From StotraSamhita
gakArAdi zrI gaNapati sahasranAma stOtram
asya zrIgaNapatigakArAdisahasranAmamAlAmantrasya | durvAsA RSiH | anuSTup chandaH | zrI gaNapatirdEvatA | gaM bIjam | svAhA zaktiH | glauM kIlakam | mama sakalAbhISTasiddhyarthE japE viniyOgaH ||
||karanyAsaH||
OM aGguSThAbhyAM namaH | zrIM tarjanIbhyAM namaH | hrIM madhyamAbhyAM namaH | krIM anAmikAbhyAM namaH | glauM kaniSThikAbhyAM namaH | gaM karatalakarapRSThAbhyAM namaH | EvaM hRdayAdinyAsaH | athavA SaDdIrGabhAjAgamitibIjEna karAGganyAsaH ||
||dhyAnam||
OMkAra sannibhamibhAnanamindubhAlam muktAgrabindumamaladyutimEkadantam| lambOdaraM kalacaturbhujamAdidEvaM dhyAyEnmahAgaNapatiM matisiddhikAntam|| |
||stOtram||
OM gaNEzvarO gaNAdhyakSO gaNArAdhyO gaNapriyaH| gaNanAthO gaNasvAmI gaNEzO gaNanAyakaH||1|| |
gaNamUrtirgaNapatirgaNatrAtA gaNaJjayaH| gaNapO'tha gaNakrIDO gaNadEvO gaNAdhipaH||2|| |
gaNajyESThO gaNazrESThO gaNaprESThO gaNAdhirAT| gaNarAD gaNagOptAth gaNAGgO gaNadaivatam||3|| |
gaNabandhurgaNasuhRd gaNAdhIzO gaNaprathaH| gaNapriyasakhaH zazvad gaNapriyasuhRt tathA||4|| |
gaNapriyaratO nityaM gaNaprItivivardhanaH| gaNamaNDalamadhyasthO gaNakEliparAyaNaH||5|| |
gaNAgraNIrgaNEzAnO gaNagItO gaNOcchrayaH| gaNyO gaNahitO garjadgaNasEnO gaNOddhataH||6|| |
gaNabhItipramathanO gaNabhItyapahArakaH| gaNanArhO gaNaprauDhO gaNabhartA gaNaprabhuH||7|| |
gaNasEnO gaNacarO gaNaprajJO gaNaikarAT| gaNAgryO gaNanAmA ca gaNapAlanatatparaH||8|| |
gaNajidgaNagarbhasthO gaNapravaNamAnasaH| gaNagarvaparIhartA gaNO gaNanamaskRtaH||9|| |
gaNArcitAGghriyugaLO gaNarakSaNakRt sadA| gaNadhyAtO gaNagururgaNapraNayatatparaH||10|| |
gaNAgaNaparitrAtA gaNAdhiharaNOddhuraH| gaNasEturgaNanutO gaNakEturgaNAgragaH||11|| |
gaNahEturgaNagrAhI gaNAnugrahakArakaH| gaNAgaNAnugrahabhUrgaNAgaNavarapradaH||12|| |
gaNastutO gaNaprANO gaNasarvasvadAyakaH| gaNavallabhamUrtizca gaNabhUtirgaNESTadaH||13|| |
gaNasaukhyapradAtA ca gaNaduHkhapraNAzanaH| gaNaprathitanAmA ca gaNAbhISTakaraH sadA||14|| |
gaNamAnyO gaNakhyAtO gaNavItO gaNOtkaTaH| gaNapAlO gaNavarO gaNagauravadAyakaH||15|| |
gaNagarjitasantuSTO gaNasvacchandagaH sadA| gaNarAjO gaNazrIdO gaNAbhayakaraH kSaNAt||16|| |
gaNamUrdhAbhiSiktazca gaNasainyapurassaraH| guNAtItO guNamayO guNatrayavibhAgakRt||17|| |
guNI guNAkRtidharO guNazAlI guNapriyaH| guNapUrNO guNAmbhOdhirguNabhAg guNadUragaH||18|| |
guNAguNavapurgauNazarIrO guNamaNDitaH| guNastraSTA guNEzAnO guNEzO'tha guNEzvaraH||19|| |
guNasRSTajagatsaGghO guNasaGghO guNaikarAT| guNapravRSTO guNabhUrguNIkRtacarAcaraH||20|| |
guNapravaNasantuSTO guNahInaparAGmukhaH| guNaikabhUrguNazrESThO guNajyESThO guNaprabhuH||21|| |
