From StotraSamhita
kAmAkSI suprabhAtam
jagadavana vidhau tvaM jAgarUkA bhavAni tava tu janani nidrAmAtmavatkalpayitvA| pratidivasamahaM tvAM bOdhayAmi prabhAtE tvayi kRtamaparAdhaM sarvamEtaM kSamasva|| |
yadi prabhAtaM tava suprabhAtam tadA prabhAtaM mama suprabhAtam| tasmAt prabhAtE tava suprabhAtam vakSyAmi mAtaH kuru suprabhAtam|| |
||guru dhyAnam||
yasyAGghripadma-makarandaniSEvaNAt tvam jihvAM gatA'si varadE mama mandabaddhaH| yasyAmba nityamanaghE hRdayE vibhAsi taM candrazEkharaguruM praNamAmi nityam|| |
jayE jayEndrO guruNA grahItO maThAdhipatyE zazizEkharENa| yathA guruH sarvaguNOpapannO jayatyasau maGgalamAtanOtu|| |
zubhaM dizatu nO dEvI kAmAkSI sarvamaGgalA zubhaM dizatu nO dEvI kAmakOTI-maThEzaH| zubhaM dizatu tacchiSya-sadgururnO jayEndrO sarvaMmaGgalamEvAstu maGgalAni bhavantu naH|| |
||suprabhAtam||
kAmAkSi dEvyamba tava''rdradRSTyA mUkaH svayaM mUkakaviryathA'sIt| tathA kuru tvaM paramEzajAyE tvatpAdamUlE praNataM dayArdrE||1|| |
uttiSThOttiSTha varadE uttiSTha jagadIzvari| uttiSTha jagadAdhArE trailOkyaM maGgaLaM kuru||2|| |
zRNOSi kaccid-dhvanirutthitO'yam mRdaGgabhErIpaTahAnakAnAm| vEdadhvaniM zikSitabhUsurANAm zRNOSi bhadrE kuru suprabhAtam||3|| |
zRNOSi bhadrE nanu zaGkhaghOSam vaitAlikAnAM madhuraM ca gAnam| zRNOSi mAtaH pikakukkuTAnAm dhvaniM prabhAtE kuru suprabhAtam||4|| |
mAtarnirIkSya vadanaM bhagavAn zazAGkO - +lajjAnvitaH svayamahO nilayaM praviSTaH| draSTuM tvadIya vadanaM bhagavAn dinEzO - hyAyAti dEvi sadanaM kuru suprabhAtam||5|| |
pazyAmba kEcid-dhRtapUrNakumbhAH kEcid-dayArdrE dhRtapuSpamAlAH| kAcit zubhAGgyO nanuvAdyahastAH tiSThanti tESAM kuru suprabhAtam||6|| |
bhErImRdaGgapaNavAnakavAdyahastAH stOtuM mahEzadayitE stutipAThakAstvAm| tiSThanti dEvi samayaM tava kAGkSamANAH hyuttiSTha divyazayanAt kuru suprabhAtam||7|| |
mAtarnirIkSya vadanaM bhagavAn tvadIyam naivOtthitaH zazidhiyA zayitastavAGkE| sambOdhayAzu girijE vimalaM prabhAtam jAtaM mahEzadayitE kuru suprabhAtam||8|| |
antazcarantyAstava bhUSaNAnAm jhaljhaldhvaniM nUpurakaGkaNAnAm| zrutvA prabhAtE tava darzanArthI dvAri sthitO'haM kuru suprabhAtam||9|| |
vANI pustakamambikE girisutE padmAni padmAsanA rambhA tvambaraDambaraM girisutA gaGgA ca gaGgAjalam| kAlI tAlayugaM mRdaGgayugalaM bRndA ca nandA tathA nIlA nirmaladarpaNa-dhRtavatI tAsAM prabhAtaM zubham||10|| |
utthAya dEvi zayanAdbhagavAn purAriH snAtuM prayAti girijE suralOkanadyAm| naikO hi gantumanaghE ramatE dayArdrE hyuttiSTha dEvi zayanAt kuru suprabhAtam||11|| |
pazyAmba kEcitphalapuSpahastAH kEcit purANAni paThanti mAtaH| paThanti vEdAn bahavastava''rE tESAM janAnAM kuru suprabhAtam||12|| |
lAvaNyazEvadhimavEkSya ciraM tvadIyam kandarpadarpadalanO'pi vazaM gatastE| kAmAri-cumbitaka-pOlayugaM tvadIyam draSTuM sthitA vayamayE kuru suprabhAtam||13|| |
gAGgEyatOyamamavAhya munIzvarAstvAm gaGgAjalaiH snapayituM bahavO ghaTAMzca| dhRtvA ziraHsu bhavatImabhikAGkSamANAH dvAri sthitA hi varadE kuru suprabhAtam||14|| |
mandAra-kunda-kusumairapi jAtipuSpaiH mAlAkRtA viracitAni manOharANi| mAlyAni divyapadayOrapi dAtumamba tiSThanti dEvi munayaH kuru suprabhAtam||15|| |
