From StotraSamhita
zivasahasranAmastOtram
zuklAmbaradharaM viSNuM zazivarNaM caturbhujam| prasannavadanaM dhyAyEt sarvavighnOpazAntayE|| |
namO'stu tE vyAsa vizAlabuddhE phullAravindAyatapatranEtra| yEna tvayA bhAratatailapUrNaH prajvAlitO jJAnamayaH pradIpaH|| |
nArAyaNaM namaskRtya naraM caiva narOttamam| dEvIM sarasvatIM vyAsaM tatO jayamudIrayE|| |
vandE zambhumumApatiM suraguruM vandE jagatkAraNam vandE pannagabhUSaNaM mRgadharaM vandE pazUnAM patim| vandE sUryazazAGkavahninayanaM vandE mukundapriyam vandE bhaktajanAzrayaM ca varadaM vandE zivaM zaGkaram|| |
||pUrvabhAgaH||
yudhiSThira uvAca
tvayA''pagEya nAmAni zrutAnIha jagatpatEH| pitAmahEzAya vibhOrnAmAnyAcakSva zambhavE||1|| |
babhravE vizvarUpAya mahAbhAgyaM ca tattvataH| surAsuragurau dEvE zaGkarE'vyaktayOnayE||2|| |
bhISma uvAca
azaktO'haM guNAn vaktuM mahAdEvasya dhImataH| yO hi sarvagatO dEvO na ca sarvatra dRzyatE||3|| |
brahmaviSNusurEzAnAM sraSTA ca prabhurEva ca| brahmAdayaH pizAcAntA yaM hi dEvA upAsatE||4|| |
prakRtInAM paratvEna puruSasya ca yaH paraH| cintyatE yO yOgavidbhirRSibhistattvadarzibhiH||5|| |
prakRtiM puruSaM caiva kSObhayitvA svatEjasA| brahmANamasRjat tasmAddEvadEvaH prajApatiH||6|| |
kO hi zaktO guNAn vaktuM dEvadEvasya dhImataH| garbhajanmajarAyuktO martyO mRtyusamanvitaH||7|| |
kO hi zaktO bhavaM jJAtuM madvidhaH paramEzvaram| RtE nArAyaNAt putra zaGkhacakragadAdharAt||8|| |
ESa vidvAn guNazrESThO viSNuH paramadurjayaH| divyacakSurmahAtEjA vIkSyatE yOgacakSuSA||9|| |
rudrabhaktyA tu kRSNEna jagadvyAptaM mahAtmanA| taM prasAdya tadA dEvaM badaryAM kila bhArata||10|| |
arthAt priyataratvaM ca sarvalOkESu vai tadA| prAptavAnEva rAjEndra suvarNAkSAnmahEzvarAt||11|| |
pUrNaM varSasahasraM tu taptavAnESa mAdhavaH| prasAdya varadaM dEvaM carAcaraguruM zivam||12|| |
yugE yugE tu kRSNEna tOSitO vai mahEzvaraH| bhaktyA paramayA caiva prItazcaiva mahAtmanaH||13|| |
aizvaryaM yAdRzaM tasya jagadyOnErmahAtmanaH| tadayaM dRSTavAn sAkSAt putrArthE hariracyutaH||14|| |
yasmAt parataraM caiva nAnyaM pazyAmi bhArata| vyAkhyAtuM dEvadEvasya zaktO nAmAnyazESataH||15|| |
ESa zaktO mahAbAhurvaktuM bhagavatO guNAn| vibhUtiM caiva kArtsnyEna satyAM mAhEzvarIM nRpa||16|| |
surAsuragurO dEva viSNO tvaM vaktum arhasi| zivAya zivarUpAya yanmA'pRcchadyudhiSThiraH||17|| |
nAmnAM sahasraM dEvasya taNDinA brahmavAdinA| nivEditaM brahmalOkE brahmaNO yat purA'bhavat||18|| |
dvaipAyanaprabhRtayastathA cEmE tapOdhanAH| RSayaH suvratA dAntAH zRNvantu gadatastava||19|| |
vAsudeva uvAca
na gatiH karmaNAM zakyA vEttumIzasya tattvataH| hiraNyagarbhapramukhA dEvAH sEndrA maharSayaH||20|| |