guNajJO guNasampUjyO guNaikasadanaM sadA| guNapraNayavAn gauNaprakRtirguNabhAjanam||22|| |
guNipraNatapAdAbjO guNigItO guNOjjvalaH| guNavAn guNasampannO guNAnanditamAnasaH||23|| |
guNasaJcAracaturO guNasaJcayasundaraH| guNagaurO guNAdhArO guNasaMvRtacEtanaH||24|| |
guNakRdguNabhRnnityaM guNAgryO guNapAradRk| guNapracArI guNayug guNAguNavivEkakRt||25|| |
guNAkarO guNakarO guNapravaNavardhanaH| guNagUDhacarO gauNasarvasaMsAracESTitaH||26|| |
guNadakSiNasauhArdO guNalakSaNatattvavit| guNahArI guNakalO guNasaGghasakhaH sadA||27|| |
guNasaMskRtasaMsArO guNatattvavivEcakaH| guNagarvadharO gauNasukhaduHkhOdayO guNaH||28|| |
guNAdhIzO guNalayO guNavIkSaNalAlasaH| guNagauravadAtA ca guNadAtA guNapradaH||29|| |
guNakRdguNasambandhO guNabhRdguNabandhanaH| guNahRdyO guNasthAyI guNadAyI guNOtkaTaH||30|| |
guNacakradharO gauNAvatArO guNabAndhavaH| guNabandhurguNaprajJO guNaprAjJO guNAlayaH||31|| |
guNadhAtA guNaprANO guNagOpO guNAzrayaH| guNayAyI guNAdhAyI guNapO guNapAlakaH||32|| |
guNAhRtatanurgauNO gIrvANO guNagauravaH| guNavatpUjitapadO guNavatprItidAyakaH||33|| |
guNavadgItakIrtiSca guNavadbaddhasauhRdaH| guNavadvaradO nityaM guNavatpratipAlakaH||34|| |
guNavadguNasantuSTO guNavadracitastavaH| guNavadrakSaNaparO guNavatpraNayapriyaH||35|| |
guNavaccakrasaJcArO guNavatkIrtivardhanaH| guNavadguNacittasthO guNavadguNarakSakaH||36|| |
guNavatpOSaNakarO gunavacchatrusUdanaH| guNavatsiddhidAtA ca guNavadgauravapradaH||37|| |
guNavatpravaNasvAntO guNavadguNabhUSaNaH| guNavatkulavidvESivinASakaraNakSamaH||38|| |
guNistutaguNO garjapralayAmbudaniHsvanaH| gajO gajapatirgarjadgajayuddhaviSAradaH||39|| |
gajAsyO gajakarNO'tha gajarAjO gajAnanaH| gajarUpadharO garjadgajayUthOddhuradhvaniH||40|| |
gajAdhISO gajAdhArO gajAsurajayOddhuraH| gajadantO gajavarO gajakumbhO gajadhvaniH||41|| |
gajamAyO gajamayO gajazrIrgajagarjitaH| gajAmayaharO nityaM gajapuSTipradAyakaH||42|| |
gajOtpattirgajatrAtA gajahEturgajAdhipaH| gajamukhyO gajakulapravarO gajadaityahA||43|| |
gajakEturgajAdhyakSO gajasEturgajAkRtiH| gajavandyO gajaprANO gajasEvyO gajaprabhuH||44|| |
gajamattO gajEzAnO gajEzO gajapuGgavaH| gajadantadharO guJjanmadhupO gajavESabhRt||45|| |
gajacchannO gajAgrasthO gajayAyI gajAjayaH| gajarADgajayUthasthO gajagaJjakabhaJjakaH||46|| |
garjitOjJitadaityAsurgarjitatrAtaviSTapaH| gAnajJO gAnakuzalO gAnatattvavivEcakaH||47|| |
gAnazlAghI gAnarasO gAnajJAnaparAyaNaH| gAnAgamajJO gAnAGgO gAnapravaNacEtanaH||48|| |
gAnakRdgAnacaturO gAnavidyAvizAradaH| gAnadhyEyO gAnagamyO gAnadhyAnaparAyaNaH||49|| |
