From StotraSamhita
viSNusahasranAmastOtram
zuklAmbaradharaM viSNuM zazivarNaM caturbhujam| prasannavadanaM dhyAyEt sarvavighnOpazAntayE||1|| |
yasya dviradavaktrAdyAH pAriSadyAH paraH zatam| vighnaM nighnanti satataM viSvaksEnaM tamAzrayE||2|| |
nArAyaNaM namaskRtya naraM caiva narOttamam| dEvIM sarasvatIM vyAsaM tatO jayamudIrayEt||3|| |
vyAsaM vasiSThanaptAraM zaktEH pautramakalmaSam| parAzarAtmajaM vandE zukatAtaM tapOnidhim||4|| |
vyAsAya viSNurUpAya vyAsarUpAya viSNavE| namO vai brahmanidhayE vAsiSThAya namO namaH||5|| |
avikArAya zuddhAya nityAya paramAtmanE| sadaikarUparUpAya viSNavE sarvajiSNavE||6|| |
yasya smaraNamAtrENa janmasaMsArabandhanAt| vimucyatE namastasmai viSNavE prabhaviSNavE||7|| |
OM namO viSNavE prabhaviSNavE
zrI vaizampAyana uvAca
zrutvA dharmAnazESENa pAvanAni ca sarvazaH| yudhiSThiraH zAntanavaM punarEvAbhyabhASata||8|| |
zrI yudhiSThira uvAca
kimEkaM daivataM lOkE kiM vA'pyEkaM parAyaNam| stuvantaH kaM kamarcantaH prApnuyurmAnavAH zubham||9|| |
kO dharmaH sarvadharmANAM bhavataH paramO mataH| kiM japan mucyatE janturjanmasaMsArabandhanAt||10|| |
zrI bhISma uvAca
jagatprabhuM dEvadEvamanantaM puruSOttamam| stuvan nAmasahasrENa puruSaH satatOtthitaH||11|| |
tamEva cArcayannityaM bhaktyA puruSamavyayam| dhyAyan stuvan namasyaMzca yajamAnastamEva ca||12|| |
anAdinidhanaM viSNuM sarvalOkamahEzvaram| lOkAdhyakSaM stuvannityaM sarvaduHkhAtigO bhavEt||13|| |
brahmaNyaM sarvadharmajJaM lOkAnAM kIrtivardhanam| lOkanAthaM mahadbhUtaM sarvabhUtabhavOdbhavam||14|| |
ESa mE sarvadharmANAM dharmO'dhikatamO mataH| yadbhaktyA puNDarIkAkSaM stavairarcEnnaraH sadA||15|| |
paramaM yO mahattEjaH paramaM yO mahattapaH| paramaM yO mahadbrahma paramaM yaH parAyaNam||16|| |
pavitrANAM pavitraM yO maGgalAnAM ca maGgalam| daivataM daivatAnAM ca bhUtAnAM yO'vyayaH pitA||17|| |
yataH sarvANi bhUtAni bhavantyAdiyugAgamE| yasmiMzca pralayaM yAnti punarEva yugakSayE||18|| |
tasya lOkapradhAnasya jagannAthasya bhUpatE| viSNOrnAmasahasraM mE zRNu pApabhayApaham||19|| |
yAni nAmAni gauNAni vikhyAtAni mahAtmanaH| RSibhiH parigItAni tAni vakSyAmi bhUtayE||20|| |
RSirnAmnAM sahasrasya vEdavyAsO mahAmuniH| chandO'nuSTup tathA dEvO bhagavAn dEvakIsutaH||21|| |
amRtAMzUdbhavO bIjaM zaktirdEvakinandanaH| trisAmA hRdayaM tasya zAntyarthE viniyujyatE||22|| |
viSNuM jiSNuM mahAviSNuM prabhaviSNuM mahEzvaram| anEkarUpadaityAntaM namAmi puruSOttamam||23|| |
