From StotraSamhita
zrI sarasvatI sahasranAma stOtram
dhyAnam
zrImaccandanacarcitOjjvalavapuH zuklAmbarA mallikA- mAlAlAlita kuntalA pravilasanmuktAvalIzObhanA| sarvajJAnanidhAnapustakadharA rudrAkSamAlAGkitA vAgdEvI vadanAmbujE vasatu mE trailOkyamAtA zubhA|| |
zrI nArada uvAca
bhagavan paramEzAna sarvalOkaikanAyaka| kathaM sarasvatI sAkSAtprasannA paramESThinaH||1|| |
kathaM dEvyA mahAvANyAH satatprApa sudurlabham| EtanmE vada tattvEna mahAyOgIzvaraprabhO||2|| |
zrI sanatkumAra uvAca
sAdhu pRSTaM tvayA brahman guhyAdguhyamanuttamam| bhayAnugOpitaM yatnAdidAnIM satprakAzyatE||3|| |
purA pitAmahaM dRSTvA jagatsthAvarajaGgamam| nirvikAraM nirAbhAsaM stambhIbhUtamacEtasam||4|| |
sRSTvA trailOkyamakhilaM vAgabhAvAttathAvidham| AdhikyAbhAvataH svasya paramESThI jagadguruH||5|| |
divyavarSAyutaM tEna tapO duSkaramuttamam| tataH kadAcitsaJjAtA vANI sarvArthazObhitA||6|| |
ahamasmi mahAvidyA sarvavAcAmadhIzvarI| mama nAmnAM sahasraM tu upadEkSyAmyanuttamam||7|| |
anEna saMstutA nityaM patnI tava bhavAmyaham| tvayA sRSTaM jagatsarvaM vANIyuktaM bhaviSyati||8|| |
idaM rahasyaM paramaM mama nAmasahasrakam| sarvapApaughazamanaM mahAsArasvatapradam||9|| |
mahAkavitvadaM lOkE vAgIzatvapradAyakam| tvaM vA paraH pumAnyastu stavEnAnEna tOSayEt||10|| |
tasyAhaM kiGkarI sAkSAdbhaviSyAmi na saMzayaH| ityuktvA'ntardadhE vANI tadArabhya pitAmahaH||11|| |
stutvA stOtrENa divyEna tatpatitvamavAptavAn| vANIyuktaM jagatsarvaM tadArabhyAbhavanmunE||12|| |
tattEhaM sampravakSyAmi zRNu yatnEna nArada| sAvadhAnamanA bhUtvA kSaNaM zuddhO munIzvaraH||13|| |
stOtram
vAgvANI varadA vandyA varArOhA varapradA| vRttirvAgIzvarI vArtA varA vAgIzavallabhA||1|| |
vizvEzvarI vizvavandyA vizvEzapriyakAriNI| vAgvAdinI ca vAgdEvI vRddhidA vRddhikAriNI||2|| |
vRddhirvRddhA viSaghnI ca vRSTirvRSTipradAyinI| vizvArAdhyA vizvamAtA vizvadhAtrI vinAyakA||3|| |
vizvazaktirvizvasArA vizvA vizvavibhAvarI| vEdAntavEdinI vEdyA vittA vEdatrayAtmikA||4|| |
vEdajJA vEdajananI vizvA vizvavibhAvarI| varENyA vAGmayI vRddhA viziSTapriyakAriNI||5|| |
vizvatOvadanA vyAptA vyApinI vyApakAtmikA| vyALaghnI vyALabhUSAGgI virajA vEdanAyikA||6|| |
vEdavEdAntasaMvEdyA vEdAntajJAnarUpiNI| vibhAvarI ca vikrAntA vizvAmitrA vidhipriyA||7|| |
variSThA viprakRSTA ca vipravaryaprapUjitA| vEdarUpA vEdamayI vEdamUrtizca vallabhA||8|| |
gaurI guNavatI gOpyA gandharvanagarapriyA| guNamAtA guhAntasthA gururUpA gurupriyA||9|| |
girividyA gAnatuSTA gAyakapriyakAriNI| gAyatrI girizArAdhyA gIrgirIzapriyaGkarI||10|| |
girijJA jJAnavidyA ca girirUpA girIzvarI| gIrmAtA gaNasaMstutyA gaNanIyaguNAnvitA||11|| |
