zrI vEGkaTEzASTOttarazatanAmastOtram

siddhA UcuH

bhagavan vEGkaTEzasya nAmnAmaSTOttaraM zatam|
anubrUhi dayAsindhO kSiprasiddhipradaM nRNAm||

nArada uvAca

sAvadhAnEna manasA zRNvantu tadidaM zubham|
japtaM vaikhAnasaiH pUrvaM sarvasaubhAgyavardhanam||

stOtram

OGkAraparamArthazca naranArAyaNAtmakaH|
mOkSalakSmIprANakAntO vEGkaTAcalanAyakaH||1||

karuNApUrNahRdayaH TEGkArajapasaukhyadaH|
zAstrapramANagamyazca yamAdyaSTAGgagOcaraH||2||

bhaktalOkaikavaradO varENyO bhayanAzanaH|
yajamAnasvarUpazca hastanyastasudarzanaH||3||

ramAvatAraGgEzO NAkArajapasupriyaH|
yajJEzO gatidAtA ca jagatIvallabhO varaH||4||

rakSaHsandOhasaMhartA varcasvI raghupuGgavaH|
dAnadharmaparO yAjI ghanazyAmalavigrahaH||5||

harAdisarvadEvEDyO rAmO yadukulAgraNIH|
zrInivAsO mahAtmA ca tEjasvI tattvasannidhiH||6||

tvamarthalakSyarUpazca rUpavAn pAvanO yazaH|
sarvEzO kamalAkAntO lakSmIsallApasammukhaH||7||

caturmukhapratiSThAtA rAjarAjavarapradaH|
caturvEdazirOratnaM ramaNO nityavaibhavaH ||8||

dAsavargaparitrAtA nAradAdimunistutaH|
yAdavAcalavAsI ca khidyadbhaktArtibhaJjanaH ||9||

lakSmIprasAdakO viSNurdEvEzO ramyavigrahaH|
mAdhavO lOkanAthazca lAlitAkhilasEvakaH ||10||

yakSagandharvavaradaH kumArO mAtRkArcitaH|
raTadbAlakapOSI ca zESazailakRtasthalaH ||11||

SADguNyaparipUrNazca dvaitadOSanivAraNaH|
tiryagjantvarcitAGghrizca nEtrAnandakarOtsavaH ||12||

dvAdazOttamalIlazca daridrajanarakSakaH|
zatrukRtyAdibhItighnO bhujaGgazayanapriyaH||13||

jAgradrahasyAvAsazca ziSTAnAM paripAlakaH|
varENyaH pUrNabOdhazca janmasaMsArabhESajam ||14||

kArtikEyavapurdhArI yatizEkharabhAvitaH|
narakAdibhayadhvaMsI rathOtsavakalAdharaH ||15||

lOkArcAmukhyamUrtizca kEzavAdyavatAravAn|
zAstrazrutAnantalIlO yamazikSAnibarhaNaH||16||

mAnasaMrakSaNapara iriNAGkuradhAnyadaH|
nEtrahInAkSidAyI ca matihInamatipradaH||17||

hiraNyadAnasaGgrAhI mOhajAlanikRntanaH|
dadhilAjAkSatArcyazca yAtudhAnavinAzanaH||18||

yajurvEdazikhAgamyO vEGkaTO dakSiNAsthitaH|
sArapuSkaraNItIrO rAtraudEvagaNArcitaH||19||

yatnavatphalasandhAtA zrIMjapAddhanavRddhikRt|
klIGkArajApikAmyArthapradAnasadayAntaraH||20||

svasarvasiddhisandhAtA namaskarturabhISTadaH|
mOhitAkhilalOkazca nAnArUpavyavasthitaH||21||

rAjIvalOcanO yajJavarAhO gaNavEGkaTaH|
tEjOrAzIkSaNaH svAmI hArdAvidyAnivAraNaH||22||

iti zrIvEGkaTEzasya nAmnAmaSTOttaraM zatam
prAtaH prAtaH samutthAya yaH paThEdbhaktimAnnaraH|
sarvESTArthAnavApnOti vEGkaTEzaprasAdataH||

||iti zrI vEGkaTEzASTOttarazatanAmastOtraM sampUrNam||