na viduryasya nidhanam AdiM vA sUkSmadarzinaH| sa kathaM nAmamAtrENa zakyO jJAtuM satAM gatiH||21|| |
tasyAham asuraghnasya kAMzcidbhagavatO guNAn| bhavatAM kIrtayiSyAmi vratEzAya yathAtatham||22|| |
vaizampAyana uvAca
EvamuktvA tu bhagavAn guNAMstasya mahAtmanaH| upaspRzya zucirbhUtvA kathayAmAsa dhImataH||23|| |
vAsudeva uvAca
tataH sa prayatO bhUtvA mama tAta yudhiSThira| prAJjaliH prAha viprarSirnAmasaGgrahAmAditaH||24|| |
upamanyuruvAca
brahmaprOktairRSiprOktairvEdavEdAGgasambhavaiH| sarvalOkESu vikhyAtaM stutyaM stOSyAmi nAmabhiH||25|| |
mahadbhirvihitaiH satyaiH siddhaiH sarvArthasAdhakaiH| RSiNA taNDinA bhaktyA kRtairvEdakRtAtmanA||26|| |
yathOktaiH sAdhubhiH khyAtairmunibhistattvadarzibhiH| pravaraM prathamaM svargyaM sarvabhUtahitaM zubham||27|| |
zrutaiH sarvatra jagati brahmalOkAvatAritaiH|
satyaistat paramaM brahma brahmaprOktaM sanAtanam| vakSyE yadukulazrESTha zRNuSvAvahitO mama||28|| |
varayainaM bhavaM dEvaM bhaktastvaM paramEzvaram| tEna tE zrAvayiSyAmi yat tadbrahma sanAtanam||29|| |
na zakyaM vistarAt kRtsnaM vaktuM zarvasya kEnacit| yuktEnApi vibhUtInAmapi varSazatairapi||30|| |
yasyAdirmadhyamantaM ca surairapi na gamyatE| kastasya zaknuyAdvaktuM guNAn kArtsnyEna mAdhava||31|| |
kiM tu dEvasya mahataH saGkSiptArthapadAkSaram| zaktitazcaritaM vakSyE prasAdAt tasya dhImataH||32|| |
aprApya tu tatO'nujJAM na zakyaH stOtumIzvaraH| yadA tEnAbhyanujJAtaH stutO vai sa tadA mayA||33|| |
anAdinidhanasyAhaM jagadyOnErmahAtmanaH| nAmnAM kaJcit samuddEzyaM vakSyAmyavyaktayOninaH||34|| |
varadasya varENyasya vizvarUpasya dhImataH| zRNu nAmnAM cayaM kRSNa yaduktaM padmayOninA||35|| |
dazanAmasahasrANi yAnyAha prapitAmahaH| tAni nirmathya manasA dadhnO ghRtamivOddhRtam||36|| |
girEH sAraM yathA hEma puSpasAraM yathA madhu| ghRtAt sAraM yathA maNDastathaitat sAramuddhRtam||37|| |
sarvapApApahamidaM caturvEdasamanvitam| prayatnEnAdhigantavyaM dhAryaM ca prayatAtmanA||38|| |
sarvabhUtAtmabhUtasya harasyAmitatEjasaH|
aSTOttarasahasraM tu nAmnAM zarvasya mE zRNu| yacchrutvA manujavyAghra sarvAn kAmAnavApsyasi||39|| |
||dhyAnam||
zAntaM padmAnasthaM zazidharamukuTaM paJcavaktraM trinEtram zUlaM vajraM ca khaDgaM parazumabhayadaM dakSabhAgE vahantam| nAgaM pAzaM ghaNTAM pralayahutavahaM sAGkuzaM vAmabhAgE nAnAlaGkArayuktaM sphaTikamaNinibhaM pArvatIzaM namAmi|| |
||stOtram||
OM sthiraH sthANuH prabhurbhImaH pravarO varadO varaH| sarvAtmA sarvavikhyAtaH sarvaH sarvakarO bhavaH||1|| |
jaTI carmI zikhaNDI ca sarvAGgaH sarvabhAvanaH| harazca hariNAkSazca sarvabhUtaharaH prabhuH||2|| |
