gaNASTakam

EkadantaM mahAkAyaM taptakAJcanasannibham|
lambOdaraM vizAlAkSaM vandE'haM gaNanAyakam||1||

mauJjIkRSNAjinadharaM nAgayajJOpavItinam|
bAlEnduzakalaM maulau vandE'haM gaNanAyakam||2||

citraratna-vicitrAGga-citramAlAvibhUSitam|
kAmarUpadharaM dEvaM vandE'haM gaNanAyakam||3||

mUSakOttamam Aruhya dEvAsuramahAhavE|
yOddhukAmaM mahAvIryaM vandE'haM gaNanAyakam||4||

gajavaktraM surazrESThaM karNacAmarabhUSitam|
pAzAGkuzadharaM dEvaM vandE'haM gaNanAyakam||5||

yakSakinnara-gandharva-siddha-vidyAdharaiH sadA|
stUyamAnaM mahAbAhuM vandE'haM gaNanAyakam||6||

ambikAhRdayAnandaM mAtRbhiH parivESTitam|
bhaktapriyaM madOnmattaM vandE'haM gaNanAyakam||7||

sarvavighnakaraM dEvaM sarvavighnavivarjitam|
sarvasiddhipradAtAraM vandE'haM gaNanAyakam||8||

gaNASTakamidaM puNyaM yaH paThEt satataM naraH|
sid‌dhyanti sarvakAryANi vidyAvAn dhanavAn bhavEt||