From StotraSamhita

prajJAvivardhana kArtikEya stOtram

skanda uvAca

yOgIzvarO mahAsEnaH kArtikEyO'gninandanaH| skandaH kumAraH sEnAnIH svAmI zaGkarasambhavaH||1||

gAGgEyastAmracUDazca brahmacArI zikhidhvajaH| tArakArirumAputraH krauJcArizca SaDAnanaH||2||

zabdabrahmasamudrazca siddhaH sArasvatO guhaH| sanatkumArO bhagavAn bhOgamOkSaphalapradaH||3||

zarajanmA gaNAdhIzapUrvajO muktimArgakRt| sarvAgamapraNEtA ca vAJchitArthapradarzanaH||4||

aSTAviMzatinAmAni madIyAnIti yaH paThEt| pratyUSaM zraddhayA yuktO mUkO vAcaspatirbhavEt||5||

mahAmantramayAnIti mama nAmAnukIrtanam| mahAprajJAmavApnOti nAtra kAryA vicAraNA||6||

||iti zrIrudrayAmalE prajJAvivardhanAkhyaM zrImatkArtikEyastOtraM sampUrNam||