From StotraSamhita

dEvaiH kRtaM rAma-stOtram

zESa uvAca

athAbhiSiktaM rAmaM tu tuSTuvuH praNatAH surAH| rAvaNAbhidhadaityEndra vadhaharSitamAnasAH||1||

dEvA UcuH

jaya dAzarathE surArtihaJjaya jaya dAnavavaMzadAhaka| jaya dEvavarAGganAgaNagrahaNavyagrakarAridAraka||2||

tavayaddanujEndranAzanaM kavayO varNayituM samutsukAH| pralayE jagatAntatIH punargrasasE tvaM bhuvanEzalIlayA||3||

jaya janmajarAdiduHkhakaiH parimuktaprabalOddharOddhara| jaya dharmakarAnvayAmbudhau kRtajanmannajarAmarAcyuta||4||

tava dEvavarasya nAmabhirbahupApA api tE pavitritAH| kimu sAdhudvijavaryapUrvakAH sutanuM mAnuSatAmupAgatAH||5||

haraviriJcinutaM tava pAdayOryugalamIpsitakAmasamRddhidam| hRdi pavitrayavAdikacihnitaiH suracitaM manasA spRhayAmahE||6||

yadi bhavAnna dadhAtyabhayaM bhuvO madanamUrti tiraskarakAntibhRt| suragaNA hi kathaM sukhinaH punarnanu bhavanti ghRNAmaya pAvana||7||

yadA yadAsmAndanujAhi duHkhadAstadA tadA tvaM bhuvi janmabhAgbhavEH| ajO'vyayO'pIzavarO'pi sanvibhO svabhAvamAsthAya nijaM nijArcitaH||8||

mRtasudhAsadRzairaghanAzanaiH sucaritairavakIrya mahItalam| amanujairguNazaMsibhirIDitaH praviza cAzu punarhi svakaM padam||9||

anAdirAdyOjararUpadhArI hArI kirITI makaradhvajAbhaH| jayaM karOtu prasabhaM hatAriH smarAri saMsEvitapAdapadmaH||10||

ityuktvA tE surAH sarvE brahmEndrapramukhA muhuH| praNEmurarinAzEna prINitA raghunAyakam||11||

iti stutyAtisaMhRSTO raghunAthO mahAyazAH| prOvAca tAnsurAnvIkSya praNatAnnatakandharAn||12||

zrIrAma uvAca

surA vRNuta mE yUyaM varaM kiJcitsudurlabham| yaM kO'pi dEvO danujO na yakSaH prApa sAdaraH||13||

surA UcuH

svAminbhagavataH sarvaM prAptamasmAbhiruttamam| yadayaM nihataH zatrurasmAkaM tu dazAnanaH||14||

yadA yadA'surO'smAkaM bAdhAM paridadhAti bhOH| tadA tadEti kartavyamEtAvadvairinAzanam||15||

tathEtyuktvA punarvIraH prOvAca raghunandanaH|

zrIrAma uvAca

surAH zRNuta madvAkyamAdarENa samanvitAH||16||

bhavatkRtaM madIyairvaiguNairgrathitamadbhutam| stOtraM paThiSyati muhuH prAtarnizi sakRnnaraH||17||

tasya vairi parAbhUtirna bhaviSyati dAruNA| na ca dAridryasaMyOgO na ca vyAdhiparAbhavau||18||

madIyacaraNadvandvE bhaktistESAM tu bhUyasI| bhaviSyati mudAyuktE svAntE puMsAM tu pAThataH||19||

ityuktvA sO'bhavattUSNIM naradEvazirOmaNiH| surAH sarvE prahRSTAstE yayurlOkaM svakaM svakam||20||

||iti zrIpadmapurANE pAtAlakhaNDE zESavAtsyAyanasaMvAdE rAmAzvamEdhE agastyasamAgamOnAma paJcamO'dhyAyAntargataM dEvaiH kRtaM zrI-rAma-stOtraM sampUrNam||