pravRttizca nivRttizca niyataH zAzvatO dhruvaH| zmazAnavAsI bhagavAn khacarO gOcarO'rdanaH||3|| |
abhivAdyO mahAkarmA tapasvI bhUtabhAvanaH| unmattavESapracchannaH sarvalOkaprajApatiH||4|| |
mahArUpO mahAkAyO vRSarUpO mahAyazAH| mahAtmA sarvabhUtAtmA vizvarUpO mahAhanuH||5|| |
lOkapAlO'ntarhitAtmA prasAdO hayagardabhiH| pavitraM ca mahAMzcaiva niyamO niyamAzritaH||6|| |
sarvakarmA svayambhUta AdirAdikarO nidhiH| sahasrAkSO vizAlAkSaH sOmO nakSatrasAdhakaH||7|| |
candraH sUryaH zaniH kEturgrahO grahapatirvaraH| atriratryAnamaskartA mRgabANArpaNO'naghaH||8|| |
mahAtapA ghOratapA adInO dInasAdhakaH| saMvatsarakarO mantraH pramANaM paramaM tapaH||9|| |
yOgI yOjyO mahAbIjO mahArEtA mahAbalaH| suvarNarEtAH sarvajJaH subIjO bIjavAhanaH||10|| |
dazabAhustvanimiSO nIlakaNTha umApatiH| vizvarUpaH svayaMzrESThO balavIrO'balO gaNaH||11|| |
gaNakartA gaNapatirdigvAsAH kAma Eva ca| mantravit paramO mantraH sarvabhAvakarO haraH||12|| |
kamaNDaludharO dhanvI bANahastaH kapAlavAn| azanI zataghnI khaDgI paTTizI ca''yudhI mahAn||13|| |
sruvahastaH surUpazca tEjastEjaskarO nidhiH| uSNiSI ca suvaktrazca udagrO vinatastathA||14|| |
dIrghazca harikEzazca sutIrthaH kRSNa Eva ca| sRgAlarUpaH siddhArthO muNDaH sarvazubhaGkaraH||15|| |
ajazca bahurUpazca gandhadhArI kapardyapi| UrdhvarEtA UrdhvaliGga UrdhvazAyI nabhaHsthalaH||16|| |
trijaTI cIravAsAzca rudraH sEnApatirvibhuH| ahazcarO naktaJcarastigmamanyuH suvarcasaH||17|| |
gajahA daityahA kAlO lOkadhAtA guNAkaraH| siMhazArdUlarUpazca ArdracarmAmbarAvRtaH||18|| |
kAlayOgI mahAnAdaH sarvakAmazcatuSpathaH| nizAcaraH prEtacArI bhUtacArI mahEzvaraH||19|| |
bahubhUtO bahudharaH svarbhAnuramitO gatiH| nRtyapriyO nityanartO nartakaH sarvalAlasaH||20|| |
ghOrO mahAtapAH pAzO nityO giriruhO nabhaH| sahasrahastO vijayO vyavasAyO hyatandritaH||21|| |
adharSaNO dharSaNAtmA yajJahA kAmanAzakaH| dakSayAgApahArI ca susahO madhyamastathA||22|| |
tEjOpahArI balahA muditO'rthO'jitO varaH| gambhIraghOSO gambhIrO gambhIrabalavAhanaH||23|| |
nyagrOdharUpO nyagrOdhO vRkSakarNasthitirvibhuH| sutIkSNadazanazcaiva mahAkAyO mahAnanaH||24|| |
viSvaksEnO hariryajJaH saMyugApIDavAhanaH| tIkSNatApazca haryazvaH sahAyaH karmakAlavit||25|| |
viSNuprasAditO yajJaH samudrO baDavAmukhaH| hutAzanasahAyazca prazAntAtmA hutAzanaH||26|| |
ugratEjA mahAtEjA janyO vijayakAlavit| jyOtiSAmayanaM siddhiH sarvavigraha Eva ca||27|| |
zikhI muNDI jaTI jvAlI mUrtijO mUrdhajO balI| vaiNavI paNavI tAlI khalI kAlakaTaGkaTaH||28|| |
nakSatravigrahamatirguNabuddhirlayO'gamaH| prajApatirvizvabAhurvibhAgaH sarvagO'mukhaH||29|| |