pUrvanyAsaH asya zrIviSNOrdivyasahasranAmastOtramahAmantrasya| zrI vEdavyAsO bhagavAn RSiH| anuSTup chandaH| zrImahAviSNuH paramAtmA zrImannArAyaNO dEvatA| amRtAMzUdbhavO bhAnuriti bIjam| dEvakInandanaH sraSTEti zaktiH| udbhavaH kSObhaNO dEva iti paramO mantraH| zaGkhabhRnnandakI cakrIti kIlakam| zArGgadhanvA gadAdhara ityastram| rathAGgapANirakSObhya iti nEtram| trisAmA sAmagaH sAmEti kavacam| AnandaM parabrahmEti yOniH| RtuH sudarzanaH kAla iti digbandhaH| zrIvizvarUpa iti dhyAnam| zrImahAviSNuprItyarthE sahasranAmajapE viniyOgaH|| |
dhyAnam
kSIrOdanvatpradEzE zucimaNivilasatsaikatErmauktikAnAm mAlAklRptAsanasthaH sphaTikamaNinibhairmauktikairmaNDitAGgaH| zubhrairabhrairadabhrairupariviracitairmuktapIyUSavarSaiH AnandI naH punIyAdarinalinagadAzaGkhapANirmukundaH||1|| |
bhUH pAdau yasya nAbhirviyadasuranilazcandrasUryau ca nEtrE karNAvAzAH zirO dyaurmukhamapi dahanO yasya vAstEyamabdhiH| antaHsthaM yasya vizvaM suranarakhagagObhOgigandharvadaityaiH citraM raMramyatE taM tribhuvanavapuSaM viSNumIzaM namAmi||2|| |
OM namO bhagavatE vAsudEvAya
zAntAkAraM bhujagazayanaM padmanAbhaM surEzam vizvAdhAraM gaganasadRzaM mEghavarNaM zubhAGgam| lakSmIkAntaM kamalanayanaM yOgihRddhyAnagamyam vandE viSNuM bhavabhayaharaM sarvalOkaikanAtham||3|| |
mEghazyAmaM pItakauzEyavAsam zrIvatsAGkaM kaustubhOdbhAsitAGgam| puNyOpEtaM puNDarIkAyatAkSam viSNuM vandE sarvalOkaikanAtham||4|| |
namaH samastabhUtAnAmAdibhUtAya bhUbhRtE| anEkarUparUpAya viSNavE prabhaviSNavE||5|| |
sazaGkhacakraM sakirITakuNDalam sapItavastraM sarasIruhEkSaNam| sahAravakSaHsthalazObhikaustubham namAmi viSNuM zirasA caturbhujam||6|| |
chAyAyAM pArijAtasya hEmasiMhAsanOpari AsInamambudazyAmamAyatAkSamalaGkRtam| candrAnanaM caturbAhuM zrIvatsAGkitavakSasam rukmiNIsatyabhAmAbhyAM sahitaM kRSNamAzrayE||7|| |
||hariH OM||
||vizvasmai namaH||
vizvaM viSNurvaSaTkArO bhUtabhavyabhavatprabhuH| bhUtakRdbhUtabhRdbhAvO bhUtAtmA bhUtabhAvanaH||1|| |
pUtAtmA paramAtmA ca muktAnAM paramA gatiH| avyayaH puruSaH sAkSI kSEtrajJO'kSara Eva ca||2|| |
yOgO yOgavidAM nEtA pradhAnapuruSEzvaraH| nArasiMhavapuH zrImAn kEzavaH puruSOttamaH||3|| |
sarvaH zarvaH zivaH sthANurbhUtAdirnidhiravyayaH| sambhavO bhAvanO bhartA prabhavaH prabhurIzvaraH||4|| |
svayambhUH zambhurAdityaH puSkarAkSO mahAsvanaH| anAdinidhanO dhAtA vidhAtA dhAturuttamaH||5|| |
