From StotraSamhita

Jump to: navigation, search

madhurASTakam

adharaM madhuraM vadanaM madhuraM nayanaM madhuraM hasitaM madhuram|
hRdayaM madhuraM gamanaM madhuraM madhurAdhipatErakhilaM madhuram||1||
vacanaM madhuraM caritaM madhuraM vasanaM madhuraM valitaM madhuram|
calitaM madhuraM bhramitaM madhuraM madhurAdhipatErakhilaM madhuram||2||
vENurmadhurO rENurmadhuraH pANirmadhuraH pAdau madhurau|
nRtyaM madhuraM sakhyaM madhuraM madhurAdhipatErakhilaM madhuram||3||
gItaM madhuraM pItaM madhuraM bhuktaM madhuraM suptaM madhuram|
rUpaM madhuraM tilakaM madhuraM madhurAdhipatErakhilaM madhuram||4||
karaNaM madhuraM taraNaM madhuraM haraNaM madhuraM ramaNaM madhuram|
vamitaM madhuraM zamitaM madhuraM madhurAdhipatErakhilaM madhuram||5||
guJjA madhurA mAlA madhurA yamunA madhurA vIcI madhurA|
salilaM madhuraM kamalaM madhuraM madhurAdhipatErakhilaM madhuram||6||
gOpI madhurA lIlA madhurA yuktaM madhuraM muktaM madhuram|
dRSTaM madhuraM ziSTaM madhuraM madhurAdhipatErakhilaM madhuram||7||
gOpA madhurA gAvO madhurA yaSTirmadhurA sRSTirmadhurA|
dalitaM madhuraM phalitaM madhuraM madhurAdhipatErakhilaM madhuram||8||


||iti zrImadvallabhAcAryaviracitaM madhurASTakaM sampUrNam||

Personal tools
Namespaces
Variants
Views
Actions
Navigation
Choose a script

translipi

Toolbox