gAnabhUrgAnazIlazca gAnazAlI gatazramaH| gAnavijJAnasampannO gAnazravaNalAlasaH||50|| |
gAnayattO gAnamayO gAnapraNayavAn sadA| gAnadhyAtA gAnabuddhirgAnOtsukamanAH punaH||51|| |
gAnOtsukO gAnabhUmirgAnasImA guNOjjvalaH| gAnaGgajJAnavAn gAnamAnavAn gAnapEzalaH||52|| |
gAnavatpraNayO gAnasamudrO gAnabhUSaNaH| gAnasindhurgAnaparO gAnaprANO gaNAzrayaH||53|| |
gAnaikabhUrgAnahRSTO gAnacakSurgANaikadRk| gAnamattO gAnarucirgAnavidgAnavitpriyaH||54|| |
gAnAntarAtmA gAnADhyO gAnabhrAjatsabhaH sadA| gAnamayO gAnadharO gAnavidyAvizOdhakaH||55|| |
gAnAhitaghrO gAnEndrO gAnalInO gatipriyaH| gAnAdhIzO gAnalayO gAnAdhArO gatIzvaraH||56|| |
gAnavanmAnadO gAnabhUtirgAnaikabhUtimAn| gAnatAnatatO gAnatAnadAnavimOhitaH||57|| |
gururgurudarazrONirgurutattvArthadarzanaH| gurustutO guruguNO gurumAyO gurupriyaH||58|| |
gurukIrtirgurubhujO guruvakSA guruprabhaH| gurulakSaNasampannO gurudrOhaparAGmukhaH||59|| |
guruvidyO guruprANO gurubAhubalOcchrayaH| gurudaityaprANaharO gurudaityApahArakaH||60|| |
gurugarvaharO guhyapravarO gurudarpahA| gurugauravadAyI ca gurubhItyapahArakaH||61|| |
guruzuNDO guruskandhO gurujaGghO guruprathaH| gurubhAlO gurugalO guruzrIrgurugarvanut ||62|| |
gurUrugurupInAMsO gurupraNayalAlasaH| gurumukhyO gurukulasthAyI guruguNaH sadA||63|| |
gurusaMzayabhEttA ca gurumAnapradAyakaH| gurudharmasadArAdhyO gurudharmanikEtanaH||64|| |
gurudaityakulacchEttA gurusainyO gurudyutiH|
gurudharmAgragaNyO'tha gurudharmadhurandharaH| gariSThO gurusantApazamanO gurupUjitaH||65|| |
gurudharmadharO gauradharmAdhArO gadApahaH| guruzAstravicArajJO guruzAstrakRtOdyamaH||66|| |
guruzAstrArthanilayO guruzAstrAlayaH sadA| gurumantrO guruzESThO gurumantraphalapradaH||67|| |
gurustrIgamanOddAmaprAyazcittanivArakaH| gurusaMsArasukhadO gurusaMsAraduHkhabhit||68|| |
guruzlAghAparO gaurabhAnukhaNDAvataMsabhRt| guruprasannamUrtizca guruzApavimOcakaH||69|| |
gurukAntirgurumayO guruzAsanapAlakaH| gurutantrO guruprajJO gurubhO gurudaivatam||70|| |
guruvikramasaJcArO gurudRgguruvikramaH| gurukramO guruprESThO gurupAkhaNDakhaNDakaH||71|| |
gurugarjitasampUrNabrahmANDO gurugarjitaH| guruputrapriyasakhO guruputrabhayApahaH||72|| |
guruputraparitrAtA guruputravarapradaH| guruputrArtizamanO guruputrAdhinAzanaH||73|| |
guruputraprANadAtA gurubhaktiparAyaNaH| guruvijJAnavibhavO gaurabhAnuvarapradaH||74|| |
gaurabhAnustutO gaurabhAnutrAsApahArakaH| gaurabhAnupriyO gaurabhAnurgauravavardhanaH||75|| |
gaurabhAnuparitrAtA gaurabhAnusakhaH sadA| gaurabhAnurprabhurgaurabhAnubhItipraNazanaH||76|| |
gaurItEjaHsamutpannO gaurIhRdayanandanaH| gaurIstanandhayO gaurImanOvAJchitasiddhikRt||77|| |
