hayagrIvASTOttarazatanAmastOtram

hayagrIvO mahAviSNuH kEzavO madhusUdanaH|
gOvindaH puNDarIkAkSO viSNurvizvambharO hariH||1||

AdityaH sarvavAgIzaH sarvAdhAraH sanAtanaH|
nirAdhArO nirAkArO nirIzO nirupadravaH||2||

niraJjanO niSkalaGkO nityatRptO nirAmayaH|
cidAnandamayaH sAkSI zaraNyaH sarvadAyakaH||3||

zrImAn lOkatrayAdhIzaH zivaH sArasvatapradaH|
vEdOddharttA vEdanidhirvEdavEdyaH prabhUtanaH ||4||

pUrNaH pUrayitA puNya़H puNyakIrtiH parAtparaH|
paramAtmA paraJjyOtiH parEzaH pAragaH paraH||5||

rsarvavEdAtmakO vidvAn vEdavEdAGgapAragaH|
sakalOpaniSadvEdyO niSkalaH sarvazAstrakRt||6||

akSamAlAjJAnamudrAyuktahastO varapradaH|
purANapuruSaH zrESThaH zaraNyaH paramEzvaraH ||7||

zAntO dAntO jitakrOdhO jitAmitrO jaganmayaH|
jaganmRtyuharO jIvO jayadO jADyanAzanaH||8||

janapriyO janastutyO jApakapriyakRtprabhuH|
vimalO vizvarUpazca vizvagOptA vidhistutaH||9||

vidhIndrazivasaMstutyaH zAntidaH kSAntipAragaH|
zrEyapradaH zrutimayaH zrEyasAM patirIzvaraH ||10||

acyutO'nantarUpazca prANadaH pRthivIpatiH|
avyaktO vyaktarUpazca sarvasAkSI tamOharaH||11||

ajJAnanAzakO jJAnI pUrNacandrasamaprabhaH|
jJAnadO vAkpatiryOgI yOgIzaH sarvakAmadaH||12||

mahAyOgI mahAmaunI maunIzaH zrEyasAM patiH|
haMsaH paramahaMsazca vizvagOptA virAT svarAT||13||

zuddhasphaTikasaGkAzO jaTAmaNDalasaMyutaH|
AdimadhyAntarahitaH sarvavAgIzvarEzvaraH||14||

||iti zrI hayagrIvASTOttarazatanAmastOtraM sampUrNam||