vimOcanaH susaraNO hiraNyakavacOdbhavaH| mEDhrajO balacArI ca mahIcArI srutastathA||30|| |
sarvatUryavinOdI ca sarvAtOdyaparigrahaH| vyAlarUpO guhAvAsI guhO mAlI taraGgavit||31|| |
tridazastrikAladhRk karmasarvabandhavimOcanaH| bandhanastvasurEndrANAM yudhi zatruvinAzanaH||32|| |
sAGkhyaprasAdO durvAsAH sarvasAdhuniSEvitaH| praskandanO vibhAgajJO'tulyO yajJavibhAgavit||33|| |
sarvavAsaH sarvacArI durvAsA vAsavO'maraH| haimO hEmakarO yajJaH sarvadhArI dharOttamaH||34|| |
lOhitAkSO mahAkSazca vijayAkSO vizAradaH| saGgrahO nigrahaH kartA sarpacIranivAsanaH||35|| |
mukhyO'mukhyazca dEhazca kAhaliH sarvakAmadaH| sarvakAlaprasAdazca subalO balarUpadhRk||36|| |
sarvakAmavarazcaiva sarvadaH sarvatOmukhaH| AkAzanirvirUpazca nipAtI hyavazaH khagaH||37|| |
raudrarUpOM'zurAdityO bahurazmiH suvarcasI| vasuvEgO mahAvEgO manOvEgO nizAcaraH||38|| |
sarvavAsI zriyAvAsI upadEzakarO'karaH| munirAtmanirAlOkaH sambhagnazca sahasradaH||39|| |
pakSI ca pakSarUpazca atidIptO vizAmpatiH| unmAdO madanaH kAmO hyazvatthO'rthakarO yazaH||40|| |
vAmadEvazca vAmazca prAgdakSiNazca vAmanaH| siddhayOgI maharSizca siddhArthaH siddhasAdhakaH||41|| |
bhikSuzca bhikSurUpazca vipaNO mRduravyayaH| mahAsEnO vizAkhazca SaSThibhAgO gavAM patiH||42|| |
vajrahastazca viSkambhI camUstambhana Eva ca| vRttAvRttakarastAlO madhurmadhukalOcanaH||43|| |
vAcaspatyO vAjasanO nityamAzritapUjitaH| brahmacArI lOkacArI sarvacArI vicAravit||44|| |
IzAna IzvaraH kAlO nizAcArI pinAkavAn| nimittasthO nimittaM ca nandirnandikarO hariH||45|| |
nandIzvarazca nandI ca nandanO nandivardhanaH| bhagahArI nihantA ca kAlO brahmA pitAmahaH||46|| |
caturmukhO mahAliGgazcAruliGgastathaiva ca| liGgAdhyakSaH surAdhyakSO yOgAdhyakSO yugAvahaH||47|| |
bIjAdhyakSO bIjakartA adhyAtmA'nugatO balaH| itihAsaH sakalpazca gautamO'tha nizAkaraH||48|| |
dambhO hyadambhO vaidambhO vazyO vazakaraH kaliH| lOkakartA pazupatirmahAkartA hyanauSadhaH||49|| |
akSaraM paramaM brahma balavaccakra Eva ca| nItirhyanItiH zuddhAtmA zuddhO mAnyO gatAgataH||50|| |
bahuprasAdaH susvapnO darpaNO'tha tvamitrajit| vEdakArO mantrakArO vidvAn samaramardanaH||51|| |
mahAmEghanivAsI ca mahAghOrO vazIkaraH| agnijvAlO mahAjvAlO atidhUmrO hutO haviH||52|| |
vRSaNaH zaGkarO nityaM varcasvI dhUmakEtanaH| nIlastathAGgalubdhazca zObhanO niravagrahaH||53|| |
svastidaH svastibhAvazca bhAgI bhAgakarO laghuH| utsaGgazca mahAGgazca mahAgarbhaparAyaNaH||54|| |
kRSNavarNaH suvarNazca indriyaM sarvadEhinAm| mahApAdO mahAhastO mahAkAyO mahAyazAH||55|| |
mahAmUrdhA mahAmAtrO mahAnEtrO nizAlayaH| mahAntakO mahAkarNO mahOSThazca mahAhanuH||56|| |