apramEyO hRSIkEzaH padmanAbhO'maraprabhuH| vizvakarmA manustvaSTA sthaviSThaH sthavirO dhruvaH||6|| |
agrAhyaH zAzvataH kRSNO lOhitAkSaH pratardanaH| prabhUtastrikakubdhAma pavitraM maGgalaM param||7|| |
IzAnaH prANadaH prANO jyESThaH zrESThaH prajApatiH| hiraNyagarbhO bhUgarbhO mAdhavO madhusUdanaH||8|| |
IzvarO vikramI dhanvI mEdhAvI vikramaH kramaH| anuttamO durAdharSaH kRtajJaH kRtirAtmavAn||9|| |
surEzaH zaraNaM zarma vizvarEtA prajAbhavaH| ahaH saMvatsarO vyAlaH pratyayaH sarvadarzanaH||10|| |
ajaH sarvEzvaraH siddhaH siddhiH sarvAdiracyutaH| vRSAkapiramEyAtmA sarvayOgaviniHsRtaH||11|| |
vasurvasumanAH satyaH samAtmA'sammitaH samaH| amOghaH puNDarIkAkSO vRSakarmA vRSAkRtiH||12|| |
rudrO bahuzirA babhrurvizvayOniH zucizravAH| amRtaH zAzvataH sthANurvarArOhO mahAtapAH||13|| |
sarvagaH sarvavidbhAnurviSvaksEnO janArdanaH| vEdO vEdavidavyaGgO vEdAGgO vEdavit kaviH||14|| |
lOkAdhyakSaH surAdhyakSO dharmAdhyakSaH kRtAkRtaH| caturAtmA caturvyUhazcaturdaMSTrazcaturbhujaH||15|| |
bhrAjiSNurbhOjanaM bhOktA sahiSNurjagadAdijaH| anaghO vijayO jEtA vizvayOniH punarvasuH||16|| |
upEndrO vAmanaH prAMzuramOghaH zucirUrjitaH| atIndraH saGgrahaH sargO dhRtAtmA niyamO yamaH||17|| |
vEdyO vaidyaH sadAyOgI vIrahA mAdhavO madhuH| atIndriyO mahAmAyO mahOtsAhO mahAbalaH||18|| |
mahAbuddhirmahAvIryO mahAzaktirmahAdyutiH| anirdEzyavapuH zrImAnamEyAtmA mahAdridhRk||19|| |
mahESvAsO mahIbhartA zrInivAsaH satAM gatiH| aniruddhaH surAnandO gOvindO gOvidAM patiH||20|| |
marIcirdamanO haMsaH suparNO bhujagOttamaH| hiraNyanAbhaH sutapA padmanAbhaH prajApatiH||21|| |
amRtyuH sarvadRk siMhaH sandhAtA sandhimAn sthiraH| ajO durmarSaNaH zAstA vizrutAtmA surArihA||22|| |
gururgurutamO dhAma satyaH satyaparAkramaH| nimiSO'nimiSaH sragvI vAcaspatirudAradhIH||23|| |
agraNIrgrAmaNIH zrImAn nyAyO nEtA samIraNaH| sahasramUrdhA vizvAtmA sahasrAkSaH sahasrapAt||24|| |
AvartanO nivRttAtmA saMvRtaH sampramardanaH| ahaH saMvartakO vahniranilO dharaNIdharaH||25|| |
suprasAdaH prasannAtmA vizvadhRgvizvabhugvibhuH| satkartA satkRtaH sAdhurjahnurnArAyaNO naraH||26|| |
asaGkhyEyO'pramEyAtmA viziSTaH ziSTakRcchuciH| siddhArthaH siddhasaGkalpaH siddhidaH siddhisAdhanaH||27|| |
vRSAhI vRSabhO viSNurvRSaparvA vRSOdaraH| vardhanO vardhamAnazca viviktaH zrutisAgaraH||28|| |
