|| |
tvaM vidyA yOSitaH sarvAH sarvESAM bIjarUpiNI| chAyA sUryasya candrasya rOhiNI sarvamOhinI||19|| |
zacI zakrasya kAmasya kAminI ratirIzvarI| varuNAnI jalEzasya vAyOH strIH prANavallabhA||20|| |
vahnEH priyA hi svAhA ca kubErasya ca sundarI| yamasya tu suzIlA ca nairRtasya ca kaiTabhI||21|| |
aizAnI syAcchazikalA zatarUpA manOH priyA| dEvahUtiH kardamasya vasiSThasyApyarundhatI||22|| |
lOpAmudrA'pyagastyasya dEvamAtA'ditistathA| ahalyA gautamasyApi sarvAdhArA vasundharA||23|| |
gaGgA ca tulasI cApi pRthivyAM yA saridvarA| EtAH sarvAzca yA hyanyA sarvAstvatkalayA'mbikE||24|| |
gRhalakSmIrgRhE nRRNAM rAjalakSmIzca rAjasu| tapasvinAM tapasyA tvaM gAyatrI brAhmaNasya ca||25|| |
satAM sattvasvarUpA tvamasatAM kalahAGkurA| jyOtIrUpA nirguNasya zaktistvaM saguNasya ca||26|| |
sUryE prabhAsvarUpA tvaM dAhikA ca hutAzanE| jalE zaityasvarUpA ca zObhArUpA nizAkarE||27|| |
tvaM bhUmau gandharUpA ca AkAzE zabdarUpiNI| kSutpipAsAdayastvaM ca jIvinAM sarvazaktayaH||28|| |
sarvabIjasvarUpA tvaM saMsArE sArarUpiNI| smRtirmEdhA ca buddhirvA jJAnazaktirvipazcitAm||29|| |
kRSNEna vidyA yA dattA sarvajJAnaprasUH zubhA| zUlinE kRpayA sA tvaM yayA mRtyuJjayaH zivaH||30|| |
sRSTipAlanasaMhArazaktayastrividhAzca yAH| brahmaviSNumahEzAnAM sA tvamEva namO'stu tE||31|| |
madhukaiTabhabhItyA ca trastO dhAtA prakampitaH| stutvA muktazca yAM dEvIM tAM mUrdhnA praNamAmyaham||32|| |
madhukaiTabhayOryuddhE trAtAsau viSNurIzvarIm| babhUva zaktimAn stutvA tAM durgAM praNamAmyaham||33|| |
tripurasya mahAyuddhE sarathE patitE zivE| yAM tuSTuvuH surAH sarvE tAM durgAM praNamAmyaham||34|| |
viSNunA vRSarUpENa svayaM zambhuH samutthitaH| jaghAna tripuraM stutvA tAM durgAM praNamAmyaham||35|| |
yadAjJayA vAti vAtaH sUryastapati santatam| varSatIndrO dahatyagnistAM durgAM praNamAmyaham||36|| |
yadAjJayA hi kAlazca zazvad-bhramati vEgataH| mRtyuzcarati jantUnAM tAM durgAM praNamAmyaham||37|| |
straSTA sRjati sRSTiM ca pAtA pAti yadAjJayA| saMhartA saMharEt kAlE tAM durgAM praNamAmyaham||38|| |
jyOtiHsvarUpO bhagavAJchrIkRSNO nirguNaH svayam| yayA vinA na zaktazca sRSTiM kartuM namAmi tAm||39|| |
rakSa rakSa jaganmAtaraparAdhaM kSamasva mE| zizUnAmaparAdhEna kutO mAtA hi kupyati||40|| |
ityuktvA parazurAmazca natvA tAM ca rurOda ha| tuSTA durgA sambhramENa cAbhayaM ca varaM dadau||41|| |
amarO bhava hE putra vatsa susthiratAM vraja| zarvaprasAdAt sarvatra jayO'stu tava santatam||42|| |
sarvAntarAtmA bhagavAMstuSTaH syAtsantataM hariH| bhaktirbhavatu tE kRSNE zivadE ca zivE gurau||43|| |
iSTadEvE gurau yasya bhaktirbhavati zAzvatI| taM hantuM na hi zaktAzca ruSTA vA sarvadEvatAH||44|| |
zrIkRSNasya ca bhaktastvaM ziSyO vai zaGkarasya ca| gurupatnIM stauSi yasmAt kastvAM hantumihEzvaraH||45|| |
ahO na kRSNabhaktAnAmazubhaM vidyatE kvacit| anyadEvESu yE bhaktA na bhaktA vA niraGkuzAH||46|| |
candramA balavAMstuSTO yESAM bhAgyavatAM bhRgO| tESAM tArAgaNA ruSTAH kiM kurvanti ca durbalAH||47|| |
yasmai tuSTaH pAlayati naradEvO mahAn sukhI| tasya kiM vA kariSyanti ruSTA bhRtyAzca durbalAH||48|| |
ityuktvA pArvatI tuSTA dattvA rAmAya cA''ziSam| jagAmAntaHpuraM tUrNaM harSazabdO babhUva ha||49|| |
phalazrutiH
stOtraM vai kANvazAkhOktaM pUjAkAlE ca yaH paThEt| yAtrAkAlE ca prAtarvA vAJchitArthaM labhEddhruvam||50|| |
putrArthI labhatE putraM kanyArthI kanyakAM labhEt| vidyArthI labhatE vidyAM prajArthI cA''pnuyAt prajAm||51|| |
bhraSTarAjyO labhEdrAjyaM naSTavittO dhanaM labhEt| yasya ruSTO gururdEvO rAjA vA bAndhavO'thavA||52|| |
tasmai tuSTazca varadaH stOtrarAjaprasAdataH| dasyugrastO phaNigrastaH zatrugrastO bhayAnakaH||53|| |
vyAdhigrastO bhavEnmuktaH stOtrasmaraNamAtrataH| rAjadvArE zmazAnE ca kArAgArE ca bandhanE||54|| |
jalarAzau nimagnazca muktastatsmRtimAtrataH| svAmibhEdE putrabhEdE mitrabhEdE ca dAruNE||55|| |
stOtrasmaraNamAtrENa vAJchitArthaM labhEddhruvam| kRtvA haviSyaM varSaM ca stOtrarAjaM zrRNOti yA||56|| |
bhaktayA durgAM ca sampUjya mahAvandhyA prasUyatE
labhatE sA divyaputraM jJAninaM cirajIvinam|
asaubhAgyA ca saubhAgyaM SaNmAsazravaNAllabhEt||57||
navamAsaM kAkavandhyA mRtavatsA ca bhaktitaH| stOtrarAjaM yA zrRNOti sA putraM labhatE dhruvam||58|| |
kanyAmAtA putrahInA paJcamAsaM zrRNOti yA| ghaTE sampUjya durgAM ca sA putraM labhatE dhruvam||59|| |
||iti zrIbrahmavaivartamahApurANE gaNapatikhaNDE zrI nArada-nArAyaNa-saMvAdE zrI parazurAmakRtaM zrI durgAstOtraM sampUrNam||