mahAnAsO mahAkamburmahAgrIvaH zmazAnabhAk| mahAvakSA mahOraskO hyantarAtmA mRgAlayaH||57|| |
lambanO lambitOSThazca mahAmAyaH payOnidhiH| mahAdantO mahAdaMSTrO mahAjihvO mahAmukhaH||58|| |
mahAnakhO mahArOmO mahAkOzO mahAjaTaH| prasannazca prasAdazca pratyayO girisAdhanaH||59|| |
snEhanO'snEhanazcaiva ajitazca mahAmuniH| vRkSAkArO vRkSakEturanalO vAyuvAhanaH||60|| |
gaNDalI mErudhAmA ca dEvAdhipatirEva ca| atharvazIrSaH sAmAsya RksahasrAmitEkSaNaH||61|| |
yajuH pAdabhujO guhyaH prakAzO jaGgamastathA| amOghArthaH prasAdazca abhigamyaH sudarzanaH||62|| |
upakAraH priyaH sarvaH kanakaH kAJcanacchaviH| nAbhirnandikarO bhAvaH puSkaraH sthapatiH sthiraH||63|| |
dvAdazastrAsanazcAdyO yajJO yajJasamAhitaH| naktaM kalizca kAlazca makaraH kAlapUjitaH||64|| |
sagaNO gaNakArazca bhUtavAhanasArathiH| bhasmazayO bhasmagOptA bhasmabhUtastarurgaNaH||65|| |
lOkapAlastathA lOkO mahAtmA sarvapUjitaH| zuklastrizuklaH sampannaH zucirbhUtaniSEvitaH||66|| |
AzramasthaH kriyAvasthO vizvakarmamatirvaraH| vizAlazAkhastAmrOSThO hyambujAlaH sunizcalaH||67|| |
kapilaH kapizaH zukla Ayuzcaiva parO'paraH| gandharvO hyaditistArkSyaH suvijJEyaH suzAradaH||68|| |
parazvadhAyudhO dEva anukArI subAndhavaH| tumbavINO mahAkrOdha UrdhvarEtA jalEzayaH||69|| |
ugrO vaMzakarO vaMzO vaMzanAdO hyaninditaH| sarvAGgarUpO mAyAvI suhRdO hyanilO'nalaH||70|| |
bandhanO bandhakartA ca subandhanavimOcanaH| sayajJAriH sakAmArirmahAdaMSTrO mahAyudhaH||71|| |
bahudhA ninditaH zarvaH zaGkaraH zaGkarO'dhanaH| amarEzO mahAdEvO vizvadEvaH surArihA||72|| |
ahirbudhnyO'nilAbhazca cEkitAnO havistathA| ajaikapAcca kApAlI trizaGkurajitaH zivaH||73|| |
dhanvantarirdhUmakEtuH skandO vaizravaNastathA| dhAtA zakrazca viSNuzca mitrastvaSTA dhruvO dharaH||74|| |
prabhAvaH sarvagO vAyuraryamA savitA raviH| uSaGguzca vidhAtA ca mAndhAtA bhUtabhAvanaH||75|| |
vibhurvarNavibhAvI ca sarvakAmaguNAvahaH| padmanAbhO mahAgarbhazcandravaktrO'nilO'nalaH||76|| |
balavAMzcOpazAntazca purANaH puNyacaJcurI| kurukartA kuruvAsI kurubhUtO guNauSadhaH||77|| |
sarvAzayO darbhacArI sarvESAM prANinAM patiH| dEvadEvaH sukhAsaktaH sadasat sarvaratnavit||78|| |
kailAsagirivAsI ca himavadgirisaMzrayaH| kUlahArI kUlakartA bahuvidyO bahupradaH||79|| |
vaNijO vardhakI vRkSO vakulazcandanazchadaH| sAragrIvO mahAjatruralOlazca mahauSadhaH||80|| |
siddhArthakArI siddhArthazchandOvyAkaraNOttaraH| siMhanAdaH siMhadaMSTraH siMhagaH siMhavAhanaH||81|| |
prabhAvAtmA jagatkAlasthAlO lOkahitastaruH| sAraGgO navacakrAGgaH kEtumAlI sabhAvanaH||82|| |
bhUtAlayO bhUtapatirahOrAtramaninditaH ||83||