gUDharUpA guhA gOpyA gOrUpA gaurguNAtmikA| gurvI gurvambikA guhyA gEyajA grahanAzinI||12|| |
gRhiNI gRhadOSaghnI gavaghnI guruvatsalA| gRhAtmikA gRhArAdhyA gRhabAdhAvinAzinI||13|| |
gaGgA girisutA gamyA gajayAnA guhastutA| garuDAsanasaMsEvyA gOmatI guNazAlinI||14|| |
zAradA zAzvatI zaivI zAGkarI zaGkarAtmikA| zrIH zarvANI zataghnI ca zaraccandranibhAnanA||15|| |
zarmiSThA zamanaghnI ca zatasAhasrarUpiNI| zivA zambhupriyA zraddhA zrutirUpA zrutipriyA||16|| |
zuciSmatI zarmakarI zuddhidA zuddhirUpiNI| zivA zivaGkarI zuddhA zivArAdhyA zivAtmikA||17|| |
zrImatI zrImayI zrAvyA zrutiH zravaNagOcarA| zAntiH zAntikarI zAntA zAntAcArapriyaGkarI||18|| |
zIlalabhyA zIlavatI zrImAtA zubhakAriNI| zubhavANI zuddhavidyA zuddhacittaprapUjitA||19|| |
zrIkarI zrutapApaghnI zubhAkSI zucivallabhA| zivEtaraghnI zabarI zravaNIyaguNAnvitA||20|| |
zArI zirISapuSpAbhA zamaniSThA zamAtmikA| zamAnvitA zamArAdhyA zitikaNThaprapUjitA||21|| |
zuddhiH zuddhikarI zrESThA zrutAnantA zubhAvahA| sarasvatI ca sarvajJA sarvasiddhipradAyinI||22|| |
sarasvatI ca sAvitrI sandhyA sarvEpsitapradA| sarvArtighnI sarvamayI sarvavidyApradAyinI||23|| |
sarvEzvarI sarvapuNyA sargasthityantakAriNI| sarvArAdhyA sarvamAtA sarvadEvaniSEvitA||24|| |
sarvaizvaryapradA satyA satI satvaguNAzrayA| svarakramapadAkArA sarvadOSaniSUdinI||25|| |
sahasrAkSI sahasrAsyA sahasrapadasaMyutA| sahasrahastA sAhasraguNAlaGkRtavigrahA||26|| |
sahasrazIrSA sadrUpA svadhA svAhA sudhAmayI| SaDgranthibhEdinI sEvyA sarvalOkaikapUjitA||27|| |
stutyA stutimayI sAdhyA savitRpriyakAriNI| saMzayacchEdinI sAGkhyavEdyA saGkhyA sadIzvarI||28|| |
siddhidA siddhasampUjyA sarvasiddhipradAyinI| sarvajJA sarvazaktizca sarvasampatpradAyinI||29|| |
sarvAzubhaghnI sukhadA sukhA saMvitsvarUpiNI| sarvasambhISaNI sarvajagatsammOhinI tathA||30|| |
sarvapriyaGkarI sarvazubhadA sarvamaGgaLA| sarvamantramayI sarvatIrthapuNyaphalapradA||31|| |
sarvapuNyamayI sarvavyAdhighnI sarvakAmadA| sarvavighnaharI sarvavanditA sarvamaGgaLA||32|| |
sarvamantrakarI sarvalakSmIH sarvaguNAnvitA| sarvAnandamayI sarvajJAnadA satyanAyikA||33|| |
sarvajJAnamayI sarvarAjyadA sarvamuktidA| suprabhA sarvadA sarvA sarvalOkavazaGkarI||34|| |
subhagA sundarI siddhA siddhAmbA siddhamAtRkA| siddhamAtA siddhavidyA siddhEzI siddharUpiNI||35|| |
surUpiNI sukhamayI sEvakapriyakAriNI| svAminI sarvadA sEvyA sthUlasUkSmAparAmbikA||36|| |
sArarUpA sarOrUpA satyabhUtA samAzrayA| sitAsitA sarOjAkSI sarOjAsanavallabhA||37|| |
sarOruhAbhA sarvAGgI surEndrAdiprapUjitA| mahAdEvI mahEzAnI mahAsArasvatapradA||38|| |
mahAsarasvatI muktA muktidA malanAzinI| mahEzvarI mahAnandA mahAmantramayI mahI||39|| |