subhujO durdharO vAgmI mahEndrO vasudO vasuH| naikarUpO bRhadrUpaH zipiviSTaH prakAzanaH||29|| |
OjastEjOdyutidharaH prakAzAtmA pratApanaH| RddhaH spaSTAkSarO mantrazcandrAMzurbhAskaradyutiH||30|| |
amRtAMzUdbhavO bhAnuH zazabinduH surEzvaraH| auSadhaM jagataH sEtuH satyadharmaparAkramaH||31|| |
bhUtabhavyabhavannAthaH pavanaH pAvanO'nalaH| kAmahA kAmakRtkAntaH kAmaH kAmapradaH prabhuH||32|| |
yugAdikRdyugAvartO naikamAyO mahAzanaH| adRzyO vyaktarUpazca sahasrajidanantajit||33|| |
iSTO'viziSTaH ziSTESTaH zikhaNDI nahuSO vRSaH| krOdhahA krOdhakRtkartA vizvabAhurmahIdharaH||34|| |
acyutaH prathitaH prANaH prANadO vAsavAnujaH| apAnnidhiradhiSThAnamapramattaH pratiSThitaH||35|| |
skandaH skandadharO dhuryO varadO vAyuvAhanaH| vAsudEvO bRhadbhAnurAdidEvaH purandaraH||36|| |
azOkastAraNastAraH zUraH zaurirjanEzvaraH| anukUlaH zatAvartaH padmI padmanibhEkSaNaH||37|| |
padmanAbhO'ravindAkSaH padmagarbhaH zarIrabhRt| maharddhirRddhO vRddhAtmA mahAkSO garuDadhvajaH||38|| |
atulaH zarabhO bhImaH samayajJO havirhariH| sarvalakSaNalakSaNyO lakSmIvAn samitiJjayaH||39|| |
vikSarO rOhitO mArgO hEturdAmOdaraH sahaH| mahIdharO mahAbhAgO vEgavAnamitAzanaH||40|| |
udbhavaH kSObhaNO dEvaH zrIgarbhaH paramEzvaraH| karaNaM kAraNaM kartA vikartA gahanO guhaH||41|| |
vyavasAyO vyavasthAnaH saMsthAnaH sthAnadO dhruvaH| pararddhiH paramaspaSTastuSTaH puSTaH zubhEkSaNaH||42|| |
rAmO virAmO viratO mArgO nEyO nayO'nayaH| vIraH zaktimatAM zrESThO dharmO dharmaviduttamaH||43|| |
vaikuNThaH puruSaH prANaH prANadaH praNavaH pRthuH| hiraNyagarbhaH zatrughnO vyAptO vAyuradhOkSajaH||44|| |
RtuH sudarzanaH kAlaH paramESThI parigrahaH| ugraH saMvatsarO dakSO vizrAmO vizvadakSiNaH||45|| |
vistAraH sthAvaraH sthANuH pramANaM bIjamavyayam| arthO'narthO mahAkOzO mahAbhOgO mahAdhanaH||46|| |
anirviNNaH sthaviSThO'bhUrdharmayUpO mahAmakhaH| nakSatranEmirnakSatrI kSamaH kSAmaH samIhanaH||47|| |
yajJa ijyO mahEjyazca kratuH satraM satAM gatiH| sarvadarzI vimuktAtmA sarvajJO jJAnamuttamam||48|| |
suvrataH sumukhaH sUkSmaH sughOSaH sukhadaH suhRt| manOharO jitakrOdhO vIrabAhurvidAraNaH||49|| |
svApanaH svavazO vyApI naikAtmA naikakarmakRt| vatsarO vatsalO vatsI ratnagarbhO dhanEzvaraH||50|| |
dharmagubdharmakRddharmI sadasatkSaramakSaram| avijJAtA sahasrAMzurvidhAtA kRtalakSaNaH||51|| |
gabhastinEmiH sattvasthaH siMhO bhUtamahEzvaraH| AdidEvO mahAdEvO dEvEzO dEvabhRdguruH||52|| |