vAhitA sarvabhUtAnAM nilayazca vibhurbhavaH| amOghaH saMyatO hyazvO bhOjanaH prANadhAraNaH||84|| |
dhRtimAn matimAn dakSaH satkRtazca yugAdhipaH| gOpAlirgOpatirgrAmO gOcarmavasanO hariH||85|| |
hiraNyabAhuzca tathA guhApAlaH pravEzinAm| prakRSTArirmahAharSO jitakAmO jitEndriyaH||86|| |
gAndhArazca suvAsazca tapaHsaktO ratirnaraH| mahAgItO mahAnRtyO hyapsarOgaNasEvitaH||87|| |
mahAkEturmahAdhAturnaikasAnucarazcalaH| AvEdanIya AdEzaH sarvagandhasukhAvahaH||88|| |
tOraNastAraNO vAtaH paridhIH patikhEcaraH| saMyOgO vardhanO vRddhO ativRddhO guNAdhikaH||89|| |
nityamAtmasahAyazca dEvAsurapatiH patiH| yuktazca yuktabAhuzca dEvO divi suparvaNaH||90|| |
ASADhazca suSADhazca dhruvO'tha hariNO haraH| vapurAvartamAnEbhyO vasuzrESThO mahApathaH||91|| |
zirOhArI vimarzazca sarvalakSaNalakSitaH| akSazca rathayOgI ca sarvayOgI mahAbalaH||92|| |
samAmnAyO'samAmnAyastIrthadEvO mahArathaH| nirjIvO jIvanO mantraH zubhAkSO bahukarkazaH||93|| |
ratnaprabhUtO raktAGgO mahArNavanipAnavit| mUlaM vizAlO hyamRtO vyaktAvyaktastapOnidhiH||94|| |
ArOhaNO'dhirOhazca zIladhArI mahAyazAH| sEnAkalpO mahAkalpO yOgO yugakarO hariH||95|| |
yugarUpO mahArUpO mahAnAgahanO vadhaH| nyAyanirvapaNaH pAdaH paNDitO hyacalOpamaH||96|| |
bahumAlO mahAmAlaH zazI harasulOcanaH| vistArO lavaNaH kUpastriyugaH saphalOdayaH||97|| |
trilOcanO viSaNNAGgO maNividdhO jaTAdharaH| bindurvisargaH sumukhaH zaraH sarvAyudhaH sahaH||98|| |
nivEdanaH sukhAjAtaH sugandhArO mahAdhanuH| gandhapAlI ca bhagavAnutthAnaH sarvakarmaNAm||99|| |
manthAnO bahulO vAyuH sakalaH sarvalOcanaH| talastAlaH karasthAlI UrdhvasaMhananO mahAn||100|| |
chatraM succhatrO vikhyAtO lOkaH sarvAzrayaH kramaH| muNDO virUpO vikRtO daNDI kuNDI vikurvaNaH||101|| |
haryakSaH kakubhO vajrI zatajihvaH sahasrapAt| sahasramUrdhA dEvEndraH sarvadEvamayO guruH||102|| |
sahasrabAhuH sarvAGgaH zaraNyaH sarvalOkakRt| pavitraM trikakunmantraH kaniSThaH kRSNapiGgalaH||103|| |
brahmadaNDavinirmAtA zataghnIpAzazaktimAn| padmagarbhO mahAgarbhO brahmagarbhO jalOdbhavaH||104|| |
gabhastirbrahmakRd-brahmI brahmavid-brAhmaNO gatiH| anantarUpO naikAtmA tigmatEjAH svayambhuvaH||105|| |
UrdhvagAtmA pazupatirvAtaraMhA manOjavaH| candanI padmanAlAgraH surabhyuttaraNO naraH||106|| |
karNikAramahAsragvI nIlamauliH pinAkadhRk| umApatirumAkAntO jAhnavIdhRgumAdhavaH||107|| |
varO varAhO varadO varENyaH sumahAsvanaH| mahAprasAdO damanaH zatruhA zvEtapiGgalaH||108|| |
pItAtmA paramAtmA ca prayatAtmA pradhAnadhRk| sarvapArzvamukhastryakSO dharmasAdhAraNO varaH||109|| |
carAcarAtmA sUkSmAtmA hyamRtO gOvRSEzvaraH| sAdhyarSirvasurAdityO vivasvAn savitA'mRtaH||110|| |