gaurO gauraguNO gauraprakAzO gaurabhairavaH| gaurIzanandanO gaurIpriyaputrO gadAdharaH||78|| |
gaurIvarapradO gaurIpraNayO gaurasacchaviH| gaurIgaNEzvarO gaurIpravaNO gaurabhAvanaH||79|| |
gaurAtmA gaurakIrtizca gaurabhAvO gariSThadRk| gautamO gautamInAthO gautamIprANavallabhaH||80|| |
gautamAbhISTavaradO gautamAbhayadAyakaH| gautamapraNayaprahvO gautamAzramaduHkhahA||81|| |
gautamItIrasaJcArI gautamItIrthanAyakaH| gautamApatparihArO gautamAdhivinAzanaH||82|| |
gOpatirgOdhanO gOpO gOpAlapriyadarzanaH| gOpAlO gOgaNAdhIzO gOkazmalanivartakaH||83|| |
gOsahasrO gOpavarO gOpagOpIsukhAvahaH| gOvardhanO gOpagOpO gOpO gOkulavardhanaH||84|| |
gOcarO gOcarAdhyakSO gOcaraprItivRddhikRt| gOmI gOkaSTasantrAtA gOsantApanivartakaH||85|| |
gOSThO gOSThAzrayO gOSThapatirgOdhanavardhanaH| gOSThapriyO gOSThamayO gOSThAmayanivartakaH||86|| |
gOlOkO gOlakO gObhRdgObhartA gOsukhAvahaH| gOdhuggOdhuggaNaprESThO gOdOgdhA gOmayapriyaH||87|| |
gOtraM gOtrapatirgOtraprabhurgOtrabhayApahaH| gOtravRddhikarO gOtrapriyO gOtrArtinAzanaH||88|| |
gOtrOddhAraparO gOtrapravarO gOtradaivatam| gOtravikhyAtanAmA ca gOtrI gOtraprapAlakaH||89|| |
gOtrasEturgOtrakEturgOtrahEturgataklamaH| gOtratrANakarO gOtrapatirgOtrEzapUjitaH||90|| |
gOtrabhidgOtrabhittrAtA gOtrabhidvaradAyakaH| gOtrabhitpUjitapadO gOtrabhicchatrusUdanaH||91|| |
gOtrabhitprItidO nityaM gOtrabhidgOtrapAlakaH| gOtrabhidgItacaritO gOtrabhidrAjyarakSakaH||92|| |
gOtrabhijjayadAyI ca gOtrabhitpraNayaH sadA| gOtrabhidbhayasambhEttA gOtrabhinmAnadAyakaH||93|| |
gOtrabhidgOpanaparO gOtrabhitsainyanAyakaH| gOtrAdhipapriyO gOtraputrIputrO giripriyaH||94|| |
granthajJO granthakRdgranthagranthibhidgranthavighnahA| granthAdirgranthasaJcArO granthazravaNalOlupaH||95|| |
granthAdInakriyO granthapriyO granthArthatattvavit| granthasaMzayasaJchEdI granthavaktA grahAgraNIH||96|| |
granthagItaguNO granthagItO granthAdipUjitaH| granthArambhastutO granthagrAhI granthArthapAradRk||97|| |
granthadRggranthavijJAnO granthasandarbhaSOdhakaH| granthakRtpUjitO granthakarO granthaparAyaNaH||98|| |
granthapArAyaNaparO granthasandEhabhaJjakaH| granthakRdvaradAtA ca granthakRdvanditaH sadA||99|| |
granthAnuraktO granthajJO granthAnugrahadAyakaH| granthAntarAtmA granthArthapaNDitO granthasauhRdaH||100|| |
granthapAraGgamO granthaguNavidgranthavigrahaH| granthasEturgranthahEturgranthakEturgrahAgragaH||101|| |
granthapUjyO granthagEyO granthagrathanalAlasaH| granthabhUmirgrahazrESThO grahakEturgrahAzrayaH||102|| |
granthakArO granthakAramAnyO granthaprasArakaH| granthazramajJO granthAGgO granthabhramanivArakaH||103|| |
