rAmASTakam

bhajE vizESasundaraM samastapApakhaNDanam|
svabhaktacittaraJjanaM sadaiva rAmamadvayam||1||

jaTAkalApazObhitaM samastapApanAzakam|
svabhaktabhItibhaJjanaM bhajE ha rAmamadvayam||2||

nijasvarUpabOdhakaM kRpAkaraM bhavApaham|
samaM zivaM niraJjanaM bhajE ha rAmamadvayam||3||

sahaprapaJcakalpitaM hyanAmarUpavAstavam|
nirAkRtiM nirAmayaM bhajE ha rAmamadvayam||4||

niSprapaJcanirvikalpanirmalaM nirAmayam|
cidEkarUpasantataM bhajE ha rAmamadvayam||5||

bhavAbdhipOtarUpakaM hyazESadEhakalpitam|
guNAkaraM kRpAkaraM bhajE ha rAmamadvayam||6||

mahAsuvAkyabOdhakairvirAjamAnavAkpadaiH|
paraM brahmavyApakaM bhajE ha rAmamadvayam||7||

zivapradaM sukhapradaM bhavacchidaM bhramApaham|
virAjamAnadEzikaM bhajE ha rAmamadvayam||8||

rAmASTakaM paThati yaH sukhadaM supuNyam
vyAsEna bhASitamidaM zRNutE manuSyaH|
vidyAM zriyaM vipulasaukhyamanantakIrtim
samprApya dEhavilayE labhatE ca mOkSam||9||