vyAsaH sargaH susaGkSEpO vistaraH paryayO naraH| RtuH saMvatsarO mAsaH pakSaH saGkhyAsamApanaH||111|| |
kalAH kASThA lavA mAtrA muhUrtAhaH kSapAH kSaNAH| vizvakSEtraM prajAbIjaM liGgamAdyastu nirgamaH||112|| |
sadasadvyaktamavyaktaM pitA mAtA pitAmahaH| svargadvAraM prajAdvAraM mOkSadvAraM triviSTapam||113|| |
nirvANaM hlAdanazcaiva brahmalOkaH parA gatiH| dEvAsuravinirmAtA dEvAsuraparAyaNaH||114|| |
dEvAsuragururdEvO dEvAsuranamaskRtaH| dEvAsuramahAmAtrO dEvAsuragaNAzrayaH||115|| |
dEvAsuragaNAdhyakSO dEvAsuragaNAgraNIH| dEvAtidEvO dEvarSirdEvAsuravarapradaH||116|| |
dEvAsurEzvarO vizvO dEvAsuramahEzvaraH| sarvadEvamayO'cintyO dEvatAtmA''tmasambhavaH||117|| |
udbhittrivikramO vaidyO virajO nIrajO'maraH| IDyO hastIzvarO vyAghrO dEvasiMhO nararSabhaH||118|| |
vibudhO'gravaraH sUkSmaH sarvadEvastapOmayaH| suyuktaH zObhanO vajrI prAsAnAM prabhavO'vyayaH||119|| |
guhaH kAntO nijaH sargaH pavitraM sarvapAvanaH| zRGgI zRGgapriyO babhrU rAjarAjO nirAmayaH||120|| |
abhirAmaH suragaNO virAmaH sarvasAdhanaH| lalATAkSO vizvadEvO hariNO brahmavarcasaH||121|| |
sthAvarANAM patizcaiva niyamEndriyavardhanaH| siddhArthaH siddhabhUtArthO'cintyaH satyavrataH zuciH||122|| |
vratAdhipaH paraM brahma bhaktAnAM paramA gatiH| vimuktO muktatEjAzca zrImAn zrIvardhanO jagat||123|| |
zrImAn zrIvardhanO jagat OM nama iti|
||uttarabhAgaH||
yathA pradhAnaM bhagavAn iti bhaktyA stutO mayA| yaM na brahmAdayO dEvA vidustattvEna narSayaH||1|| |
stOtavyamarcyaM vandyaM ca kaH stOSyati jagatpatim| bhaktiM tvEvaM puraskRtya mayA yajJapatirvibhuH||2|| |
tatO'bhyanujJAM samprApya stutO matimatAM varaH|
zivamEbhiH stuvan dEvaM nAmabhiH puSTivardhanaiH| nityayuktaH zucirbhaktaH prApnOtyAtmAnamAtmanA||3|| |
RSayazcaiva dEvAzca stuvantyEtEna tatparam| stUyamAnO mahAdEvastuSyatE niyamAtmabhiH||4|| |
bhaktAnukampI bhagavAn AtmasaMsthAkarO vibhuH| tathaiva ca manuSyESu yE manuSyAH pradhAnataH||5|| |
AstikAH zraddadhAnAzca bahubhirjanmabhiH stavaiH| bhaktyA hyananyamIzAnaM paraM dEvaM sanAtanam||6|| |
karmaNA manasA vAcA bhAvEnAmitatEjasaH| zayAnA jAgramANAzca vrajannupavizaMstathA||7|| |
unmiSannimiSaMzcaiva cintayantaH punaH punaH| zRNvantaH zrAvayantazca kathayantazca tE bhavam||8|| |
stuvantaH stUyamAnAzca tuSyanti ca ramanti ca| janmakOTisahasrESu nAnAsaMsArayOniSu||9|| |
jantOrvigatapApasya bhavE bhaktiH prajAyatE| utpannA ca bhavE bhaktirananyA sarvabhAvataH||10|| |
bhAvinaH kAraNE cAsya sarvayuktasya sarvathA| EtaddEvESu duSprApaM manuSyESu na labhyatE||11|| |
nirvighnA nizcalA rudrE bhaktiravyabhicAriNI|