granthapravaNasarvAGgO granthapraNayatatparaH| gItaM gItaguNO gItakIrtirgItavizAradaH||104|| |
gItasphItayazA gItapraNayO gItacaJcuraH| gItaprasannO gItAtmA gItalOlO gataspRhaH||105|| |
gItAzrayO gItamayO gItatattvArthakOvidaH| gItasaMzayasaJchEttA gItasaGgItazAzanaH||106|| |
gItArthajJO gItatattvO gItAtattvaM gatAzrayaH| gItAsArO'tha gItAkRdgItAkRdvighnanAzanaH||107|| |
gItAzaktO gItalInO gItAvigatasaJjvaraH| gItaikadRggItabhUtirgItaprItO gatAlasaH||108|| |
gItavAdyapaTurgItaprabhurgItArthatattvavit| gItAgItavivEkajJO gItApravaNacEtanaH||109|| |
gatabhIrgatavidvESO gatasaMsArabandhanaH| gatamAyO gatatrAsO gataduHkhO gatajvaraH||110|| |
gatAsuhRdgatajJAnO gataduSTAzayO gataH| gatArtirgatasaGkalpO gataduSTavicESTitaH||111|| |
gatAhaGkArasaJcArO gatadarpO gatAhitaH| gatavighnO gatabhayO gatAgatanivArakaH||112|| |
gatavyathO gatApAyO gatadOSO gatEH paraH| gatasarvavikArO'tha gatagaJjitakuJjaraH||113|| |
gatakampitabhUpRSThO gataruggatakalmaSaH| gatadainyO gatastainyO gatamAnO gatazramaH||114|| |
gatakrOdhO gataglAnirgatamlAnO gatabhramaH| gatAbhAvO gatabhavO gatatattvArthasaMzayaH||115|| |
gayAsurazirazchEttA gayAsuravarapradaH| gayAvAsO gayAnAthO gayAvAsinamaskRtaH||116|| |
gayAtIrthaphalAdhyakSO gayAyAtrAphalapradaH| gayAmayO gayAkSEtraM gayAkSEtranivAsakRt||117|| |
gayAvAsistutO gayAnmadhuvratalasatkaTaH| gAyakO gAyakavarO gAyakESTaphalapradaH||118|| |
gAyakapraNayI gAtA gAyakAbhayadAyakaH| gAyakapravaNasvAntO gAyakaH prathamaH sadA||119|| |
gAyakOdgItasamprItO gAyakOtkaTavighnahA| gAnagEyO gAnakEzO gAyakAntarasaJcaraH||120|| |
gAyakapriyadaH zazvadgAyakAdhInavigrahaH| gEyO gEyaguNO gEyacaritO gEyatattvavit||121|| |
gAyakatrAsahA granthO granthatattvavivEcakaH| gADhAnurAgO gADhAGgO gADhAgaGgAjalO'nvaham||122|| |
gADhAvagADhajaladhirgADhaprajJO gatAmayaH| gADhapratyarthisainyO'tha gADhAnugrahatatparaH||123|| |
gADhazlESarasAbhijJO gADhanirvRtisAdhakaH| gaGgAdharESTavaradO gaGgAdharabhayApahaH||124|| |
gaGgAdharagururgaGgAdharadhyAtapadaH sadA| gaGgAdharastutO gaGgAdharArAdhyO gatasmayaH||125|| |
gaGgAdharapriyO gaGgAdharO gaGgAmbusundaraH| gaGgAjalarasAsvAdacaturO gAGgatIrayaH||126|| |
gaGgAjalapraNayavAn gaGgAtIravihArakRt| gaGgApriyO gaGgAjalAvagAhanaparaH sadA||127|| |
gandhamAdanasaMvAsO gandhamAdanakElikRt| gandhAnuliptasarvAGgO gandhalubdhamadhuvrataH||128|| |
gandhO gandharvarAjO'tha gandharvapriyakRt sadA| gandharvavidyAtattvajJO gandharvaprItivardhanaH||129|| |
gakArabIjanilayO gakArO garvigarvanut| gandharvagaNasaMsEvyO gandharvavaradAyakaH||130|| |
gandharvO gandhamAtaGgO gandharvakuladaivatam| gandharvagarvasaJchEttA gandharvavaradarpahA||131|| |