mahAlakSmIrmahAvidyA mAtA mandaravAsinI| mantragamyA mantramAtA mahAmantraphalapradA||40|| |
mahAmuktirmahAnityA mahAsiddhipradAyinI| mahAsiddhA mahAmAtA mahadAkArasaMyutA||41|| |
mahA mahEzvarI mUrtirmOkSadA maNibhUSaNA| mEnakA mAninI mAnyA mRtyughnI mErurUpiNI||42|| |
madirAkSI madAvAsA makharUpA makhEzvarI| mahAmOhA mahAmAyA mAtlRNAM mUrdhnisaMsthitA||43|| |
mahApuNyA mudAvAsA mahAsampatpradAyinI| maNipUraikanilayA madhurUpA mahOtkaTA||44|| |
mahAsUkSmA mahAzAntA mahAzAntipradAyinI| munistutA mOhahantrI mAdhavI mAdhavapriyA||45|| |
mA mahAdEvasaMstutyA mahiSIgaNapUjitA| mRSTAnnadA ca mAhEndrI mahEndrapadadAyinI||46|| |
matirmatipradA mEdhA martyalOkanivAsinI| mukhyA mahAnivAsA ca mahAbhAgyajanAzritA||47|| |
mahiLA mahimA mRtyuhArI mEdhApradAyinI| mEdhyA mahAvEgavatI mahAmOkSaphalapradA||48|| |
mahAprabhAbhA mahatI mahAdEvapriyaGkarI| mahApOSA maharddhizca muktAhAravibhUSaNA||49|| |
mANikyabhUSaNA mantrA mukhyacandrArdhazEkharA| manOrUpA manaHzuddhirmanaHzuddhipradAyinI||50|| |
mahAkAruNyasampUrNA manOnamanavanditA| mahApAtakajAlaghnI muktidA muktabhUSaNA||51|| |
manOnmanI mahAsthUlA mahAkratuphalapradA| mahApuNyaphalaprApyA mAyAtripuranAzinI||52|| |
mahAnasA mahAmEdhA mahAmOdA mahEzvarI| mAlAdharI mahOpAyA mahAtIrthaphalapradA||53|| |
mahAmaGgaLasampUrNA mahAdAridryanAzinI| mahAmakhA mahAmEghA mahAkALI mahApriyA||54|| |
mahAbhUSA mahAdEhA mahArAjJI mudAlayA| bhUridA bhAgyadA bhOgyA bhOgyadA bhOgadAyinI||55|| |
bhavAnI bhUtidA bhUtirbhUmirbhUmisunAyikA| bhUtadhAtrI bhayaharI bhaktasArasvatapradA||56|| |
bhuktirbhuktipradA bhEkI bhaktirbhaktipradAyinI| bhaktasAyujyadA bhaktasvargadA bhaktarAjyadA||57|| |
bhAgIrathI bhavArAdhyA bhAgyAsajjanapUjitA| bhavastutyA bhAnumatI bhavasAgaratAraNI||58|| |
bhUtirbhUSA ca bhUtEzI bhAlalOcanapUjitA| bhUtA bhavyA bhaviSyA ca bhavavidyA bhavAtmikA||59|| |
bAdhApahAriNI bandhurUpA bhuvanapUjitA| bhavaghnI bhaktilabhyA ca bhaktarakSaNatatparA||60|| |
bhaktArtizamanI bhAgyA bhOgadAnakRtOdyamA| bhujaGgabhUSaNA bhImA bhImAkSI bhImarUpiNI||61|| |
bhAvinI bhrAtRrUpA ca bhAratI bhavanAyikA| bhASA bhASAvatI bhISmA bhairavI bhairavapriyA||62|| |
bhUtirbhAsitasarvAGgI bhUtidA bhUtinAyikA| bhAsvatI bhagamAlA ca bhikSAdAnakRtOdyamA||63|| |
bhikSurUpA bhaktikarI bhaktalakSmIpradAyinI| bhrAntighnA bhrAntirUpA ca bhUtidA bhUtikAriNI||64|| |
bhikSaNIyA bhikSumAtA bhAgyavaddRSTigOcarA| bhOgavatI bhOgarUpA bhOgamOkSaphalapradA||65|| |
bhOgazrAntA bhAgyavatI bhaktAghaughavinAzinI| brAhmI brahmasvarUpA ca bRhatI brahmavallabhA||66|| |
brahmadA brahmamAtA ca brahmANI brahmadAyinI| brahmEzI brahmasaMstutyA brahmavEdyA budhapriyA||67|| |
