From StotraSamhita

Jump to: navigation, search


gOdASTOttarazatanAmastOtram


dhyAnam

zatamakhamaNi nIlA cArukalhArahastA
stanabharanamitAGgI sAndravAtsalyasindhuH|
alakavinihitAbhiH sragbhirAkRSTanAthA
vilasatu hRdi gOdA viSNucittAtmajA naH||


stOtram

zrIraGganAyakI gOdA viSNucittAtmajA satI|
gOpIvESadharA dEvI bhUsutA bhOgazAlinI||1||
tulasIkAnanOdbhUtA zrIdhanvipuravAsinI|
bhaTTanAthapriyakarI zrIkRSNahitabhOginI||2||
AmuktamAlyadA bAlA raGganAthapriyA parA|
vizvambharA kalAlApA yatirAjasahOdarI||3||
kRSNAnuraktA subhagA sulabhazrIH salakSaNA|
lakSmIpriyasakhI zyAmA dayAJcitadRgaJcalA||4||
phalgunyAvirbhavA ramyA dhanurmAsakRtavratA|
campakAzOka-punnAga-mAlatI-vilasat-kacA||5||
AkAratrayasampannA nArAyaNapadAzritA|
zrImadaSTAkSarImantra-rAjasthita-manOrathA||6||
mOkSapradAnanipuNA manuratnAdhidEvatA|
brahmaNyA lOkajananI lIlAmAnuSarUpiNI||7||
brahmajJAnapradA mAyA saccidAnandavigrahA|
mahApativratA viSNuguNakIrtanalOlupA||8||
prapannArtiharA nityA vEdasaudhavihAriNI|
zrIraGganAthamANikyamaJjarI maJjubhASiNI||9||
padmapriyA padmahastA vEdAntadvayabOdhinI|
suprasannA bhagavatI zrIjanArdanadIpikA||10||
sugandhavayavA cAruraGgamaGgaladIpikA|
dhvajavajrAGkuzAbjAGka-mRdupAda-latAJcitA||11||
tArakAkAranakharA pravAlamRdulAGgulI|
kUrmOpamEya-pAdOrdhvabhAgA zObhanapArSNikA||12||
vEdArthabhAvatattvajJA lOkArAdhyAGghripaGkajA|
AnandabudbudAkAra-sugulphA paramA'NukA||13||
tEjaHzriyOjjvaladhRtapAdAGguli-subhUSitA|
mInakEtana-tUNIra-cArujaGghA-virAjitA||14||
kakudvajjAnuyugmADhyA svarNarambhAbhasakthikA|
vizAlajaghanA pInasuzrONI maNimEkhalA||15||
AnandasAgarAvarta-gambhIrAmbhOja-nAbhikA|
bhAsvadbalitrikA cArujagatpUrNa-mahOdarI||16||
navavallIrOmarAjI sudhAkumbhAyitastanI|
kalpamAlAnibhabhujA candrakhaNDa-nakhAJcitA||17||
supravAzAGgulInyastamahAratnAGgulIyakA|
navAruNapravAlAbha-pANidEza-samaJcitA||18||
kambukaNThI sucubukA bimbOSThI kundadantayuk|
kAruNyarasa-niSyanda-nEtradvaya-suzObhitA||19||
muktAzucismitA cArucAmpEyanibhanAsikA|
darpaNAkAra-vipula-kapOla-dvitayAJcitA||20||
anantArka-prakAzOdyanmaNi-tATaGka-zObhitA|
kOTisUryAgnisaGkAza-nAnAbhUSaNa-bhUSitA||21||
sugandhavadanA subhrU ardhacandralalATikA|
pUrNacandrAnanA nIlakuTilAlakazObhitA||22||
saundaryasImA vilasat-kastUrI-tilakOjjvalA|
dhagaddha-gAyamAnOdyanmaNi-sImanta-bhUSaNA||23||
jAjvalyamAla-sadratna-divyacUDAvataMsakA|
sUryArdhacandra-vilasat-bhUSaNAJcita-vENikA||24||
atyarkAnala-tEjOdhimaNi-kaJcukadhAriNI|
sadratnAJcitavidyOta-vidyutkuJjAbha-zATikA||25||
nAnAmaNigaNAkIrNa-hEmAGgadasubhUSitA|
kuGkumAgaru-kastUrI-divyacandana-carcitA||26||
svOcitaujjvalya-vividha-vicitra-maNi-hAriNI|
asaGkhyEya-sukhasparza-sarvAtizaya-bhUSaNA||27||
mallikA-pArijAtAdi divyapuSpa-sragaJcitA|
zrIraGganilayA pUjyA divyadEzasuzObhitA||28||


||iti zrI gOdASTOttarazatanAmastOtraM sampUrNam||

Personal tools
Namespaces
Variants
Views
Actions
Navigation
Choose a script

translipi

Toolbox