uttarO gOpatirgOptA jJAnagamyaH purAtanaH| zarIrabhUtabhRdbhOktA kapIndrO bhUridakSiNaH||53|| |
sOmapO'mRtapaH sOmaH purujit purusattamaH| vinayO jayaH satyasandhO dAzArhaH sAttvatAM patiH||54|| |
jIvO vinayitAsAkSI mukundO'mitavikramaH| ambhOnidhiranantAtmA mahOdadhizayO'ntakaH||55|| |
ajO mahArhaH svAbhAvyO jitAmitraH pramOdanaH| AnandO nandanO nandaH satyadharmA trivikramaH||56|| |
maharSiH kapilAcAryaH kRtajJO mEdinIpatiH| tripadastridazAdhyakSO mahAzRGgaH kRtAntakRt||57|| |
mahAvarAhO gOvindaH suSENaH kanakAGgadI| guhyO gabhIrO gahanO guptazcakragadAdharaH||58|| |
vEdhAH svAGgO'jitaH kRSNO dRDhaH saGkarSaNO'cyutaH| varuNO vAruNO vRkSaH puSkarAkSO mahAmanAH||59|| |
bhagavAn bhagahA''nandI vanamAlI halAyudhaH| AdityO jyOtirAdityaH sahiSNurgatisattamaH||60|| |
sudhanvA khaNDaparazurdAruNO draviNapradaH| divaHspRk sarvadRgvyAsO vAcaspatirayOnijaH||61|| |
trisAmA sAmagaH sAma nirvANaM bhESajaM bhiSak| sannyAsakRcchamaH zAntO niSThA zAntiH parAyaNam||62|| |
zubhAGgaH zAntidaH sraSTA kumudaH kuvalEzayaH| gOhitO gOpatirgOptA vRSabhAkSO vRSapriyaH||63|| |
anivartI nivRttAtmA saGkSEptA kSEmakRcchivaH| zrIvatsavakSAH zrIvAsaH zrIpatiH zrImatAM varaH||64|| |
zrIdaH zrIzaH zrInivAsaH zrInidhiH zrIvibhAvanaH| zrIdharaH zrIkaraH zrEyaH zrImA^llOkatrayAzrayaH||65|| |
svakSaH svaGgaH zatAnandO nandirjyOtirgaNEzvaraH| vijitAtmA'vidhEyAtmA satkIrtizchinnasaMzayaH||66|| |
udIrNaH sarvatazcakSuranIzaH zAzvataH sthiraH| bhUzayO bhUSaNO bhUtirvizOkaH zOkanAzanaH||67|| |
arciSmAnarcitaH kumbhO vizuddhAtmA vizOdhanaH| aniruddhO'pratirathaH pradyumnO'mitavikramaH||68|| |
kAlanEminihA vIraH zauriH zUrajanEzvaraH| trilOkAtmA trilOkEzaH kEzavaH kEzihA hariH||69|| |
kAmadEvaH kAmapAlaH kAmI kAntaH kRtAgamaH| anirdEzyavapurviSNurvIrO'nantO dhanaJjayaH||70|| |
brahmaNyO brahmakRd-brahmA brahma brahmavivardhanaH| brahmavid-brAhmaNO brahmI brahmajJO brAhmaNapriyaH||71|| |
mahAkramO mahAkarmA mahAtEjA mahOragaH| mahAkraturmahAyajvA mahAyajJO mahAhaviH||72|| |
stavyaH stavapriyaH stOtraM stutiH stOtA raNapriyaH| pUrNaH pUrayitA puNyaH puNyakIrtiranAmayaH||73|| |
manOjavastIrthakarO vasurEtA vasupradaH| vasupradO vAsudEvO vasurvasumanA haviH||74|| |
sadgatiH satkRtiH sattA sadbhUtiH satparAyaNaH| zUrasEnO yaduzrESThaH sannivAsaH suyAmunaH||75|| |
bhUtAvAsO vAsudEvaH sarvAsunilayO'nalaH| darpahA darpadO dRptO durdharO'thAparAjitaH||76|| |