gandharvapravaNasvAntO gandharvagaNasaMstutaH| gandharvArcitapAdAbjO gandharvabhayahArakaH||132|| |
gandharvAbhayadaH zazvad gandharvapratipAlakaH| gandharvagItacaritO gandharvapraNayOtsukaH||133|| |
gandharvagAnazravaNapraNayI garvabhaJjanaH| gandharvatrANasannaddhO gandharvasamarakSamaH||134|| |
gandharvastrIbhirArAdhyO gAnaM gAnapaTuH sadA| gacchO gacchapatirgacchanAyakO gacchagarvahA||135|| |
gaccharAjO'tha gacchEzO gaccharAjanamaskRtaH| gacchapriyO gacchagururgacchatrANakRtOdyamaH||136|| |
gacchaprabhurgacchacarO gacchapriyakRtOdyamaH| gacchagItaguNO gacchamaryAdApratipAlakaH||137|| |
gacchadhAtA gacchabhartA gacchavandyO gurOrguruH| gRtsO gRtsamadO gRtsamadAbhISTavarapradaH||138|| |
gIrvANagItacaritO gIrvANagaNasEvitaH| gIrvANavaradAtA ca gIrvANabhayanAzakRt||139|| |
gIrvANaguNasaMvItO gIrvANArAtisUdanaH| gIrvANadhAma gIrvANagOptA gIrvANagarvahRt||140|| |
gIrvANArtiharO nityaM gIrvANavaradAyakaH| gIrvANazaraNaM gItanAmA gIrvANasundaraH||141|| |
gIrvANaprANadO gantA gIrvANAnIkarakSakaH| guhEhApUrakO gandhamattO gIrvANapuSTidaH||142|| |
gIrvANaprayutatrAtA gItagOtrO gatAhitaH| gIrvANasEvitapadO gIrvANaprathitO galat||143|| |
gIrvANagOtrapravarO gIrvANaphaladAyakaH| gIrvANapriyakartA ca gIrvANAgamasAravit||144|| |
gIrvANAgamasampattirgIrvANavyasanApahah| gIrvANapraNayO gItagrahaNOtsukamAnasaH||145|| |
gIrvANabhramasambhEttA gIrvANagurupUjitaH| grahO grahapatirgrAhO grahapIDApraNAzanaH||146|| |
grahastutO grahAdhyakSO grahEzO grahadaivatam| grahakRdgrahabhartA ca grahEzAnO grahEzvaraH||147|| |
grahArAdhyO grahatrAtA grahagOptA grahOtkaTaH| grahagItaguNO granthapraNEtA grahavanditaH||148|| |
gavI gavIzvarO garvI garviSThO garvigarvahA| gavAmpriyO gavAnnAthO gavIzAnO gavAmpatI||149|| |
gavyapriyO gavAGgOptA gavisampattisAdhakaH| gavirakSaNasannaddhO gavAMbhayaharaH kSaNAt||150|| |
gavigarvaharO gOdO gOpradO gOjayapradaH| gajAyutabalO gaNDaguJjanmattamadhuvrataH||151|| |
gaNDasthalalasaddAnamiLanmattALimaNDitaH| guDO guDapriyO guNDagaLaddAnO guDAzanaH||152|| |
guDAkEzO guDAkEzasahAyO guDalaDDubhuk| guDabhugguDabhuggaNayO guDAkEzavarapradaH||153|| |
guDAkEzArcitapadO guDAkEzasakhaH sadA| gadAdharArcitapadO gadAdharavarapradaH||154|| |
gadAyudhO gadApANirgadAyuddhavizAradaH| gadahA gadadarpaghnO gadagarvapraNAzanaH||155|| |
gadagrastaparitrAtA gadADambarakhaNDakaH| guhO guhAgrajO guptO guhAzAyI guhAzayaH||156|| |
guhaprItikarO gUDhO gUDhagulphO guNaikadRk| gIrgISpatirgirIzAnO gIrdEvIgItasadguNaH||157|| |
gIrdEvO gISpriyO gIrbhUrgIrAtmA gISpriyaGkaraH| gIrbhUmirgIrasannO'tha gIHprasannO girIzvaraH||158|| |
