gaNEzASTOttarazatanAmastOtram

vinAyakO vighnarAjO gaurIputrO gaNEzvaraH|
skandAgrajO'vyayO pUtO dakSO'dhyakSO dvijapriyaH||1||

agnigarbhacchidindrazrIpradO vANIbalapradaH|
sarvasiddhipradaH zarvatanayaH zarvarIpriyaH||2||

sarvAtmakaH sRSTikartA dEvO'nEkArcitaH zivaH|
zuddhO buddhipriyaH zAntO brahmacArI gajAnanaH||3||

dvaimAtrEyO munistutyO bhaktavighnavinAzanaH|
EkadantazcaturbAhuzcaturaH zaktisaMyutaH||4||

lambOdaraH zUrpakarNO harirbrahmaviduttamaH|
kAlO grahapatiH kAmI sOmasUryAgnilOcanaH||5||

pAzAGkuzadharazcaNDO guNAtItO niraJjanaH|
akalmaSaH svayaMsiddhaH siddhArcitapadAmbujaH||6||

bIjapUraphalAsaktO varadaH zAzvataH kRtiH|
vidvatpriyO vItabhayO gadI cakrIkSucApadhRt||7||

zrIdO'jOtpalakaraH zrIpatiH stutiharSitaH|
kulAdribhEttA jaTilaH kalikalmaSanAzanaH||8||

candracUDAmaNiH kAntaH pApahArI samAhitaH|
AzritaH zrIkaraH saumyO bhaktavAJchitadAyakaH||9||

zAntaH kaivalyasukhadaH saccidAnandavigrahaH|
jJAnI dayAyutO dAntO brahma dvESavivarjitaH||10||

pramattadaityabhayadaH zrIkaNThO vibudhEzvaraH|
ramArcitO vidhirnAgarAjayajJOpavItavAn||11||

sthUlakaNThaH svayaGkartA sAmaghOSapriyO paraH|
sthUlatuNDO'graNIrdhIrO vAgIzaH siddhidAyakaH||12||

dUrvAbilvapriyO'vyaktamUrtiradbhutamUrtimAn|
zailEndratanujOtsaGgakhElanOtsukamAnasaH||13||

svalAvaNyasudhAsArajitamanmathavigrahaH|
samastajagadAdhArO mAyI mUSikavAhanaH||14||

hRSTastuSTaH prasannAtmA sarvasiddhipradAyakaH||15||
|| iti zrI gaNEzASTOttarazatanAmastOtraM sampUrNam||