vizvamUrtirmahAmUrtirdIptamUrtiramUrtimAn| anEkamUrtiravyaktaH zatamUrtiH zatAnanaH||77|| |
EkO naikaH savaH kaH kiM yat tatpadamanuttamam| lOkabandhurlOkanAthO mAdhavO bhaktavatsalaH||78|| |
suvarNavarNO hEmAGgO varAGgazcandanAGgadI| vIrahA viSamaH zUnyO ghRtAzIracalazcalaH||79|| |
amAnI mAnadO mAnyO lOkasvAmI trilOkadhRk| sumEdhA mEdhajO dhanyaH satyamEdhA dharAdharaH||80|| |
tEjOvRSO dyutidharaH sarvazastrabhRtAM varaH| pragrahO nigrahO vyagrO naikazRGgO gadAgrajaH||81|| |
caturmUrtizcaturbAhuzcaturvyUhazcaturgatiH| caturAtmA caturbhAvazcaturvEdavidEkapAt||82|| |
samAvartO'nivRttAtmA durjayO duratikramaH| durlabhO durgamO durgO durAvAsO durArihA||83|| |
zubhAGgO lOkasAraGgaH sutantustantuvardhanaH| indrakarmA mahAkarmA kRtakarmA kRtAgamaH||84|| |
udbhavaH sundaraH sundO ratnanAbhaH sulOcanaH| arkO vAjasanaH zRGgI jayantaH sarvavijjayI||85|| |
suvarNabindurakSObhyaH sarvavAgIzvarEzvaraH| mahAhradO mahAgartO mahAbhUtO mahAnidhiH||86|| |
kumudaH kundaraH kundaH parjanyaH pAvanO'nilaH| amRtAzO'mRtavapuH sarvajJaH sarvatOmukhaH||87|| |
sulabhaH suvrataH siddhaH zatrujicchatrutApanaH| nyagrOdhO'dumbarO'zvatthazcANUrAndhraniSUdanaH||88|| |
sahasrArciH saptajihvaH saptaidhAH saptavAhanaH| amUrtiranaghO'cintyO bhayakRdbhayanAzanaH||89|| |
aNurbRhat kRzaH sthUlO guNabhRnnirguNO mahAn| adhRtaH svadhRtaH svAsyaH prAgvaMzO vaMzavardhanaH||90|| |
bhArabhRt kathitO yOgI yOgIzaH sarvakAmadaH| AzramaH zramaNaH kSAmaH suparNO vAyuvAhanaH||91|| |
dhanurdharO dhanurvEdO daNDO damayitA damaH| aparAjitaH sarvasahO niyantA'niyamO'yamaH||92|| |
sattvavAn sAttvikaH satyaH satyadharmaparAyaNaH| abhiprAyaH priyArhO'rhaH priyakRt prItivardhanaH||93|| |
vihAyasagatirjyOtiH surucirhutabhugvibhuH| ravirvirOcanaH sUryaH savitA ravilOcanaH||94|| |
anantO hutabhugbhOktA sukhadO naikajO'grajaH| anirviNNaH sadAmarSI lOkAdhiSThAnamadbhutaH||95|| |
sanAt sanAtanatamaH kapilaH kapiravyayaH| svastidaH svastikRt svasti svastibhuk svastidakSiNaH||96|| |
araudraH kuNDalI cakrI vikramyUrjitazAsanaH| zabdAtigaH zabdasahaH ziziraH zarvarIkaraH||97|| |
akrUraH pEzalO dakSO dakSiNaH kSamiNAM varaH| vidvattamO vItabhayaH puNyazravaNakIrtanaH||98|| |
uttAraNO duSkRtihA puNyO duHsvapnanAzanaH| vIrahA rakSaNaH santO jIvanaH paryavasthitaH||99|| |
anantarUpO'nantazrIrjitamanyurbhayApahaH| caturazrO gabhIrAtmA vidizO vyAdizO dizaH||100|| |