girIzajO girauzAyI girirAjasukhAvahaH| girirAjArcitapadO girirAjanamaskRtaH||159|| |
girirAjaguhAviSTO girirAjAbhayapradaH| girirAjESTavaradO girirAjaprapAlakaH||160|| |
girirAjasutAsUnurgirirAjajayapradaH| girivrajavanasthAyI girivrajacaraH sadA||161|| |
gargO gargapriyO gargadEhO garganamaskRtaH| gargabhItiharO gargavaradO gargasaMstutaH||162|| |
gargagItaprasannAtmA gargAnandakaraH sadA| gargapriyO gargamAnapradO gargAribhaJjakaH||163|| |
gargavargaparitrAtA gargasiddhipradAyakaH| gargaglAniharO gargabhramahRdgargasaGgataH||164|| |
gargAcAryO gargamunirgargasammAnabhAjanaH| gambhIrO gaNitaprajJO gaNitAgamasAravit||165|| |
gaNakO gaNakazlAghyO gaNakapraNayOtsukaH| gaNakapravaNasvAntO gaNitO gaNitAgamaH||166|| |
gadyaM gadyamayO gadyapadyavidyAvizAradaH| galalagnamahAnAgO galadarcirgalasanmadaH||167|| |
galatkuSThivyathAhantA galatkuSThisukhapradaH| gambhIranAbhirgambhIrasvarO gambhIralOcanaH||168|| |
gambhIraguNasampannO gambhIragatizObhanaH| garbhapradO garbharUpO garbhApadvinivArakaH||169|| |
garbhAgamanasannAzO garbhadO garbhazOkanut| garbhatrAtA garbhagOpta garbhapuSTikaraH sadA||170|| |
garbhAzrayO garbhamayO garbhAmayanivArakaH| garbhAdhArO garbhadharO garbhasantOSasAdhakaH||171|| |
garbhagauravasandhAnasandhAnaM garbhavargahRt| garIyAn garvanudgarvamardI garadamardakaH||172|| |
garasantApazamanO gururAjyasukhapradaH|
||phalazrutiH||
nAmnAM sahasramuditaM mahadgaNapatEridam||174||
gakArAdi jagadvandyaM gOpanIyaM prayatnataH| ya idaM prayataH prAtastrisandhyaM vA paThEnnaraH||173|| |
vAJchitaM samavApnOti nAtra kAryA vicAraNA| putrArthI labhatE putrAn dhanArthI labhatE dhanam||174|| |
vidyArthI labhatE vidyAM satyaM satyaM na saMzayaH| bhUrjatvaci samAlikhya kuGkumEna samAhitaH||175|| |
caturthAM bhaumavArO ca candrasUryOparAgakE| pUjayitvA gaNadhIzaM yathOktavidhinA purA||176|| |
pUjayEd yO yathAzaktyA juhuyAcca zamIdalaiH| guruM sampUjya vastrAdyaiH kRtvA cApi pradakSiNam||177|| |
dhArayEd yaH prayatnEna sa sAkSAdgaNanAyakaH| surAzcAsuravaryAzca pizAcAH kinnarOragaH||178|| |
praNamanti sadA taM vai duSTvAM vismitamAnasAH| rAjA sapadi vazyaH syAt kAminyastadvazO sthirAH||179|| |
tasya vaMzO sthirA lakSmIH kadApi na vimuJcati| niSkAmO yaH paThEdEtad gaNEzvaraparAyaNaH||180|| |
sa pratiSThAM parAM prApya nijalOkamavApnuyAt| idaM tE kIrtitaM nAmnAM sahasraM dEvi pAvanam||181|| |
na dEyaM kRpaNayAtha zaThAya guruvidviSE| dattvA ca bhraMzamApnOti dEvatAyAH prakOpataH||182|| |
iti zrutvA mahAdEvI tadA vismitamAnasA| pUjayAmAsa vidhivadgaNEzvarapadadvayam||183|| |
||iti zrIrudrayAmalE mahAguptasArE zivapArvatIsaMvAdE gakArAdi zrI gaNapatisahasranAmastOtraM sampUrNam||
