From StotraSamhita
gurvaSTakam
zarIraM surUpaM tathA vA kalatraM yazazcAru citraM dhanaM mErutulyam| manazcEnna lagnaM gurOraGghripadmE tataH kiM tataH kiM tataH kiM tataH kim||1|| |
kalatraM dhanaM putrapautrAdisarvaM gRhaM bAndhavAH sarvamEtaddhi jAtam| manazcEnna lagnaM gurOraGghripadmE tataH kiM tataH kiM tataH kiM tataH kim||2|| |
SaDaGgAdivEdO mukhE zAstravidyA kavitvAdi gadyaM supadyaM karOti| manazcEnna lagnaM gurOraGghripadmE tataH kiM tataH kiM tataH kiM tataH kim||3|| |
vidEzESu mAnyaH svadEzESu dhanyaH sadAcAravRttESu mattO na cAnyaH| manazcEnna lagnaM gurOraGghripadmE tataH kiM tataH kiM tataH kiM tataH kim||4|| |
kSamAmaNDalE bhUpabhUpAlabRndaiH sadA sEvitaM yasya pAdAravindam| manazcEnna lagnaM gurOraGghripadmE tataH kiM tataH kiM tataH kiM tataH kim||5|| |
yazO mE gataM dikSu dAnapratApAt jagadvastusarvaM karE yatprasAdAt| manazcEnna lagnaM gurOraGghripadmE tataH kiM tataH kiM tataH kiM tataH kim||6|| |
na bhOgE na yOgE na vA vAjirAjau na kantAmukhE naiva vittESu cittam| manazcEnna lagnaM gurOraGghripadmE tataH kiM tataH kiM tataH kiM tataH kim||7|| |
araNyE na vA svasya gEhE na kAryE na dEhE manO vartatE mE tvanarghyE| manazcEnna lagnaM gurOraGghripadmE tataH kiM tataH kiM tataH kiM tataH kim||8|| |
gurOraSTakaM yaH paThEtpuNyadEhI yatirbhUpatirbrahmacArI ca gEhI| labhEdvAJchitArthaM padaM brahmasaMjJaM gurOruktavAkyE manO yasya lagnam|| |
||iti zrImacchaGkarAcAryaviracitaM zrI gurvaSTakaM sampUrNam||