bAlEnduzEkharA bAlA balipUjAkarapriyA| baladA bindurUpA ca bAlasUryasamaprabhA||68|| |
brahmarUpA brahmamayI bradhnamaNDalamadhyagA| brahmANI buddhidA buddhirbuddhirUpA budhEzvarI||69|| |
bandhakSayakarI bAdhanAzanI bandhurUpiNI| bindvAlayA bindubhUSA bindunAdasamanvitA||70|| |
bIjarUpA bIjamAtA brahmaNyA brahmakAriNI| bahurUpA balavatI brahmajA brahmacAriNI||71|| |
brahmastutyA brahmavidyA brahmANDAdhipavallabhA| brahmEzaviSNurUpA ca brahmaviSNvIzasaMsthitA||72|| |
buddhirUpA budhEzAnI bandhI bandhavimOcanI| akSamAlA'kSarAkArA'kSarA'kSaraphalapradA||73|| |
anantA''nandasukhadA'nantacandranibhAnanA| anantamahimA'ghOrA'nantagambhIrasammitA||74|| |
adRSTA'dRSTadA'nantA'dRSTabhAgyaphalapradA| arundhatyavyayInAthA'nEkasadguNasaMyutA||75|| |
anEkabhUSaNA'dRzyA'nEkalEkhaniSEvitA| anantA'nantasukhadA'ghOrA'ghOrasvarUpiNI||76|| |
azESadEvatArUpA'mRtarUpA'mRtEzvarI| anavadyA'nEkahastA'nEkamANikyabhUSaNA||77|| |
anEkavighnasaMhartrI hyanEkAbharaNAnvitA| avidyA'jJAnasaMhartrI hyavidyAjAlanAzinI||78|| |
abhirUpA'navadyAGgI hyapratarkyagatipradA| akaLaGkArUpiNI ca hyanugrahaparAyaNA||79|| |
ambarasthA'mbaramayA'mbaramAlA'mbujEkSaNA| ambikA'bjakarA'bjasthAM'zumatyaMzuzatAnvitA||80|| |
ambujA'navarA'khaNDA'mbujAsanamahApriyA| ajarAmarasaMsEvyA'jarasEvitapadyugA||81|| |
atulArthapradA'rthaikyA'tyudArA tvabhayAnvitA| anAthavatsalA'nantapriyA'nantEpsitapradA||82|| |
ambujAkSyamburUpA'mbujAtOdbhavamahApriyA| akhaNDA tvamarastutyA'maranAyakapUjitA||83|| |
ajEyA tvajasaGkAzA'jJAnanAzinyabhISTadA| aktA'ghanEnA cAstrEzI hyalakSmInAzinI tathA||84|| |
anantasArA'nantazrIranantavidhipUjitA| abhISTA'martyasampUjyA hyastOdayavivarjitA||85|| |
AstikasvAntanilayA'strarUpA'stravatI tathA| askhalatyaskhaladrUpA'skhaladvidyApradAyinI||86|| |
askhalatsiddhidA''nandA'mbujAtA'maranAyikA| amEyA'zESapApaghnyakSayasArasvatapradA||87|| |
jayA jayantI jayadA janmakarmavivarjitA| jagatpriyA jaganmAtA jagadIzvaravallabhA||88|| |
jAtirjayA jitAmitrA japyA japanakAriNI| jIvanI jIvanilayA jIvAkhyA jIvadhAriNI||89|| |
jAhnavI jyA japavatI jAtirUpA jayapradA| janArdanapriyakarI jOSanIyA jagatsthitA||90|| |
jagajjyESThA jaganmAyA jIvanatrANakAriNI| jIvAtulatikA jIvajanmI janmanibarhaNI||91|| |
jADyavidhvaMsanakarI jagadyOnirjayAtmikA| jagadAnandajananI jambUzca jalajEkSaNA||92|| |
jayantI jaGgapUgaghnI janitajJAnavigrahA| jaTA jaTAvatI japyA japakartRpriyaGkarI||93|| |
japakRtpApasaMhartrI japakRtphaladAyinI| japApuSpasamaprakhyA japAkusumadhAriNI||94|| |
jananI janmarahitA jyOtirvRtyabhidAyinI| jaTAjUTanacandrArdhA jagatsRSTikarI tathA||95|| |
jagattrANakarI jADyadhvaMsakartrI jayEzvarI| jagadbIjA jayAvAsA janmabhUrjanmanAzinI||96|| |