anAdirbhUrbhuvO lakSmIH suvIrO rucirAGgadaH| jananO janajanmAdirbhImO bhImaparAkramaH||101|| |
AdhAranilayO'dhAtA puSpahAsaH prajAgaraH| UrdhvagaH satpathAcAraH prANadaH praNavaH paNaH||102|| |
pramANaM prANanilayaH prANabhRt prANajIvanaH| tattvaM tattvavidEkAtmA janmamRtyujarAtigaH||103|| |
bhUrbhuvaHsvastarustAraH savitA prapitAmahaH| yajJO yajJapatiryajvA yajJAGgO yajJavAhanaH||104|| |
yajJabhRd-yajJakRd-yajJI yajJabhug-yajJasAdhanaH| yajJAntakRd-yajJaguhyamannamannAda Eva ca||105|| |
AtmayOniH svayaJjAtO vaikhAnaH sAmagAyanaH| dEvakInandanaH sraSTA kSitIzaH pApanAzanaH||106|| |
zaGkhabhRnnandakI cakrI zArGgadhanvA gadAdharaH| rathAGgapANirakSObhyaH sarvapraharaNAyudhaH||107|| |
sarvapraharaNAyudha OM nama iti|
vanamAlI gadI zArGgI zaGkhI cakrI ca nandakI| zrImAn nArAyaNO viSNurvAsudEvO'bhirakSatu||108|| |
zrI vAsudEvO'bhirakSatu OM nama iti|
phalazruti zlOkAH
itIdaM kIrtanIyasya kEzavasya mahAtmanaH| nAmnAM sahasraM divyAnAmazESENa prakIrtitam||1|| |
ya idaM zRNuyAnnityaM yazcApi parikIrtayEt| nAzubhaM prApnuyAt kiJcit sO'mutrEha ca mAnavaH||2|| |
vEdAntagO brAhmaNaH syAt kSatriyO vijayI bhavEt| vaizyO dhanasamRddhaH syAcchUdraH sukhamavApnuyAt||3|| |
dharmArthI prApnuyAddharmamarthArthI cArthamApnuyAt| kAmAnavApnuyAt kAmI prajArthI ca''pnuyAtprajAm||4|| |
bhaktimAn yaH sadOtthAya zucistadgatamAnasaH| sahasraM vAsudEvasya nAmnAmEtat prakIrtayEt||5|| |
yazaH prApnOti vipulaM yAti prAdhAnyamEva ca| acalAM zriyamApnOti zrEyaH prApnOtyanuttamam||6|| |
na bhayaM kvacidApnOti vIryaM tEjazca vindati| bhavatyarOgO dyutimAn balarUpaguNAnvitaH||7|| |
rOgArtO mucyatE rOgAdbaddhO mucyEta bandhanAt| bhayAnmucyEta bhItastu mucyEta''panna ApadaH||8|| |
durgANyatitaratyAzu puruSaH puruSOttamam| stuvannAmasahasrENa nityaM bhaktisamanvitaH||9|| |
vAsudEvAzrayO martyO vAsudEvaparAyaNaH| sarvapApavizuddhAtmA yAti brahma sanAtanam||10|| |
na vAsudEvabhaktAnAmazubhaM vidyatE kvacit| janmamRtyujarAvyAdhibhayaM naivOpajAyatE||11|| |
imaM stavamadhIyAnaH zraddhAbhaktisamanvitaH| yujyEta''tmasukhakSAntizrIdhRtismRtikIrtibhiH||12|| |
na krOdhO na ca mAtsaryaM na lObhO nAzubhA matiH| bhavanti kRtapuNyAnAM bhaktAnAM puruSOttamE||13|| |
dyauH sacandrArkanakSatrA khaM dizO bhUrmahOdadhiH| vAsudEvasya vIryENa vidhRtAni mahAtmanaH||14|| |
sasurAsuragandharvaM sayakSOragarAkSasam| jagadvazE vartatEdaM kRSNasya sacarAcaram||15|| |