kAJcI-kalApa-parirambhanitambabimbam kAzmIra-candana-vilEpita-kaNThadEzam| kAmEza-cumbita-kapOlamudAranAsAm draSTuM sthit vayamayE kuru suprabhAtam||16|| |
mandasmitaM vimalacAruvizAlanEtram kaNThasthalaM kamalakOmalagarbhagauram| cakrAGkitaM ca yugalaM padayOrmRgAkSi draSTuM sthitA vayamayE kuru suprabhAtam||17|| |
mandasmitaM tripuranAzakaraM purArEH kAmEzvarapraNayakOpaharaM smitaM tE| mandasmitaM vipulahAsamavEkSituM tE mAtaH sthitA vayamayE kuru suprabhAtam||18|| |
mAtA zizUnAM parirakSaNArtham na caiva nidrAvazamEti lOkE| mAtA trayANAM jagatAM gatistvam sadA vinidrA kuru suprabhAtam||19|| |
mAtarmurArikamalAsanavanditAGghryAH hRdyAni divyamadhurANi manOharANi| zrOtuM tavAmba vacanAni zubhapradAni dvAri sthitA vayamayE kuru suprabhAtam||20|| |
digambarO brahmakapAlapANiH vikIrNakEzaH phaNivESTitAGgaH| tathA'pi mAtastava dEvisaGgAt mahEzvarO'bhUt kuru suprabhAtam||21|| |
ayi tu janani dattastanyapAnEna dEvi draviDazizurabhUdvai jJAnasampannamUrtiH| draviDatanayabhuktakSIrazESaM bhavAni vitarasi yadi mAtaH suprabhAtaM bhavEnmE||22|| |
janani tava kumAraH stanyapAnaprabhAvAt zizurapi tava bhartuH karNamUlE bhavAni| praNavapadavizESaM bOdhayAmAsa dEvi yadi mayi ca kRpA tE suprabhAtaM bhavEnmE||23|| |
tvaM vizvanAthasya vizAlanEtrA hAlAsyanAthasya nu mInanEtrA| EkAmranAthasya nu kAmanEtrA kAmEzajAyE kuru suprabhAtam||24|| |
zrIcandrazEkharagururbhagavAn zaraNyE tvatpAdabhaktibharitaH phalapuSpapANiH| EkAmranAthadayitE tava darzanArthI tiSThatyayaM yativarO mama suprabhAtam||25|| |
EkAmranAthadayitE nanu kAmapIThE sampUjitA'si varadE guruzaGkarENa| zrIzaGkarAdiguruvarya-samarcitAGghrim draSTuM sthitA vayamayE kuru suprabhAtam||26|| |
duritazamanadakSau mRtyusantAsadakSau caraNamupagatAnAM muktidau jJAnadau tau| abhayavaradahastau draSTumamba sthitO'ham tripuradalanajAyE suprabhAtaM mama''ryE||27|| |
mAtastvadIyacaraNaM haripadmajAdyaiH vandyaM rathAGga-sarasIruha-zaGkhacihnam| draSTuM ca yOgijanamAnasarAjahaMsam dvAri sthitO'smi varadE kuru suprabhAtam||28|| |
pazyantu kEcidvadanaM tvadIyam stuvantu kalyANaguNAMstavAnyE| namantu pAdAbjayugaM tvadIyAH dvAri sthitAnAM kuru suprabhAtam||29|| |
kEcit sumErOH zikharE'tituGgE kEcinmaNidvIpavarE vizAlE| pazyantu kEcit tvamRtAbdhimadhyE pazyAmyahaM tvAmiha suprabhAtam||30|| |
zambhOrvAmAGkasaMsthAM zazinibhavadanAM nIlapadmAyatAkSIm zyAmAGgAM cAruhAsAM nibiDatarakucAM pakvabimbAdharOSThIm| kAmAkSIM kAmadAtrIM kuTilakacabharAM bhUSaNairbhUSitAGgIm pazyAmaH suprabhAtE praNatajanimatAmadya naH suprabhAtam||31|| |
kAmapradAkalpatarurvibhAsi +nAnyA gatirmE nanu cAtakO'ham| varSasyamOghaH kanakAmbudhArAH kAzcittu dhArA mayi kalpayAzu||32|| |
trilOcanapriyAM vandE vandE tripurasundarIm| trilOkanAyikAM vandE suprabhAtaM mamAmbikE||33|| |
kAmAkSi dEvyamba tava''rdradRSTyA kRtaM mayEdaM khalu suprabhAtam| sadyaH phalaM mE sukhamamba labdham tathA ca mE duHkhadazA gatA hi||34|| |
yE vA prabhAtE puratastava''ryE paThanti bhaktyA nanu suprabhAtam| zRNvanti yE vA tvayi baddhacittAH tESAM prabhAtaM kuru suprabhAtam||35|| |
||iti lakSmIkAnta-zarmA-viracitaM zrIkAmAkSIsuprabhAtaM sampUrNam||