janmAntyarahitA jaitrI jagadyOnirjapAtmikA| jayalakSaNasampUrNA jayadAnakRtOdyamA||97|| |
jambharAdyAdisaMstutyA jambhAriphaladAyinI| jagattrayahitA jyESThA jagattrayavazaGkarI||98|| |
jagattrayAmbA jagatI jvAlA jvAlitalOcanA| jvAlinI jvalanAbhAsA jvalantI jvalanAtmikA||99|| |
jitArAtisurastutyA jitakrOdhA jitEndriyA| jarAmaraNazUnyA ca janitrI janmanAzinI||100|| |
jalajAbhA jalamayI jalajAsanavallabhA| jalajasthA japArAdhyA janamaGgaLakAriNI||101|| |
kAminI kAmarUpA ca kAmyA kAmapradAyinI| kamAlI kAmadA kartrI kratukarmaphalapradA||102|| |
kRtaghnaghnI kriyArUpA kAryakAraNarUpiNI| kaJjAkSI karuNArUpA kEvalAmarasEvitA||103|| |
kalyANakAriNI kAntA kAntidA kAntirUpiNI| kamalA kamalAvAsA kamalOtpalamAlinI||104|| |
kumudvatI ca kalyANI kAntiH kAmEzavallabhA| kAmEzvarI kamalinI kAmadA kAmabandhinI||105|| |
kAmadhEnuH kAJcanAkSI kAJcanAbhA kalAnidhiH| kriyA kIrtikarI kIrtiH kratuzrESThA kRtEzvarI||106|| |
kratusarvakriyAstutyA kratukRtpriyakAriNI| klEzanAzakarI kartrI karmadA karmabandhinI||107|| |
karmabandhaharI kRSTA klamaghnI kaJjalOcanA| kandarpajananI kAntA karuNA karuNAvatI||108|| |
klIGkAriNI kRpAkArA kRpAsindhuH kRpAvatI| karuNArdrA kIrtikarI kalmaSaghnI kriyAkarI||109|| |
kriyAzaktiH kAmarUpA kamalOtpalagandhinI| kalA kalAvatI kUrmI kUTasthA kaJjasaMsthitA||110|| |
kALikA kalmaSaghnI ca kamanIyajaTAnvitA| karapadmA karAbhISTapradA kratuphalapradA||111|| |
kauzikI kOzadA kAvyA kartrI kOzEzvarI kRzA| kUrmayAnA kalpalatA kAlakUTavinAzinI||112|| |
kalpOdyAnavatI kalpavanasthA kalpakAriNI| kadambakusumAbhAsA kadambakusumapriyA||113|| |
kadambOdyAnamadhyasthA kIrtidA kIrtibhUSaNA| kulamAtA kulAvAsA kulAcArapriyaGkarI||114|| |
kulAnAthA kAmakalA kalAnAthA kalEzvarI| kundamandArapuSpAbhA kapardasthitacandrikA||115|| |
kavitvadA kAvyamAtA kavimAtA kalApradA| taruNI taruNItAtA tArAdhipasamAnanA||116|| |
tRptistRptipradA tarkyA tapanI tApinI tathA| tarpaNI tIrtharUpA ca tridazA tridazEzvarI||117|| |
tridivEzI trijananI trimAtA tryambakEzvarI| tripurA tripurEzAnI tryambakA tripurAmbikA||118|| |
tripurazrIstrayIrUpA trayIvEdyA trayIzvarI| trayyantavEdinI tAmrA tApatritayahAriNI||119|| |
tamAlasadRzI trAtA taruNAdityasannibhA| trailOkyavyApinI tRptA tRptikRttattvarUpiNI||120|| |
turyA trailOkyasaMstutyA triguNA triguNEzvarI| tripuraghnI trimAtA ca tryambakA triguNAnvitA||121|| |
tRSNAcchEdakarI tRptA tIkSNA tIkSNasvarUpiNI| tulA tulAdirahitA tattadbrahmasvarUpiNI||122|| |
trANakartrI tripApaghnI tripadA tridazAnvitA| tathyA trizaktistripadA turyA trailOkyasundarI||123|| |
tEjaskarI trimUrtyAdyA tEjOrUpA tridhAmatA| tricakrakartrI tribhagA turyAtItaphalapradA||124|| |