tasyaiva ca prasAdEna bhaktirutpadyatE nRNAm| yEna yAnti parAM siddhiM tadbhAvagatacEtasaH||12|| |
yE sarvabhAvAnugatAH prapadyantE mahEzvaram| prapannavatsalO dEvaH saMsArAt tAn samuddharEt||13|| |
Evam anyE vikurvanti dEvAH saMsAramOcanam| manuSyANAmRtE dEvaM nAnyA zaktistapObalam||14|| |
iti tEnEndrakalpEna bhagavAn sadasatpatiH| kRttivAsAH stutaH kRSNa taNDinA zuddhabuddhinA||15|| |
stavamEtaM bhagavatO brahmA svayamadhArayat| gIyatE ca sa buddhyEta brahmA zaGkarasannidhau||16|| |
idaM puNyaM pavitraM ca sarvadA pApanAzanam| yOgadaM mOkSadaM caiva svargadaM tOSadaM tathA||17|| |
EvamEtat paThantE ya EkabhaktyA tu zaGkaram| yA gatiH sAGkhyayOgAnAM vrajantyEtAM gatiM tadA||18|| |
stavamEtaM prayatnEna sadA rudrasya sannidhau| abdamEkaM carEdbhaktaH prApnuyAdIpsitaM phalam||19|| |
EtadrahasyaM paramaM brahmaNO hRdi saMsthitam| brahmA prOvAca zakrAya zakraH prOvAca mRtyavE||20|| |
mRtyuH prOvAca rudrEbhyO rudrEbhyastaNDimAgamat| mahatA tapasA prAptastaNDinA brahmasadmani||21|| |
taNDiH prOvAca zukrAya gautamAya ca bhArgavaH| vaivasvatAya manavE gautamaH prAha mAdhava||22|| |
nArAyaNAya sAdhyAya samAdhiSThAya dhImatE| yamAya prAha bhagavAn sAdhyO nArAyaNO'cyutaH||23|| |
nAcikEtAya bhagavAn Aha vaivasvatO yamaH| mArkaNDEyAya vArSNEya nAcikEtO'bhyabhASata||24|| |
mArkaNDEyAnmayA prAptaM niyamEna janArdana| tavApyaham amitraghna stavaM dadyAM hyavizrutam||25|| |
svargyamArOgyamAyuSyaM dhanyaM vEdEna sammitam|
nAsya vighnaM vikurvanti dAnavA yakSarAkSasAH| pizAcA yAtudhAnAzca guhyakA bhujagA api||26|| |
yaH paThEta zucirbhUtvA brahmacArI jitEndriyaH| abhagnayOgO varSaM tu sO'zvamEdhaphalaM labhEt||27|| |
jaigISavya uvAca
mamASTaguNamaizvaryaM dattaM bhagavatA purA| yatnEnAnyEna balinA vArANasyAM yudhiSThira||28|| |
vArANasyAM yudhiSThira OM nama iti|
garga uvAca
catuHSaSTyaGgamadadat kalAjJAnaM mamAdbhutam| sarasvatyAstaTE tuSTO manOyajJEna pANDava||29|| |
manOyajJEna pANDava OM nama iti|
vaizampAyana uvAca
tataH kRSNO'bravIdvAkyaM punarmatimatAM varaH|
yudhiSThiraM dharmanidhiM puruhUtamivEzvaraH| upamanyurmayi prAha tapanniva divAkaraH||30|| |
azubhaiH pApakarmANO yE narAH kaluSIkRtAH|
IzAnaM na prapadyantE tamOrAjasavRttayaH| IzvaraM samprapadyantE dvijA bhAvitabhAvanAH||31|| |
EvamEva mahAdEva bhaktA yE mAnavA bhuvi| na tE saMsAravazagA iti mE nizcitA matiH||32|| |
iti mE nizcitA matiH OM nama iti|
||iti zrImanmahAbhAratE zatasAhasryAM saMhitAyAM vaiyAsikyAm AnuzAsanikaparvaNi aSTAdazO'dhyAyaH||
duHsvapna-duHzakuna-durgati-daurmanasya durbhikSa-durvyasana-duHsaha-duryazAMsi| utpAta-tApa-viSabhItim asad-grahArtim vyAdhIMzca nAzayatu mE jagatAmadhIzaH|| |
