From StotraSamhita
annapUrNASTOttarazatanAmastOtram
||dhyAnam||
sindUrAbhAM trinEtrAmamRtazazikalAM khEcarIM ratnavastrAm pInOttuGgastanADhyAmabhinavavilasadyauvanArambharamyAm| nAnAlaGkArayuktAM sarasijanayanAmindusaGkrAntamUrtim dEvIM pAzAGkuzADhyAmabhayavarakarAmannapUrNAM namAmi|| |
||stOtram||
annapUrNA zivA devI bhImA puSTiH sarasvatI| sarvajJA pArvatI durgA zarvANI zivavallabhA||1|| |
vEdavidyA mahAvidyA vidyAdAtrI vizAradA| kumArI tripurA bAlA lakSmIH zrIrbhayahAriNI||2|| |
bhavAnI viSNujananI brahmAdijananI tathA| gaNEzajananI zaktiH kumArajananI zubhA||3|| |
bhOgapradA bhagavatI bhaktAbhISTapradAyinI| bhavarOgaharA bhavyA zubhrA paramamaGgalA||4|| |
bhavAnI caJcalA gaurI cArucandrakalAdharA| vizAlAkSI vizvamAtA vizvavandyA vilAsinI||5|| |
AryA kalyANanilAyA rudrANI kamalAsanA| zubhapradA zubhAvartA vRttapInapayOdharA||6|| |
ambA saMhAramathanI mRDAnI sarvamaGgalA| viSNusaMsEvitA siddhA brahmANI surasEvitA||7|| |
paramAnandadA zAntiH paramAnandarUpiNI| paramAnandajananI parAnandapradAyinI||8|| |
parOpakAraniratA paramA bhaktavatsalA| pUrNacandrAbhavadanA pUrNacandranibhAMzukA||9|| |
zubhalakSaNasampannA zubhAnandaguNArNavA| zubhasaubhAgyanilayA zubhadA ca ratipriyA||10|| |
caNDikA caNDamathanI caNDadarpanivAriNI| mArtANDanayanA sAdhvI candrAgninayanA satI||11|| |
puNDarIkaharA pUrNA puNyadA puNyarUpiNI| mAyAtItA zrESThamAyA zrESThadharmAtmavanditA||12|| |
asRSTiH saGgarahitA sRSTihEtuH kapardinI| vRSArUDhA zUlahastA sthitisaMhArakAriNI||13|| |
mandasmitA skandamAtA zuddhacittA munistutA| mahAbhagavatI dakSA dakSAdhvaravinAzinI||14|| |
sarvArthadAtrI sAvitrI sadAzivakuTumbinI| nityasundarasarvAGgI saccidAnandalakSaNA||15|| |
nAmnAmaSTOttarazatamambAyAH puNyakAraNam| sarvasaubhAgyasiddhyarthaM japanIyaM prayatnataH||16|| |
EtAni divyanAmAni zrutvA dhyAtvA nirantaram| stutvA dEvIM ca satataM sarvAn kAmAnavApnuyAt||17|| |
|| iti zrIzivarahasyE zrI annapUrNASTOttarazatanAmastOtraM sampUrNam ||