tEjasvinI tApahArI tApOpaplavanAzinI| tEjOgarbhA tapaHsArA tripurAripriyaGkarI||125|| |
tanvI tApasasantuSTA tapatAGgajabhItinut| trilOcanA trimArgA ca tRtIyA tridazastutA||126|| |
trisundarI tripathagA turIyapadadAyinI| zubhA zubhAvatI zAntA zAntidA zubhadAyinI||127|| |
zItaLA zUlinI zItA zrImatI ca zubhAnvitA| yOgasiddhipradA yOgyA yajJEnaparipUritA||128|| |
yajyA yajJamayI yakSI yakSiNI yakSivallabhA| yajJapriyA yajJapUjyA yajJatuSTA yamastutA||129|| |
yAminIyaprabhA yAmyA yajanIyA yazaskarI| yajJakartrI yajJarUpA yazOdA yajJasaMstutA||130|| |
yajJEzI yajJaphaladA yOgayOniryajustutA| yamisEvyA yamArAdhyA yamipUjyA yamIzvarI||131|| |
yOginI yOgarUpA ca yOgakartRpriyaGkarI| yOgayuktA yOgamayI yOgayOgIzvarAmbikA||132|| |
yOgajJAnamayI yOniryamAdyaSTAGgayOgatA| yantritAghaughasaMhArA yamalOkanivAriNI||133|| |
yaSTivyaSTIzasaMstutyA yamAdyaSTAGgayOgayuk| yOgIzvarI yOgamAtA yOgasiddhA ca yOgadA||134|| |
yOgArUDhA yOgamayI yOgarUpA yavIyasI| yantrarUpA ca yantrasthA yantrapUjyA ca yantritA||135|| |
yugakartrI yugamayI yugadharmavivarjitA| yamunA yaminI yAmyA yamunAjalamadhyagA||136|| |
yAtAyAtaprazamanI yAtanAnAnnikRntanI| yOgAvAsA yOgivandyA yattacchabdasvarUpiNI||137|| |
yOgakSEmamayI yantrA yAvadakSaramAtRkA| yAvatpadamayI yAvacchabdarUpA yathEzvarI||138|| |
yattadIyA yakSavandyA yadvidyA yatisaMstutA| yAvadvidyAmayI yAvadvidyAbRndasuvanditA||139|| |
yOgihRtpadmanilayA yOgivaryapriyaGkarI| yOgivandyA yOgimAtA yOgIzaphaladAyinI||140|| |
yakSavandyA yakSapUjyA yakSarAjasupUjitA| yajJarUpA yajJatuSTA yAyajUkasvarUpiNI||141|| |
yantrArAdhyA yantramadhyA yantrakartRpriyaGkarI| yantrArUDhA yantrapUjyA yOgidhyAnaparAyaNA||142|| |
yajanIyA yamastutyA yOgayuktA yazaskarI| yOgabaddhA yatistutyA yOgajJA yOganAyakI||143|| |
yOgijJAnapradA yakSI yamabAdhAvinAzinI| yOgikAmyapradAtrI ca yOgimOkSapradAyinI||144|| |
phalazrutiH
iti nAmnAM sarasvatyAH sahasraM samudIritam| mantrAtmakaM mahAgOpyaM mahAsArasvatapradam||1|| |
yaH paThEcchRNuyAdbhaktyA trikAlaM sAdhakaH pumAn| sarvavidyAnidhiH sAkSAt sa Eva bhavati dhruvam||2|| |
labhatE sampadaH sarvAH putrapautrAdisaMyutAH| mUkO'pi sarvavidyAsu caturmukha ivAparaH||3|| |
bhUtvA prApnOti sAnnidhyam antE dhAturmunIzvara| sarvamantramayaM sarvavidyAmAnaphalapradam||4|| |
mahAkavitvadaM puMsAM mahAsiddhipradAyakam| kasmaicinna pradAtavyaM prANaiH kaNThagatairapi||5|| |
mahArahasyaM satataM vANInAmasahasrakam| susiddhamasmadAdInAM stOtraM tE samudIritam||6|| |
||iti zrIskAndapurANAntargata-sanatkumAra-saMhitAyAM nArada-sanatkumAra-saMvAdE sarasvatIsahasranAmastOtram sampUrNam||
