From StotraSamhita

Jump to: navigation, search


gaNapati gakAra aSTOttarazatanAmastOtram

gakArarUpO gambIjO gaNEzO gaNavanditaH|
gaNanIyO gaNOgaNyO gaNanAtItasadguNaH||1||
gaganAdikasRdgaGgAsutO gaGgAsutArcitaH|
gaGgAdharaprItikarO gavIzEDyO gadApahaH||2||
gadAdharanutO gadyapadyAtmakakavitvadaH|
gajAsyO gajalakSmIvAn gajavAjirathapradaH||3||
gaJjAniratazikSAkRdgaNitajJO gaNOttamaH|
gaNDadAnAJcitO gantA gaNDOpalasamAkRtiH||4||
gaganavyApakO gamyO gamAnAdivivarjitaH|
gaNDadOSaharO gaNDabhramadbhramarakuNDalaH||5||
gatAgatajJO gatidO gatamRtyurgatOdbhavaH|
gandhapriyO gandhavAhO gandhasindhUrabRndagaH||6||
gandhAdipUjitO gavyabhOktA gargAdisannutaH|
gariSThO garabhidgarvaharO garalibhUSaNaH||7||
gaviSThO garjitArAvO gabhIrahRdayO gadI|
galatkuSThaharO garbhapradO garbhArbharakSakaH||8||
garbhAdhArO garbhavAsi-zizujJAna-pradAyakaH|
garutmattulyajavanO garuDadhvajavanditaH||9||
gayEDitO gayAzrAddhaphaladazca gayAkRtiH|
gadAdharAvatArI ca gandharvanagarArcitaH||10||
gandharvagAnasantuSTO garuDAgrajavanditaH|
gaNarAtrasamArAdhyO garhaNastuti-sAmyadhIH||11||
gartAbhanAbhirgavyUtidIrghatuNDO gabhastimAn|
garhitAcAradUrazca garuDOpalabhUSitaH||12||
gajArivikramO gandhamUSavAjI gatazramaH|
gavESaNIyO gahanO gahanasthamunistutaH||13||
gavayacchidgaNDakabhidgahvarApathavAraNaH|
gajadantAyudhO garjadripughnO gajakarNikaH||14||
gajacarmAmayacchEttA gaNAdhyakSOgaNArcitaH|
gaNikAnartanaprItOgacchan gandhaphalI priyaH||15||
gandhakAdi rasAdhIzO gaNakAnandadAyakaH|
garabhAdijanurhartA gaNDakIgAhanOtsukaH||16||
gaNDUSIkRtavArAziH garimAlaghimAdidaH|
gavAkSavatsaudhavAsI garbhitO garbhiNInutaH||17||
gandhamAdanazailAbhO gaNDabhEruNDavikramaH|
gaditO gadgadArAvasaMstutO gahvarIpatiH||18||
gajEzAya garIyasE gadyEDyO gatabhIrgaditAgamaH|
garhaNIya guNAbhAvO gaGgAdikazucipradaH||19||
gaNanAtIta-vidyA-zrI-balAyuSyAdi-dAyakaH|
EvaM zrIgaNanAthasya nAmnAmaSTOttaraM zatam||20||
paThanAcchravaNAt puMsAM zrEyaH prEmapradAyakam|
pUjAntE yaH paThEnnityaM prItassan tasyavighnarAT||21||
yaM yaM kAmayatE kAmaM taM taM zIghraM prayacchati|
dUrvayAbhyarcayan dEvamEkaviMzativAsarAn||22||
EkaviMzativAraM yO nityaM stOtraM paThEdyadi|
tasya prasannO vighnEzassarvAn kAmAn prayacchati||23||

|| iti zrI gaNapati gakAra aSTOttarazatanAmastOtraM sampUrNam||

Personal tools
Namespaces
Variants
Views
Actions
Navigation
Choose a script

translipi

Toolbox