From StotraSamhita
candrASTaviMzatinAmastOtram
candrasya zRNu nAmAni zubhadAni mahIpatE| yAni zrutvA narO duHkhAnmucyatE nAtra saMzayaH||1|| |
sudhAkarO vidhuH sOmO glaurabjaH kumudapriyaH| lOkapriyaH zubhrabhAnuzcandramA rOhiNIpatiH||2|| |
zazI himakarO rAjA dvijarAjO nizAkaraH| AtrEya induH zItAMzurOSadhIzaH kalAnidhiH||3|| |
jaivAtRkO ramAbhrAtA kSIrOdArNavasambhavaH| nakSatranAyakaH zambhuzirazcUDAmaNirvibhuH||4|| |
tApahartA nabhOdIpO nAmAnyEtAni yaH paThEt| pratyahaM bhaktisaMyuktastasya pIDA vinazyati||5|| |
taddinE ca paThEdyastu labhEtsarvaM samIhitam| grahAdInAM ca sarvESAM bhavEccandrabalaM sadA||6|| |
||iti zrI candrASTaviMzatinAmastOtraM sampUrNam||