indriyANi manO buddhiH sattvaM tEjO balaM dhRtiH| vAsudEvAtmakAnyAhuH kSEtraM kSEtrajJa Eva ca||16|| |
sarvAgamAnAmAcAraH prathamaM parikalpatE| AcAraprabhavO dharmO dharmasya prabhuracyutaH||17|| |
RSayaH pitarO dEvA mahAbhUtAni dhAtavaH| jaGgamAjaGgamaM cEdaM jagannArAyaNOdbhavam||18|| |
yOgO jJAnaM tathA sAGkhyaM vidyAH zilpAdi karma ca| vEdAH zAstrANi vijJAnamEtatsarvaM janArdanAt||19|| |
EkO viSNurmahadbhUtaM pRthagbhUtAnyanEkazaH| trI^llOkAn vyApya bhUtAtmA bhuGktE vizvabhugavyayaH||20|| |
imaM stavaM bhagavatO viSNOrvyAsEna kIrtitam| paThEdya icchEt puruSaH zrEyaH prAptuM sukhAni ca||21|| |
vizvEzvaramajaM dEvaM jagataH prabhumavyayam| bhajanti yE puSkarAkSaM na tE yAnti parAbhavam||22|| |
na tE yAnti parAbhavam OM nama iti|
arjuna uvAca
padmapatravizAlAkSa padmanAbha surOttama| bhaktAnAmanuraktAnAM trAtA bhava janArdana||23|| |
zrIbhagavAnuvAca
yO mAM nAmasahasrENa stOtumicchati pANDava| sO'hamEkEna zlOkEna stuta Eva na saMzayaH||24|| |
stuta Eva na saMzaya OM nama iti|
vyAsa uvAca
vAsanAdvAsudEvasya vAsitaM bhuvanatrayam| sarvabhUtanivAsO'si vAsudEva namO'stu tE||25|| |
zrI vAsudEva namO'stuta OM nama iti|
pArvatyuvAca
kEnOpAyEna laghunA viSNOrnAmasahasrakam| paThyatE paNDitairnityaM zrOtumicchAmyahaM prabhO||26|| |
zrI Izvara uvAca
zrIrAma rAma rAmEti ramE rAmE manOramE| sahasranAma tattulyaM rAma nAma varAnanE||27|| |
zrIrAmanAma varAnana OM nama iti|
brahmOvAca
namO'stvanantAya sahasramUrtayE sahasrapAdAkSizirOrubAhavE| sahasranAmnE puruSAya zAzvatE sahasrakOTiyugadhAriNE namaH||28|| |
sahasrakOTiyugadhAriNE nama OM nama iti|
saJjaya uvAca
yatra yOgEzvaraH kRSNO yatra pArthO dhanurdharaH| tatra zrIrvijayO bhUtirdhruvA nItirmatirmama||29|| |
zrIbhagavAnuvAca
ananyAzcintayantO mAM yE janAH paryupAsatE| tESAM nityAbhiyuktAnAM yOgakSEmaM vahAmyaham||30|| |
paritrANAya sAdhUnAM vinAzAya ca duSkRtAm| dharmasaMsthApanArthAya sambhavAmi yugE yugE||31|| |
ArtA viSaNNAH zithilAzca bhItAH ghOrESu ca vyAdhiSu vartamAnAH| saGkIrtya nArAyaNazabdamAtram vimuktaduHkhAH sukhinO bhavantu||32|| |
kAyEna vAcA manasEndriyairvA buddhyA''tmanA vA prakRtEH svabhAvAt| karOmi yadyat sakalaM parasmai nArAyaNAyEti samarpayAmi|| |
||OM tatsaditi zrImanmahAbhAratE zatasAhasryAM saMhitAyAM vaiyAsikyAm AnuzAsanikaparvaNi zrI bhISmayudhiSThirasaMvAdE zrIviSNOrdivyasahasranAmastOtraM sampUrNam||
