From StotraSamhita
(Redirected from Hariharatmaja Ashtakam)
hariharAtmajASTakam
harivarAsanaM vizvamOhanam +haridadhIzvaram ArAdhyapAdukam| arivimardanaM nityanartanam hariharAtmajaM dEvamAzrayE||1|| |
caraNakIrtanaM bhaktamAnasam bharaNalOlupaM nartanAlasam| aruNabhAsuraM bhUtanAyakam hariharAtmajaM dEvamAzrayE||2|| |
praNayasatyakaM prANanAyakam praNatakalpakaM suprabhaJcitam| praNavamandiraM kIrtanapriyam hariharAtmajaM dEvamAzrayE||3|| |
turagavAhanaM sundarAnanam varagadAyudhaM vEdavarNitam| gurukRpAkaraM kIrtanapriyam hariharAtmajaM dEvamAzrayE||4|| |
tribhuvanArcitaM dEvatAtmakam trinayanaprabhuM divyadEzikam| tridazapUjitaM cintitapradam hariharAtmajaM dEvamAzrayE||5|| |
bhavabhayApahaM bhAvukAvakam bhuvanamOhanaM bhUtibhUSaNam| dhavalavAhanaM divyavAraNam hariharAtmajaM dEvamAzrayE||6|| |
kalamRdusmitaM sundarAnanam kalabhakOmalaM gAtramOhanam| kalabhakEsarIM vAjivAhanam hariharAtmajaM dEvamAzrayE||7|| |
zritajanapriyaM cintitapradam zrutivibhUSaNaM sAdhujIvanam| zrutimanOharaM gItalAlasam hariharAtmajaM dEvamAzrayE||8|| |
||iti zrI hariharAtmajASTakaM sampUrNam||