From StotraSamhita
sItASTOttarazatanAmastOtram
||dhyAnam||
vAmAGgE raghunAyakasya rucirE yA saMsthitA zObhanA yA viprAdhipayAnaramyanayanA yA viprapAlAnanA| vidyutpuJjavirAjamAnavasanA bhaktArtisaGkhaNDanA zrImadrAghavapAdapadmayugalanyastEkSaNA sA'vatu|| |
||stOtram||
zrIsItA jAnakI dEvI vaidEhI rAghavapriyA| ramA'vanisutA rAmA rAkSasAntaprakAriNI||1|| |
ratnaguptA mAtuluGgI maithilI bhaktatOSadA| padmAkSajA kaJjanEtrA smitAsyA nUpurasvanA||2|| |
vaikuNThanilayA mA zrIrmuktidA kAmapUraNI| nRpAtmajA hEmavarNA mRdulAGgI subhASiNI||3|| |
kuzAmbikA divyadA ca lavamAtA manOharA| hanumadvanditapadA mugdhA kEyUradhAriNI||4|| |
azOkavanamadhyasthA rAvaNAdikamOhinI| vimAnasaMsthitA subhrUH sukEzI razanAnvitA||5|| |
rajOrUpA sattvarUpA tAmasI vahnivAsinI| hEmamRgAsaktacittA vAlmIkyAzramavAsinI||6|| |
pativratA mahAmAyA pItakauzEyavAsinI| mRganEtrA ca bimbOSThI dhanurvidyAvizAradA||7|| |
saumyarUpA dazarathasnuSA cAmaravIjitA| sumEdhAduhitA divyarUpA trailOkyapAlinI||8|| |
annapUrNA mahAlakSmIrdhIrlajjA ca sarasvatI| zAntiH puSTiH kSamA gaurI prabhA'yOdhyAnivAsinI||9|| |
vasantazItalA gaurI snAnasantuSTamAnasA| ramAnAmabhadrasaMsthA hEmakumbhapayOdharA||10|| |
surArcitA dhRtiH kAntiH smRtirmEdhA vibhAvarI| laghUdarA varArOhA hEmakaGkaNamaNDitA||11|| |
dvijapatnyarpitanijabhUSA rAghavatOSiNI| zrIrAmasEvAniratA ratnatATaGkadhAriNI||12|| |
rAmavAmAGgasaMsthA ca rAmacandraikaraJjanI| sarayUjalasaGkrIDAkAriNI rAmamOhinI||13|| |
suvarNatulitA puNyA puNyakIrtiH kalAvatI| kalakaNThA kambukaNThA rambhOrurgajagAminI||14|| |
rAmArpitamanA rAmavanditA rAmavallabhA| zrIrAmapadacihnAGkA rAmarAmEtibhASiNI||15|| |
rAmaparyaGkazayanA rAmAGghrikSAlinI varA| kAmadhEnvannasantuSTA mAtuluGgakarE dhRtA||16|| |
divyacandanasaMsthA zrIrmUlakAsuramardinI| EvamaSTOttarazataM sItAnAmnAM supuNyadam||17|| |
yE paThanti narA bhUmyAM tE dhanyAH svargagAminaH| aSTOttarazataM nAmnAM sItAyAH stOtramuttamam||18|| |
japanIyaM prayatnEna sarvadA bhaktipUrvakam| santi stOtrANyanEkAni puNyadAni mahAnti ca||19|| |
nAnEna sadRzAnIha tAni sarvANi bhUsura| stOtrANAmuttamaM cEdaM bhuktimuktipradaM nRNAm||20|| |
EvaM sutIkSNa tE prOktamaSTOttarazataM zubham| sItAnAmnAM puNyadaM ca zravaNAnmaGgalapradam||21|| |
naraiH prAtaH samutthAya paThitavyaM prayatnataH| sItApUjanakAlE'pi sarvavAJchitadAyakam||22|| |
||iti zrI AnandarAmAyaNE zrIsItASTOttarazatanAmastOtraM sampUrNam||
